契機？

我迪奇今日帶埋蘇菲一齊覆診~~

驗血報告，HCT跌咗，得22.6%，媽媽話預咗，因為我減咗半粒類固醇，換取食治療皮膚抗生素嘛！
在兩種保肝藥下，肝酵素再下降~~

其他紅白血球指數正常~~

尿指數都跌番~~
但因為我皮膚太差，Dr. karen發現我額頭皮膚仲有膿，諗緊點幫我，因為我太瘦了，體重又跌咗，上次好似6.3，今次得6.1kg，建議我見內科專科，媽媽幫我約咗星期五。
不過下午呢，dr. karen打畀媽媽話諮詢完內科dr. jonathan Kreisler，話我可以停atopica，換另一種可以提升免疫力的抗生素。之前dr, karen唔敢開，擔心呢類藥會令我免疫力打自己，到時紅血球又跌就慘，但dr Kreisler認為我免疫力過敏打自己不是藥物造成，所以可以食！
好，媽媽就聽佢講，夜晚出去取藥。
雖然我好瘦，腳又無力，頭又側得好緊要，食咗一年幾類固醇，其實今次畀真菌打到我殘哂，會否係我扭轉弱勢契機？
我要加油，我迪奇會好番的！我可以戒哂啲藥，以後都唔駛再食藥！