行龍背脊

好嘢，今日由土地灣出發，好快上到龍脊啦，好抵呀！

行十幾分鐘就可以上到山背脊眺望石澳，景色好靚呀~~

不過我哋無掛住睇景，好專心咁行，亦好專心咁MARK位~~

話咁快到咗脊尾，景觀仍然無散~~

YO，另一邊係紅山半島，可以住呢度就好了~~呀，都係唔好，離彭福好遠既~~

今日絕大部分路程都係泥路，至LIKE~~

早上陽光真舒服！

蘇菲：哎呀，大風吹甩髻啦~~

你瘦，又唔見到吹到郁？

嘩，堅，真係好大風喎！

蘇菲：我都話啦！喂，借借啦，我無位企啦~~

哈哈，都係快啲行啦~~

入樹林啦，之後全部都係咁既景~~

好嘢，到咗大浪灣終於，大人食泰菜，我哋食包包！食完仲搭到小巴番筲箕灣媽媽公司取車，大覺瞓着回家去！
今日真滿足！