大寶出院了

大寶今日出院啦~~~

連同咁多藥！

下午第一餐就又咁多！真係餵到我暈！

夜晚覺得個身熱墊地，探熱都有成39.2度，不過貓體溫在37.5至39.5都屬正常！
其實大寶可以出院，唔代表無事，但入院四日吊水用藥，腹水慢慢退，胰臟指數亦由高到讀唔到，下降至讀到水平，白血球亦有下降，紅血球就仍然低。但既然腹水退咗，無發燒，貓又精神，就回家慢慢服藥畀時間佢康復。
至於其中一個腎發大至五厘米咁大，腹部淋巴腫，臟臟炎等背後是否有淋巴癌定己有腹膜炎，實在未確定，要麻醉抽織化驗，病情無惡化就無必要抽，食住藥等十日後覆診先決定吧！