王子恕罪

貓奴：王子恕罪，如果王子唔係吩咐wingsze傳心大臣來通傳，奴才都唔知呢段日子原來犯咗咁多錯！
王子你話自己係高貴既白貓，唔係隨便畀人摸。係既，衣家奴才知道，以後唔會亂摸，唔會偷偷摸(其實我無偷摸，明明係向你面前伸手摸架)，如果王子發出警告，奴才就立即退下。
奴才知道王子唔係討厭人類，只係唔習慣與人類相處，之前在街時人類漠視你、當你唔存在反而令你安心。不過，我奉命照顧你，唔可以漠視你架！
奴才亦知道王子入室後最喜歡瞓軟淋淋墊褥，奴才會鋪得更好的！
王子以前最怕落雨，家陣入室唔會怕落雨，仲可以在軟褥安睡，呢樣係奴才最能令王子稱心既事，我會繼續努力的。
至於王子隨處便便問題，經傳心大臣告知，得悉王子昔日便便後會冚砂、冚泥、冚樹葉，初來我家時都有呢啲大自然味道(小麥砂)，後來唔知點解消失咗(因為奴才轉咗花王免鏟貓砂)，令王子無所適從而被逼周圍屙，係奴日唔啱，即刻奉上小麥砂盤。
王子，希望你满意，接受奴才，唔係再fee我，好唔好？