腎病後期

安仔最愛抱抱~~

自從舊年七月發現有腎卜衰竭後，你食咗一段短時間腎糧就唔肯再食，咁算啦由得你，
開心生活最緊要。
但呢個幾月瘦咗好多，粉紅肉球都淺色咗，知你腎病愈見嚴重可能貧血，
今日見Dr. dorothy驗血吧....
果然紅血球指數好低，即刻打咗造血針....

腎指數高企係意料中事，醫生建議開始打皮下水了，每日50-80ml,,,,,
安仔如果你肯食腎糧，或者可以有長啲命，不過算啦，你鍾意食就食，唔食就算...
媽媽要同你講對唔住，今日強行餵藥令你唔開心，
以後唔夾硬餵啦，撈入糧，你肯食就食，保持生活質素最重要！
安仔你想努力就努力，想開心就開心，媽媽守護你！