迪奇的話3

媽媽問，我有無回來探佢呀？
梗係有！忡周時添！
咁我依家冇嘢做，又有時擔心媽媽，
我Feel到媽媽傷心的時候，媽媽的心抽住痛，我亦會跟着feel到，
咁番來係冇難度嘅，只要心一諗，就返咗去，快到無倫架。
番到來，見到媽媽喊....
唉，真係陰公，連環炮咁，逐個逐個走。
但係，媽媽，呢個係修練黎，幫你去學下，點令個心平靜落嚟。
由最痛開始慢慢調教，透過明白發生緊乜嘢事，
又知道世事你係無辦法控制，亦理唔晒，咁點呢？
唯有自己心寬、放下！
冇錯，你可以改變的，只有你自己嘅心，
其他嘢屬於世界運轉，你理唔到，唔關你事，
你理掂自己個心先，咁就係你學習嘅功課黎。
慢慢去適應，將個心由激動自自然然降返去平靜，
理性去諗野，情緒就撥開、唔理佢，咁你可以安靜自己，
然後，你可以慢慢成型，係成為成熟型，長進左、成熟咗；
將世事看透：原來我哋不過係嚟經歷。
經歷得多先着數，唔係就白來一趟啦，
要安穩，係天家不嬲就安穩啦，係咪？
係喇，媽媽唱多啲歌啦，
音樂可以陶冶性情，亦可以幫佢輕鬆落嚟，有助佢平靜自己，
我希望有一日見到，我嘅媽媽不再咇哩巴啦，而係似佛祖咁拈花微笑~~~