畢業了

小雨BB，這段日子辛苦了。 由舊年12月開始不斷傷風牙痛睇醫生， 入過院，開過餵食喉， 辛苦到嘔咗條喉出來， 之後有個幾月都係灌食， 媽媽相信小雨會好番的！ 最後小雨真係自己食番嘢， 安穩生活咗一段日子， 但就無法增重，食咗都唔吸收， 12月開餵食喉而剃的毛一路無生番...... 不過見你生活優游，媽媽也就安心 我鹃都過咗一段親密的日子，每天鍚鍚小雨。 上星期肥綿走後，小雨亦步後塵， 身體日漸衰敗，最後油盡燈枯， 但在最後的日子竟然主動吃了一條肉泥，叻仔！ 小雨如今不再辛苦了， 今早五點半正式離開身軀上彩虹橋！ 小雨知道媽媽好愛你， 如果有你的計劃，盡管去闖盪。 如果你回來，媽媽亦係好開心！ 暫別啦。