大爺

媽媽：豹大爺，借一借好嗎？我要工作啊~~

豹仔：我陪住你工作嘛.....

 

白花

出門時看見鄰居盛開的幾朵白花，

是給小雨送行嗎？

 

不要搶

媽媽：最後一件，唔好搶啊~~

 

Excalibur

山山：咦，咁大部既？.

媽媽：係風乾機，同白色果部一樣，

不過呢部係風乾機貴族Excalibur，係姨姨送畀我哋，有福啦你哋！

 

星期二獅子會

細妹：嘩，果隻狗會搶食架....

細妹：佢叫豹B，大少黎架~~

大妹：我哋就乖，等媽媽畀嘢我哋食~~~

                          

攰

好攰呀，包括媽媽， 一家好好休息....

砂盤不是貓窩

媽媽：喂呀，呢個砂盤黎架傻B！ Bu B；好舒服呀，我鍾意.....

Puma一隻

ken仔覆診

今日有3.9kg，驗血報告所有指數都回復正常，仲有5星期針就大功告成！ 加油呀！

送別肥綿

媽媽：尋日送小雨到寵樂緣，然後給肥綿告別， 媽媽為你準備了漂亮鮮花， 陪肥綿這位美少女戰士去闖盪江湖。 媽媽知道了，肥綿要做獵豹，在草原奔跑追獵物， 你盡情去追吧， 媽媽祝福你~

畢業了

小雨BB，這段日子辛苦了。 由舊年12月開始不斷傷風牙痛睇醫生， 入過院，開過餵食喉， 辛苦到嘔咗條喉出來， 之後有個幾月都係灌食， 媽媽相信小雨會好番的！ 最後小雨真係自己食番嘢， 安穩生活咗一段日子， 但就無法增重，食咗都唔吸收， 12月開餵食喉而剃的毛一路無生番...... 不過見你生活優游，媽媽也就安心 我鹃都過咗一段親密的日子，每天鍚鍚小雨。 上星期肥綿走後，小雨亦步後塵， 身體日漸衰敗，最後油盡燈枯， 但在最後的日子竟然主動吃了一條肉泥，叻仔！ 小雨如今不再辛苦了， 今早五點半正式離開身軀上彩虹橋！ 小雨知道媽媽好愛你， 如果有你的計劃，盡管去闖盪。 如果你回來，媽媽亦係好開心！ 暫別啦。

小雨最後的醬䤗

小雨好叻，媽媽今朝帶ken仔覆診回來， 你竟然在廚房門口迎接，知道你討吃， 即刻開條肉醬給你， 見你主動吃，有力吃， 媽媽好安慰.... 吃完好好休息， 天使或觀音來接你，就跟他們上彩虹橋啦....

心肝寶貝

媽媽：小雨，你也累了， 回貓星休息吧... 媽媽愛你 (圖為一月時的小雨)

3kg

媽媽：3kg啦，叻仔！

$99一貓窩

消費券用得最抵之九十九蚊一貓窩~

等你回來

媽媽：綿，你之前請傳心師傳話，同我講再見，話唔會投胎回來，話知道我唔係咁想。 綿,你錯啦，媽媽愛你，如果下世你另有打算，去做獅子老虎，媽媽祝福你。 但如果你回來，媽媽係好開好開心的。 其實，我好希望阿綿能夠回來媽媽身邊， 如果有這個機會，阿綿你考慮下... 愛你！

美少女戰士

傳心師：兩次看到影像，肥綿在白色明亮泛光、閃閃生暉的空中，螺旋式輕柔往上升，身體回復胖嘟嘟，面容平靜，悠然自在，眼看上方，右手拿着短短的魔法棒⋯⋯

看海

綿：原來外面係咁......

肥綿出發往彩虹橋

媽媽：今早凌晨12點幾，餵完少少腎包濕糧，打完水，抱你入房上牀仔， 然後我去處理少少野，見你半個身在牀外，但沒跌出牀， 去書房關電腦，回房見你躺在地上進入彌留狀態...... 沒想到媽媽關燈上廁所，回到睡房阿綿已經沒有呼吸，出發往彩虹橋。 綿，慶幸剛抱過你，白天亦和你出去看海，兩母女有美好的獨處時光， 應該沒遺憾了。 綿，記住，媽媽等你回來~~

肥綿的心意2

有什麼想食呢？

「雞雞，烘的」

(星期日已經為你奉上，可惜你已經食唔落，但相信你聞下都滿足的)

現在有什麼需要呢？

「比我瞓多啲呀，給我好舒服的床舖，（影像：牀仔有幾條珊瑚絨毛氈）⋯⋯照顧我的項目減至最少，只做你認為有效的。俾多啲時間我瞓覺，因為我真係好攰耶⋯」

（對於媽媽目前的照顧，其實我是辛苦的，但要媽媽停止目前照顧，她也不安心。）

屋企其他動物離開時，他們要求唱歌，聽佛經，唸心經，大家都要求這些東西，我對呢啲嘢麻麻地，只要靜靜地，媽媽send love給我便夠。reiki都唔駛。我喜歡簡單丶pure的。

有關去彩虹橋無須心理準備，來這個世界才要準備，因為來這個世界要面對很多困難、愛恨情仇，我表現一向不弱，（影像：肥綿追殺身形比他小的動物），但有時當我靜下來時，我都會驚驚， （影像：肥綿於黑暗中在大廳孤獨一個）

我知道自己就要離開，（傳心師本來想安撫，但避免即刻舉起手說等等），我剛才說的愛恨情仇，是要自己面對的，去經歷，去明白，這就是我們放棄上面的榮華富貴，落凡間搞搞佢的原因，上面太完美，太無所事事啦。所以去彩虹橋是沒有難度的。

何況彩虹橋有大把同伴等候我（迪蘇家同伴，雖然關係麻麻，但始終是一家人）。

我剛才說的驚驚，你無需勸解，這些事我需要化解的愛行情仇，我自己懂得安撫自己，這就是我的功課。我唔需要人幫，多數啦，間中都可以幫我嘅。

 

肥綿的心意1

「去彩虹橋無需做心理準備，來這個世界才要做好心理準備。

我知道自己情況，我有我的想法。

（腹部冤痛）

我命不久矣（由媽媽感受到），知道的，阿媽一講我就明，我俾佢想像更加聰明。雖然我係大件，但我唔係dummy 。

現在腎衰竭，六期。已經嚴重過嚴重，媽媽給我的治療，打水、餵食、補充劑，全部全部都唔能夠令我起死回生，只係緩和病情，等我唔使咁辛苦。阿媽好擔心我，唔知狀況，傻吓傻吓，話俾媽媽知，我乜都知，我乜都明。彩虹橋呢，我更加明係乜嘢一回事。（這段話期間，個肚無端端會跳一下的痛，有時會拿住一下痛）（傳心師了解肥綿目睹家中動物一個一個離開，看到媽媽照顧他們，看到他們離開，每一次都着想了一課，感受到媽媽的傷心，但她逃避去面對這種傷心，行開少少擰歪面）因為這是媽媽本身的情緒，我不想影響她。

（我現在這樣照顧你，你有什麼意見？）

（大聲高音）接受，媽媽佢接受我嘅反應嗎？我都有反抗㗎⋯⋯你哋都係我自然嘅反應，請媽媽忍耐同接受，辦法配合我，適應我，不過應該都唔係問題，我都知我自己越嚟越冇力，唔識反抗係遲早的事。希望媽媽接受我呢隻肥綿力大無窮。」（傳心師解讀，避免知道媽媽對於她日漸虛弱乏力感到傷心失落）

（對於餵補充劑有何意見？ ）

肥綿即時反胃，感覺口好苦，舌覺得苦，口腔覺得苦，想飲水，但水好凍，凍到打冷震。肥綿要求可否給它暖一點的水。

「唉，無謂講啦，唔緊要啦，繼續餵啦⋯⋯」（心態上想配合媽媽）「都唔係媽媽講得咁難食」（心說：臭啲啫）

（待續）

 

食唔落

媽媽：特登為你症的風乾雞片，

知道你未必食到，

'但聞下都滿足，對嗎？

綿，媽媽愛你！

 

吃鷄片

肥綿的雞片

\

媽媽：肥綿，你今日見點？

肥綿：快啲畀雞我食.................

媽媽：為你而設，明早有得食！

 

肥綿的安樂窩

肥綿：我好清楚我衣家狀況...

去彩虹橋唔駛心理準備，

來世間先要心理準備，因為會經歷困難、開心.....

衣家我想好好休息...有抓毛氈就可以...

(肥綿傳心1)

 

Ken腹膜炎療程

3月2日因暴瘦見醫生，去到已經呼吸困難，要聞氧氣。

X光發現胸水，抽出來發現胸水好多蛋白質，

好大機會係FIP，

加埋驗血報告，確診，即晚開始FIP針。

至今已經第36針，體重由2.5kg上到今日3.53kg。

繼續加油Ken仔！

 

鳯鳯珠覆診

莊醫生：口腔牙肉仲有紅，有抓過痕跡~~

(尋日)

莊醫生：呢邊都係，但比上次好咗好多~~

食多一個月早晚0.5ml類固醇，等好番、穩定先轉一日一次~~

鳯鳯珠：我重咗喎，有3.27kg~~

媽媽：梗係啦，食住類固醇嘛，梗係好餵口啦你~

繼續乖乖食藥，唔好匿埋啊....

 

小虎12歲

媽媽：今日4月4日兒童節，係小虎12歲生日

生日快樂呀，

要健康呀！

咪一副愁樣啦~~

小虎：我一向係憂鬱小生樣.....

 

誰是兇手？

貓奴媽媽：邊個响六呎高籠頂落黎，

搞到我耳仔同頸受傷？

邊個？

到底係邊個？

 

腎補充劑

媽媽：肥綿，今日精神唔錯喎~~

媽媽：今日買咗呢套腎補充劑，知道好難食，

但希望幫到你！

 

尿如水

媽媽：本來今日幫你book咗星期一睇醫生，

睇下腎功能有幾差，仲有咩可以幫到你。

但今晚幫你人手排尿檢查。

發覺尿液已經水咁清，完全無尿味，

代表腎功能已經基本喪失，

咁算啦，去到都係白抽血，都無嘢可以做，

唔去拮針啦。

我餵你肯食就好~~

媽媽：食完就好好休息，

有幾多日子就幾多日子，

最緊要唔好辛苦。