天天好一點

睇下我迪奇今日幾精神！

媽媽夜晚番到屋企仲嚇親佢，因為佢除咗發現大廳有屎有尿外，仲發現我匿左入呢個樹窿！
因為十幾日來，我都已經無力周圍行，勉強撐到起身出廳poo poo已好叻，好多時尿都無力起身屙，只能瀨在vetbed上！但今日，我有氣有力，屙完仲無番入房，識得入呢個窿，媽媽好驚奇啊！
我要天天好一點，一定會的！

又享後灘的涼風

今日端午節，難得媽媽有假放，陽光又好，我迪奇當然趁好天但唔曬既黃昏去後灘啦~~
本來媽媽諗住抱住我行少步所以楂車去....點知，泊滿車，咁惟有楂車回家再行出來，我就dun下dun下咁由媽媽抱出來~~

黃昏的後灘無人扒龍舟，只有街坊狗狗行沙灘。在此享受涼風，真係好爽，仲可以歎住接受媽媽幫我做reiki~~

蘇菲當然係陪住我~~
我去到邊，蘇菲就去邊~~

好彩有vetbed

尋日我迪奇在彭福躺青草，仍然有氣力起身屙poo poo同wee wee~~

今天在家躺vetbed~~
好彩有vetbed，我已經無力起身屙尿啦，屙咗在墊....媽媽唔好意思.......
媽媽：迪奇唔好勉強撐起身，vetbed疏水，尿會向下滲，唔會up住。我只要你安心，唔辛苦，媽媽勤啲幫你换vetbed~~
好彩屋企有多張vetbed替換~~

陽光彭福

上星期我迪奇到彭福，以為是最後一次。好彩我夠硬淨，今天，我又再次踏足彭福,~~
雖然我唔夠力行，只能勉強撐起身屙poo poo，但能夠來彭福，是滿足的事~~
下星期日會有狂風暴雨，唔知我可以去邊呢？
希望，我仍然有來彭福的機會~~

後灘的涼風

今日天晴，好太陽，好想曬太陽殺真菌，但媽媽驚陽光太猛烈於是黃昏先出去屋企後灘~~好涼，有海風呀~~

吹咗一陣涼風，太陽伯伯又出來了~~~

雖然我迪奇伯伯瘦到變狗乾，但我會繼續努力架！動物有強大的意志，我迪奇會展示畀大家睇！

美好時光

今日大家繼續睇我以前個靚仔樣~~
呢度好似係浪茄，以前夏天，有氣力在東壩行落浪茄，游完水行番上來。其後年紀大當然唔敢行咁遠路，轉場去太蛇灣。
昔日時光多美好.......
今天只能休息....休息....再休息，然後起身食吓嘢，有媽媽攬，於願足矣~~

每天要過得好！

我迪奇今日精神仍然唔差，雖然大部分時間瞓，要好好休息嘛...到媽媽放工回來，我震震下都出廳等呀，幾叻呀！媽媽等我飲完水就抱番我入房，然後食飯晚，一陣再食消夜。
期間當然要用消毒藥水抹身，然後搽椰子油。臨瞓前再做REIKI~~總之多賺一天就一天，每一天都唔要有遺憾！

請大家為我加油

我迪奇堅決唔走，呢個世界咁美好，唔好帶走我！
我頑強地捱過咁多日，尋晚媽媽又畀氣我，我又有氣力，做乜要走喎？雖然佢把口叫我攰就要走，唔好困住殘破軀殼，但我要證明畀媽媽睇，動物有強大的求生意志，我會生存！
早幾日我已經停藥，因為媽媽唔想我帶住成肚藥上彩虹橋，但今日唔同講法，我要打敗滿身皮膚菌，尋晚眼角爆膿，媽媽幫我唧哂出來然後用reiki幫我治療，今日已經埋哂口，我好努力吸氣架！
我迪奇唔知可以活多幾多日，但每一日都要活得開心！
今日老師幫我做次兩次reiki，媽媽又密密做，細佬妹又為我加油，我要打場漂亮的仗！請大家望住我呢個靚仔樣，為我加油！

又賺了一天

行行：迪奇哥哥仲唔肯走啊~~

佢好硬頸，縱使媽媽叫佢要衝出呢個衰敗的軀殼，上彩虹橋學做小天使，回家看管我哋，但迪奇奇仍然唔捨得我哋啊......咁我哋唯有盡責陪伴~~

佢好叻，今朝同夜晚都有食！迪奇哥哥加油，食完瞓覺覺，在睡夢中飛往彩虹橋啊....唔好辛苦啊......

小保姆

行行：我要守護迪奇哥哥~~

由朝早守護到夜晚~~

小健：我接班~~
迪奇哥哥，我哋會直陪伴你的.....

珍惜每一分，每一秒

迪奇已經走到生命的盡頭，老師傳心，知道迪奇想再次來彭福。迪奇，我們來了，再次踏青草地，感受彭福青草的氣息~~

之後到老師處接受靈氣，問迪奇還有甚麼地方想去。迪奇話，想到屋企後面石灘~~

回程時本來還是下着雨的，但當我們抵達後，沒有雨，地面是乾的，沒有太陽的星期天，海風好清涼~~

我們在這裏享受了難得的恬靜~~

回到家，細路妹都圍住迪奇哥哥，給他溫暖。你身邊有滿滿的愛...
迪奇安眠吧~~

小護法

小健：迪奇哥哥你好凍呀，震騰騰，我黐實你，等你暖啲...

小健：你好啲嗎？

小健：放心，今日我小健康負責睇住你，好好休息呀迪奇伯伯。

蘇菲都覆診

我蘇菲都報告下先！
星期三我都有去覆診呀，睇咗耳仔，發炎好咗少少，原來我之前左左膜穿咗吊吊fing呀，衣家黐埋埋少少...
同埋我呢兩個星期漏尿嚴重，dr. karen幫我抽咗尿同照咗超聲波，尿有紅血球呀，膀胱無石，尿送出去種菌.....
耳仔分泌都送去種菌.....
咁繼續食住原來的抗生素先，同埋食番收緊膀胱藥..
食咗，呢兩日無漏尿了.....

貓多士

行行：呢件咩來？軟淋淋，食得架？
小寶：我按下先......

契機？

我迪奇今日帶埋蘇菲一齊覆診~~

驗血報告，HCT跌咗，得22.6%，媽媽話預咗，因為我減咗半粒類固醇，換取食治療皮膚抗生素嘛！
在兩種保肝藥下，肝酵素再下降~~

其他紅白血球指數正常~~

尿指數都跌番~~
但因為我皮膚太差，Dr. karen發現我額頭皮膚仲有膿，諗緊點幫我，因為我太瘦了，體重又跌咗，上次好似6.3，今次得6.1kg，建議我見內科專科，媽媽幫我約咗星期五。
不過下午呢，dr. karen打畀媽媽話諮詢完內科dr. jonathan Kreisler，話我可以停atopica，換另一種可以提升免疫力的抗生素。之前dr, karen唔敢開，擔心呢類藥會令我免疫力打自己，到時紅血球又跌就慘，但dr Kreisler認為我免疫力過敏打自己不是藥物造成，所以可以食！
好，媽媽就聽佢講，夜晚出去取藥。
雖然我好瘦，腳又無力，頭又側得好緊要，食咗一年幾類固醇，其實今次畀真菌打到我殘哂，會否係我扭轉弱勢契機？
我要加油，我迪奇會好番的！我可以戒哂啲藥，以後都唔駛再食藥！

太吵了

愛護迪奇

行行：今晚我陪奇哥哥，其實我晚晚都倍佢既。
迪奇哥哥好鍚我，畀我住黐住瞓，佢衣家甩咗好多毛，怕疼，睇唔到有時又聽唔到，我要好好看實佢，照顧佢。

要生毛呀

Gooloo：今晚我陪迪奇哥哥，畀啲溫暖哥哥。
迪奇哥哥加油啊，要好似我咁生番毛呀！

貓貓禁區噴霧測試

有魚吃

要吸氣呀！

媽媽：迪奇，尋晚同你做REIKI，你好似唔係好吸氣咁，你要加油呀，吸多啲氣呀！好似蘇菲咁叻，OK？
迪奇：我盡力啦！

無位瞓

到底我可以瞓邊呢？
主子們讓個位畀我好嗎？

嘔

媽媽：行行少爺尋日朝早嘔白泡，之後無哂胃口......快啲話畀老師聽發生咩事？
行行：你前晚放我入廚房食消夜之然唔記得放我出來，我咪同小強玩咯，玩玩下佢都甩哂手腳我咪食咗佢咯，手腳我無食呀，拮口架！食咗個身同頭之嘛....
媽媽：,哎呀，廚房小強好大機會仲咗BIOKILL架，慘咯......
行行：唔怪得之我嘔啦........

霸定位

媽媽：咩事，我都未放肉入去，你哋就响度等？
傻的嗎？

藍色布甸

藍色布甸，我的！貓貓無得吃！

黃昏玩一陣

我蘇菲今日去玩~~

帶埋迪奇哥哥去~~

雖然我未好番，頭仲側側地，不過有得玩梗係玩咗先~~

小保母

媽媽：,行行乖，幫我睇住迪奇哥哥啊！
行行：係知道！

蘇菲側頭

我蘇菲星期三都跟埋迪奇哥哥去覆診，趁機插症，因為我個頭側咗，行路時弓起背，好似就住咁.....

又成日瞓，休息，而且往往側埋一邊~~~
所以媽媽帶埋我去見dr. karen~~
檢查後，懷疑有中耳炎，開咗抗生素同止痛藥，如果食完唔好，就有機會要睇呂醫生，擔心腫有事呀！
哎呀，我暈啦！
我要快啲好番！

有進步

我迪奇今日覆診，由於無哂毛，診所又凍，要加披肩包身保暖~~

ALKP肝酵素終於在三種補充劑下，下降了！
紅血球keep住無升跌！
由於我皮膚除咗癬仲有菌，早兩個媽媽幫我按咗額頭啲膿出來，今日話畀醫生知，醫生即時都按到膿出來。
有腰點算.？dr. karen決定開抗竹扛素畀我，類固醇減半粒，以免對肝臟加大負荷，因為好辛苦肝酵素先下降！
好，我卜由奇又可以減半粒類固醇啦，希望紅血球唔好跌，之後就有望再減啦！
我迪奇要健康，唔駛再食藥！
我要打走啲癬，要皮膚好番，長番毛，回復以前靚仔樣！