大寶加油

每日都要親親大寶~~

星期二(29/12)大寶覆診，我大約都知驗血報告不會好，果然，尿指數大升，有幾高？DR. KAREN話之前CREA己達四期腎病，衣家接近800即係四期的兩倍咯！
胰臟指數亦上到爆燈！係四千幾....
大寶我日日抱，體重減輕我點會唔知，只係唔敢磅。呢日上磅，跌到落3.3KG，大寶，生命可能己進入倒數階段！

今次無加藥，係換藥，而且因為體重輕咗，藥份要減~~

大寶，我知道你辛苦，但你願意同媽媽一齊努力，爭取多一點相伴的日子嗎？
我知道你願意！媽媽會幫你！
西藥似乎已經對你無效，我幫你買咗兩樽補充品，希望幫到你排毒。至少，飲食會舒服啲，唔好咁辛苦！
大寶，有媽媽在，一齊加油！