行龍背脊

好嘢，今日由土地灣出發，好快上到龍脊啦，好抵呀！

行十幾分鐘就可以上到山背脊眺望石澳，景色好靚呀~~

不過我哋無掛住睇景，好專心咁行，亦好專心咁MARK位~~

話咁快到咗脊尾，景觀仍然無散~~

YO，另一邊係紅山半島，可以住呢度就好了~~呀，都係唔好，離彭福好遠既~~

今日絕大部分路程都係泥路，至LIKE~~

早上陽光真舒服！

蘇菲：哎呀，大風吹甩髻啦~~

你瘦，又唔見到吹到郁？

嘩，堅，真係好大風喎！

蘇菲：我都話啦！喂，借借啦，我無位企啦~~

哈哈，都係快啲行啦~~

入樹林啦，之後全部都係咁既景~~

好嘢，到咗大浪灣終於，大人食泰菜，我哋食包包！食完仲搭到小巴番筲箕灣媽媽公司取車，大覺瞓着回家去！
今日真滿足！

唔怕凍親pat pat

呢張好？

定係呢張好？

最後媽媽揀咗呢張賣$249的，同貓頭鷹$599差成半有多，當然係呢張抵！
好嘢，呢個冬天唔怕凍親pat pat了！

唔願起身

氣溫15度的早上，大家都唔願起身了！
好彩室迪蘇家夠溫暖，大家都無冷親啫~~

貓柱倒塌

慘啦，尋日貓柱終於倒塌，好彩無壓住貓狗~~

今日搵朋友幫忙補訂長柱，可借無貨。但見日本樂天有呢款柱，好靚呀！

呢款都唔錯，不過都係上面果款又靚睇落又穩陣安全！只可惜，日本運費極貴，分分鐘貴過棵柱，唉，放棄了！

一籃子打針貓

今日打針貓1號馬花！
3支針都打齊了！

打針貓2號三寶，打完針好攰呀~~

打針貓3號二寶~~一樣咁攰要覺豬。今日完成第二支~~

原本豆豉眼係打針貓4號，但因為有flu，唔打得，仲有要朱古力8日！
哎呀，要十二月先打得了！

避寒中心

明日先係16度，迪蘇家己布置好避寒中心，牀上多咗貓牀~~

迪奇都一早入房瞓了~~

尋日間狗屋，今晚扁了，變成肥綿私貓窩~~

小b醒呀，黐住瞓樹窿~~

豹大師最歎啦，一早霸咗最暖果張牀，頭先又霸我大髀，最暖既位都霸盡！

sunday貓事

媽媽的餃子~~素的！

貓貓有得睇，無得食~~

貓貓的屋仔，一開群貓湧上~~~

真係新屎坑啦，霸住哂~~

哎呀，屋頂唔可以住貓架！塌屋了~~~

不是真正的放假

你哋睇下烏嘴個樣幾古惑？

我哋迪蘇真係無眼睇~~~

今日响外面忙足一日，帶大細妹去領養日時有好多小狗要照顧，同時又要處公司啲事，佢話真係煩死！好彩番黎見到哋，心情先逐漸放鬆番！你睇巨綿就施展搞笑功，霸出牙詐姿勢~~

大雄繼續表演夾電視神功~~

馬花就表演爬柱！
星期六晚，一家人狗貓要輕輕鬆鬆過！然後明日勤力寫稿喎！
媽媽呢排其實逢星期六至二清緊大假，可惜日日都工作狀態中！
佢話要檢討，唔可以再咁了，唔可以一邊放假一邊工作！
明天，媽媽要放假時真正放假！
視佢成功！

小咪的安全地帶

小咪：安全地帶，邊個都搞唔到我！

烏嘴：我無搞你，只係看實你之嘛！
媽媽：仲好講，就係你條衰仔，搞到小咪成日匿上熱水爐頂，最都係你！死仔包！

玩嘢呀？！

媽媽：大雄，你做乜嘢，落番黎呀！

媽媽：喂，細路，咪咁吋喎~~

媽媽：你當我無到呀？

媽媽：竟然瞓埋覺？

大雄：玩完啦，出咗黎啦~~

大雄：電視暖啲易平騎啲！今晚就瞓呢度啦！

充滿力量

嘩，豆豉眼今晚食咗罐罐溝四川臥龍熊貓專用奶粉，即刻充滿力量，爬上天花頂！XDXD！

探貓

我哋迪蘇今日有重大任務～～

估唔到我哋做乜哩～～

就係陪媽媽去探貓～～呢度係篤篤一家三口，最右係年前受傷既篤篤，右邊食緊野係篤篤個仔，後面短尾蝴蝶紋係佢個女～～媽媽開咗罐罐畀佢哋食！見到佢哋一家安好，真係好啦！

其實睇住佢哋食罐罐，我哋都好似食埋一份呀！可惜畀媽媽搏住！

跟住番到起點，見到餵貓姨姨來了，其它貓貓都出來開飯啦～～

呢度好多貓，大多係被人丟棄，被逼做流浪貓～～

有啲好細膽，就算姨姨來到都匿埋一邊等～～

終於搵到佢哋啦！今日媽媽就係諗住黎睇下見唔到呢兩母女，餵貓姨姨話係最新被新丟棄的，我哋初時去唔見，到見到姨姨，由佢帶番我哋轉頭先搵到！

餵完佢哋，又番來木屋仔，附近都有十幾隻，其中一隻頸受傷，姨姨撈咗抗生素落罐罐度！
貓貓食完快啲好！其它貓貓都食多啲，今日好彩有幾個姨姨餵，大家應認食得好飽！
ｂｙｅ　ｂｙｅ啦，下次再黎探你哋！