要圓面

媽媽：小豹小豹，你揀定投胎對象未呀？

豹豹：我觀察緊，我要肥貓，面圓，咁先夠幸福，

如果你養到小枝妹妺肥嘟嘟又圓面，我就投胎落佢度啦！

小枝：我要強壯！

白白：我之前都好瘦，衣家變咗圓面，

我估，小枝妹妹都有可能！

媽媽：我盡力！

 

730複診

迪蘇媽：辛苦哂，今日複診都算乖，尋晚同今朝依醫生吩咐餵咗鎮靜藥，今朝入袋無太反抗。相信你在診所抽血、聽心、照x光時都應該幾乖！

驗血指數超靚同正常健康貓一！

x光都顯示心肺保持。

叻叻，去水藥可以減為每日一次每次半粒，

心臟藥同鉀丸就繼續，

2801食到8月31號就可以停！

九月中複診！

yeah！

 

白白的投訴

1. 家陣食嘢冇以前咁多，請問係咪對飯餐唔滿意呢？是否嫌款式太少呢，有冇相特別要求呢？另外問下佢，我返咗工之後，佢自己又冇出嚟食貓乾糧。

傳心師代答：之前想強壯啲，所以食得多；衣家夠強壯，唔駛食咁多啦。

乾糧呢，無興趣，食咗難消化，所以我梗係無出黎食其他貓食剩既乾糧啦！

2. 自從大籠比小枝妹妹住，佢原本在籠內個廁所冇得用，所以佢就搵咗啲陰濕位屙，例如層架。麻煩你幫我問吓佢，平時點樣去廁所，係咪唔鍾意同其他貓共用廁所？妹妹暫時都要住籠所以你冇得用籠入邊個廁所，請你將就吓，去其他廁所好唔好？

傳心師代答：我都唔想在其他位置屙，畀番個藍色砂盤畀我得唔得？

3. 佢家陣都係躲在櫃頂，（放飯時）我已經係輕輕盡量小動靜咁去望佢，但佢一發現我就會跳落地，麻煩你幫我feel下佢，有冇受傷有冇肌肉痛？如果有，聽日就要挨醫生檢查。

傳心師代答：我好強壯，跳落黎絕對無問題(傳心師feel到後腳赤赤地)。媽媽想我唔跳，下次入來要send住love溫柔啲，

我feel到就會沿梯級落地食。

 

 

肚腩仔

迪蘇媽：今日同你上磅，有3.9kg，面圓咗，

仲有個肚腩仔，勁！

 

涼住冷氣曬太陽

 

小吱喳

弱雞妹妹：我唔係亂喵，我唔係叫到聲沙，

我只係練氣，大聲喵叫，先可以訓練心肺，等自己強大啲！

媽媽：原來係咁...

弱雞妹妹：我衣家身體都未好番，就好似小樹枝咁，

弱弱的，要改名，就叫小枝！

等我活過六歲，到時就真係強大，咁過六歲就叫大枝啦！

媽媽：我覺得你家陣係小吱喳咯！

 

咁Friend？

媽媽：小健同白白做咗朋友？

小健：咁岩佢上咗枱啫....

白白：咪，咪行埋黎呀......

 

好嘈呀

媽媽：成日喵，弱雞妹妹你就黎聲沙啦！

 

點解食貓砂？

大妹：點解食貓砂？有朕香氣，好吸引，忍唔住......

(近半年換咗貓砂牌子)係呀，以前唔覺香，最近覺得好香...

食完會肚屙？無問題啊，我肚屙我既事，我無嘢喎....

點先可以唔食？我諗下......................

叫屋企貓貓提醒我.........我驚忍唔住....

其實....我好悶呢.....

(兩年前細妹回汪星)

媽媽：明白啦，我用番以前貓砂啦......

但你暫時要停兩餐，等肚屙稍稍改善，

先逐少加番糧畀你！

 

進擊的貓

媽媽：得啦得啦，我攤凍啲雞柳搣絲先食得架...

等一陣啦....

 

眼仔碌碌

迪蘇媽：弱雞妹妹，半夜1點幾仲眼仔碌碌？快啲瞓覺！

 

鬼鬼鼠鼠偷番薯

白白：咦.....

迪蘇媽：裝裝吓，以為半夜2點幾我入咗房瞓呢....

今日打風凌晨2點幾我仲响廳睇緊電視呢....

白白：閃...

 

捉蝨大作戰

迪蘇媽：今日book唔到獸醫檢查，

去到診所打算買bb版revolution但VA話你太輕(0.7kg)唔好滴蝨，

叫我幫你沖涼捉蝨，好啦，咁就開始沖涼大作戰，

捉到10幾20隻，沖完涼乾淨哂....

原來除咗右手，右腳都有傷口，消毒先！

洗完白白乾淨哂，點知換新墊又瀨屎......

換過新牀加尿墊，瀨咗就換墊，好好食嘢好好瞓覺~~

 

新BB

迪蘇媽：晚上到埗，抹身、打水、食嘢、reiki.....

好好休息...

 

大少陪屙屎

 

可以食少一條

媽媽：喂呀，我知你日日要食幾條，但真無益嘛.....

你已經腎衰，愈黎愈瘦啦，食少啲啦，會襟捱啲！

小健：好啦，咁食少一條！

 

做乜鬧交？

媽媽：迪奇做乜蝦蘇菲？！

媽媽：落番黎啦，衰仔！

 

喂呀，唔該借歪

 

出來人吃飯啊！

 

層層疊

 

毛毛生長中

 

hello bye bye

媽媽：Hello，我出門啦~~

小青：bye bye~

 

咁咪乖咯

媽媽：係咯，鳳鳳珠乖乖落黎枱食飯，咁咪乖咯！

 

假釋

 

係要我捉

媽媽：係要我响櫃頂捉你餵藥，然後先肯乖乖食嘢....

煩死人呀你！

 

搵野食？

 媽媽：恐龍仔你搵野食？

恐龍仔：頭先正餐麻麻地，衣家想食其他...

媽媽：好呀，即開一包腎湯包畀你！

 

偷望

 

嚇親？

媽媽：尋日趕住出門口關咗你入廚房一日，

夜晚回家先發現....對唔住...

唔知係咪嚇親，夜晚果餐無食...

今日，朝早又無餵口食，

夜晚畀你食湯包，只係食咗少少....

唔好嚇媽媽啊.....

 

安心睡