新腦

換完芒,舊腦亦要換新腦,左邊係新,右邊係舊~~

裝好~~完全另一個樣~~好難適應呀!

搞咗成晚,迪蘇終於出現番塋幕做桌布~~
明日要寫稿,好難搞,未摸熟,標點符號鍵盤去咗邊呀?
(以上過程由星期五晚搞到星期六凌晨......好慘呀)

神器

神刀~~來自油麻地上海街陳枝記~~

切包架~~來自陳枝記隔間鋪~~

神器用來切靚包~~

嘩,真係切得又順又靚又無跌到成枱面包碎~~~

嘩卡卡,包唔係你哋食架!不過算啦,橫掂我食唔哂,就畀你哋偷少少啦!

新芒到

新鮮運到，各位主子，唔該借借啦~~

有芒用了！電腦店東見我半年內爛芒兩次，又家有廿貓要養，特別收我50蚊，23吋viewsonic承惠$1300！XDXDXD

熱

炎熱的朝早，豆豉眼要瞓缸抖涼~~

吃完早飯，肥綿都伸長對手歎冷氣！
全屋最大隻同最細粒，你哋就歎啦！

家居意外

(後補)
今日番到屋企見到咁~~

衣櫃趟門跌咗出來~~

玻璃裂咗~~

電腦芒變成咁~~~慘呀！

飛碟男

幾時可以除飛碟呀媽媽？戴咗兩日啦我！

媽媽：除你個頭？！唔覺唔覺，你個衰仔又日中am夜lam搞到手手啡，鬍鬚又啡！
戴番一個星期戒咗lam手先啦你！

無乜進步

大寶大寶，唔好掘住我啦！

尋日覆診完，你只係需要食兩款藥咋，比起上次七包藥好好多啦！

但成績表就麻麻地啦！估唔到我在悉心照顧咗十四日下血色素都無乜進步，係白血球改善咗，但後面果張胰臟指數又高番呀！
最後karen醫生幫幫你碌多次超聲波，腹部淋巴依然脹，一邊腎依然大。而驗血時亦發現蛋白隨尿液大量流失，而因為蛋白質分子大，連迧扯走好多水，所以你一路都脫水！
唔知病因就唔知點醫，我同醫生決定幫你押組織化驗，睇下有無眉目！今個星期就食咗抗生素同降血壓藥，希望蛋白尿唔好咁嚴重啦！

       

有新爸

兩隻黐身怪今日開始黐新爸爸~~奶媽我甩難了！XDXDXD

高抬貴腳

呢部空氣清新機，買咗幾年，今年開番來用，但你哋可唔可以唔好撐跌佢？
用咗三日，佢跌咗不下五六次，六抬貴腳呀唔該！

壞習慣！

係，我知道錯，我知道唔應該屙屎响大廳，但我好幾年前病果時己經習慣咗poo poo就响大廳，wee wee就响廁板，一時間好難改架！我今日改唔到，都好正常啫~~~

蘇菲都一樣無耳性啦！一樣屙尿唔正，屙K都一在大廳啦！
媽媽：你哋兩個咪駁咀，還習慣一定要改，唔發火咪當我病貓！
唔改，無得入房瞓，今晚繼續做廳長啦你哋！

火

你班友仔日日在我牀下底屙屎屙屎，家陣係唔有比賽？鬥屙得多？

蘇菲有老狗痴呆嗎？明明大大大個狗所，ay day屙出界，鋪多張大尿墊响地都要屙出界，你係唔係有病？！

你個迪奇叫咗九千幾次屙屎屙番落廁所點解係要屙露台門口？

你講？你到底係腦退化定係發瘟？！

你你你你，究竟係腦殘定弱智？！

仲有你班死仔包，邊個鍾意周圍啊，快啲同我停止！咪畀我捉到，我實困住你！

上磅

我迪奇愈來愈fit，媽媽驚我fit得滯，今晚要我上磅~~

哎呀，得7.6kg？好咯，有上升空間，明日可以加糧！

蘇菲到你啦~~

噢，非常標準！無上升空間！啲零食，等我幫你食埋啦！

玩大寶

大寶你咪咁蠢啦，唔好以為整都成口泡，就可以吐番啲苦藥出黎至得架？愈整得多泡愈苦呀！

做貓輕鬆啲好唔好，畀條毛你玩下好唔好？

唔鍾意玩毛？咁畀我玩下好唔好？呢頂格格帽，原來你都戴得幾好睇喎！kukukuku~~

可以休息的sunday

終於到悠閒新地了，馬花趁雨後太陽伯伯出現時曬一曬先~~

噢，靜直妹妹，出來玩啦，咪哩入貓別墅啦~~

哎呀小寶，你唔覺熱咩？仲瞓解碼器？

well肥綿小姐，你理完毛未呀，理完就讓個位出來啦~~

噓，話咁快，入哂房瞓，好啦，咁我瞓梳化午睡啦~~你哋咪出黎同我爭呀！

OMG

媽媽：大雄，你..你...你.......

大雄：媽媽送畀你，母親節快樂.......

媽媽：過咗啦，多謝哂，你自己玩啦！

爆倉

知你哋等到頸都長，終於送到啦~~~
其實靜靜話你哋知，星期二已經送咗黎，只係媽媽未搬入屋啫~~

喂喂細佬b，你又收貨咩？過幾日你番新屋企，等新爸爸買bb罐過你食啦！

哎呀無我迪奇份，我都係瞓下先！
媽媽：咩無份呀，今日入咗六包K9，放哂入凍格啦！
大家都爆倉，可以放心了！

體重達標

我陳美美雖後得番兩隻牙，都經過媽媽日日畀我入廚房食特餐罐罐，不知不覺間，體重已經上至3.3kg，已經達標了！好嘢！
不過我要繼續日日開罐罐架！

兩隻精叻B

呢兩個小朋友精到呢.........如果有識搵靚位瞓大獎，你兩個一定有份~~

細佬b得貓鍾意，成日有貓鍚~~

家姐仔聰明又好動，喂喂，小心啲呀你！

細佬b咪企入垃圾籮啦！你哋細個畀人用打結膠袋掉入垃圾桶架，無陰影咩？
你哋乖乖住多幾日，希望新爸爸快啲執好窗網，到時就安全去新家啦！