愛貓365日

我陳小寶來自群貓會，七年前有人救咗我送去群貓會，當時我病到雙眼睇唔到，之後在elaine姐姐及群貓會義工照顧下逐漸好番，但始終體弱多病，小時候足足四個月無長大過......到咗歲幾先絕育，仲要開肚肚，因為隱睪呀！絕育後領養日見到我媽媽，雖然一度被富貴夫婦領養，但係貴婦嫌我熱情，於是，我番到群貓會...然後媽媽好快睇到消息.........
一個星期後，我就到咗陳家做五弟！
無群貓會，就無我小寶，我就無得黎到呢個大家庭。
今年係群貓會十周年，出咗呢本365日愛貓故事手帳。
大家要支持領養，一年要愛貓365日呀！