樂樂的話

樂樂：大概在上兩個星期，媽媽都知道，我期可能無幾多日子，所以請Brenda 姨姨同我傳心。
我知，講遺言吖嘛！
早兩個星期，即大約十日前，我已經好弱啦，無乜氣，不過仍然有力跳上枱飲水。
我知道媽媽就黎要forcefeed我，我請brenda姨姨傳話，咁係無用架，我都吞唔。
如果我自己食到,自然會食。
咁我最想食呢，係魚魚，媽媽啲烤魚真係好香好香架，就算吞唔落都唔緊要,聞下都好心！
所以，星期六媽媽煎咗魚同煲咗魚湯，我仲有得有廚房聞住煎魚香味呀！
跟住星期日，媽媽帶我去探我小時候救我的林生。並幫我轉達，請佢救貓要量力而為，唔好太辛苦自己呀！
而媽媽你呢，請照顧我時溫柔少少，如果我係我一爭扎，就可能會斷氣架！咁呢段日子，媽媽都溫柔咗好多。
星期三朝早，媽媽番工前仲抱住我，用體溫溫暖我。
媽媽我走咗之後，你要對自己好啲，食好啲，做下運動。
你已經照顧得我哋好好。你幫少啲動物，無人會怪你架！你成日忙死自己，我哋又無叫你幫！
你要量力而為，有時見你好猛猙，好惡，我寧願你走開，你唔開心，我哋會接數到你的負能量的！
我走咗之後，你要生活開心呀！媽媽再見！