坑渠B

今晚接咗隻在坑渠浸咗成日的奶B，交到我手時雖然有毛衣及暖包，但可惜暖包放在最最底層，BB成身係凍的！
即刻放番好暖包然後番屋企，隨即開奶，可惜BB無乜力氣啜，只係濕左口仔.....

之後BB努力堅持咗一陣，突然爭扎，唞咗幾日大氣，最後一口呼吸好微弱，然後，上咗天堂做小天使。BB吸最後幾啖氣，是在我掌心，牠亦在我掌心離開。
未嘗過幸福便要走，BB，下世要投胎做隻有人愛鍚的貓咪，唔好做流浪貓的下代啊！

BB在十一點半由善終公司職員接走。BB你放心，你火化當日我來送你，之後你就要努力奔向彩虹橋找同伴玩啦~~