勇闖沙螺灣

(星期日modem死咗，今日突然好番，補番尋日行程先)
好天呀好天呀，迪蘇又出動了！

今日我哋好大膽，勇闖之前話封村既大嶼山沙螺村~~~

到啦到啦，掛哂橫額抗議政府唔理佢哋唔修路唔修建，唔畀遊人通過~~
不過其實都係做畀市民睇，逼政府正視。媽媽有朋友過年前行過順通無阻，我哋問清情況後就從東涌出發，勇闖沙螺村去大澳~~
途中經過村口啲大人仲同酸婆婆檔口買咗楊桃茶、木棉花茶、豆漿、茶果、缽仔糕、番薯.....

吃飽後(指啲大人)起行行到成點鐘，好曬呀~~

好嘢，終於到大澳啦~~

吊橋影張到此一遊相先~~

跟住就陪大人去搵食，食完就行海邊石橋~~

啲大人去咗一間叫東方小祇園既地方叫咗好多餸，食到好飽！之後仲去飲咖啡同食餅~~
响邊？聽日話你知！