迪奇與蘇菲: 5月 2016

2016年5月31日星期二

去彭福

迪奇：好嘢，悶咗好多日，今日終於有得來彭福~~

迪奇：今日我好開針，自己行咗好耐，無乜失平衡！不過最後都差錯腳跌落無水既水坑，畀媽媽捉番我上櫈！
好啦，我乖乖哋吹下涼風啦~~

2016年5月30日星期一

雪雪心事

媽媽：雪雪，你成日唔出聲，又避開我，係唔係有心事呀？
可惜媽媽傳心術未穩定，希望做多啲練習，畢到業，就可以親自問你啦~

2016年5月29日星期日

地上有粒藥

媽媽：迪奇，點解地下有粒Atopica？
迪奇：um.....
媽媽：你吐番出來，唔怪得之驗血差咗啦！你究竟吐咗幾多粒？類固醇有無吐？
迪奇：um....

2016年5月28日星期六

2016年5月27日星期五

又跌

今日我迪奇覆診呀，上磅有7.9kg呀，媽媽話夠重啦，要控制下啦！
可惜，之後驗血，hhct竟然跌咗，得29%，上次有31.4%！
差咗，當然有失望，但dr. karen話精神好咗就ok，藥呢，唔加啦！繼續每日兩粒5mg類固醇。衣家係發惡的免疫系統同類固醇角力中，暫時未見到邊個贏，我食多兩星期藥覆診睇下指數點再決定啦！

2016年5月26日星期四

責貓

媽媽：小雲，你責住隻貓喎~~
小雲：我都係貓喎~~

媽媽：咦，小雲，點解今晚唔責貓？
小雲：今晚有啲熱~~

2016年5月25日星期三

2016年5月24日星期二

港女

媽媽：小龍女乖，畀媽媽抱抱，但唔好突然發惡至得架？大小姐！
小龍：鬼咁你摸得我唔舒服？

2016年5月23日星期一

升級好累

小健：媽媽話仍然好攰，無氣力！兼部腦強升級至WINDOW 10，搞咗好耐都搵唔番尋晚抄落腦啲相，搞到11點，先搵番我小健出黎！

仲有小雲
媽媽話，夠LU，要休息，goodnight~~

2016年5月22日星期日

烏嘴阿伯

烏嘴：媽媽，今日你去動物傳堂上成點呀？
媽媽：我上好開心！你呀，幫同學做傳心練習時，一副阿伯口脗，好嘢吖！
烏嘴：駛乜講！

2016年5月21日星期六

2016年5月20日星期五

2016年5月19日星期四

2016年5月18日星期三

2016年5月17日星期二

2016年5月16日星期一

2016年5月15日星期日

小咪靚相

陳小咪：媽媽做乜影我？唔見過靚女舔脷咩？
媽媽：見過。咁難得白天在家可以影下你嘛！

小咪：咁畀你影兩相啦！

2016年5月14日星期六

給家有惡貓/驚青貓的家長：
話說王子前年冬天到我家暫託後，一直唔喜歡人類摸，唔喜歡人類親近，平日鍾意哩埋一個安全位置，到開飯時才出來。其後搵專業的傳心師朋友幫忙，了解到王子認為自己係高貴的白貓，人類不能立亂摸，於是奴才我，無再冒犯王子。
王子亦話畀傳心姐姐知，唔知點解黎到現時居住地方(即是我家)，其實佢自己識照顧自己，唔駛人類關心。不過，入咗我家後感到最安心的，是下雨天時不再擔心沒有地方躲藏，現在可以在軟淋淋的墊上看雨景和在雨中瞓覺！
我了解到王子的心意後，沒有再胡亂摸他，任他安心在家生活，有時奉飯，會被王子打一下，奴才默默承受，只要王子安心便是了...........
直至有一天，奉飯時忽然聽到王子打咕嚕，很輕聲，奴才以為是其他貓，細心聆聽才知是從王子喉嚨發出。

最近王子又傳了一次心，因為奴才想知道王子對生活滿意否。王子告訢傳心姐姐，話對飲食非常滿意，因為經常有不同新零食。而對我這位家長，王子亦說媽媽有時會好惡咁鬧貓，咁係無用架，貓被鬧時只會驚一陣，但之後又會唔記得，依然故我，所以，佢認為我不要鬧貓，慳番啖氣，貓曳時不妨整蠱佢，向其他貓派零食但曳貓無份食，咁曳貓先會記得教訓。
你哋話，王子是否是智者？
其實，每一位毛孩都有自己的想法或不同的過去，每做一件事都有原因的。而王子今天可以放鬆的躺在窗前的墊子上看外邊的傻雀，每天早上坐定定要奴才摸，仲會舉高pat pat示意要從頭摸到尾，能有這樣的改變，除了奴才有耐心，更重要是奴少有一份尊重的心，尊重動物的想法。當你懂得從動物角度出發，你自然知道怎樣對待動物。