嬲豬

迪蘇媽：嘩，駛唔駛咁嬲豬呀？只係出完去複診啫...

白白：哼...

 

晨雨

 

夏夜

仲

 

挪亞方舟

 

傷痕累累

迪蘇媽：背脊好多疤痕啊......

迪蘇媽：上背應該係留院時血糖機疤痕，

下背果啲，應該係流浪時整親啊....

白白：畀多啲我食，食得多有氣力新陳代謝好，

自然好快生番毛，你見我家陣生緊底毛啦....

 

大小姐

 

靜宜回家了

告別靜宜睡寶寶~

回家了~

和哥哥大雄在同一個盅~

 

兩位大少

 

新牀仔

 

膽小妹

 

棉花糖

 

偷望

迪蘇媽：我知啦，半夜喵喵叫，

你想話我知你食完嘢嘛......

 

尋找

迪蘇媽：見你今早午食嘢咁放鬆，開籠畀你啦，

點知......買完餸回家搵極唔見你，

原來，你去咗牀下底！

白白：我要探索呢個家！

 

嚇親

迪蘇媽：你唔係好叻咩？做乜仲未驚完？

白白：尋日行雷好驚呀，好大聲，我慌亂中整跌貓箱，

嚇死我啦......

我要冷靜下先食到嘢....

迪蘇媽：所以呢.今日都係入番籠安全啲...

以免落雨行雷又嚇到亂跑....

 

忽然登高

恐龍仔：呢度睇風景幾好！

媽媽：你上到咁高，一陣落唔番黎啊.....

 

三腳站立

白白：睇我企得幾好？！

 

靜宜畢業了

迪蘇媽：乖女靜宜已於今日中午約1點出發去彩虹橋，

靜宜唔捨得，因為擔心我唔食飯，

佢話要食白飯我先至有氣力先至有腦力做嘢。

媽媽知道啦，你唔使擔心，我會食白飯㗎啦，

安心上彩虹橋啦。
靜宜唔捨得呢個家，你留在家直到夜晚，

聽住心經，靜靜地慢慢地上天堂。

靜宜同傳心師講，對呢個安排好滿意呀，

仲話俾我知舊年出發嘅大雄哥哥知道佢論盡，

在彩虹橋會教導佢，

另外亦都有好多兄弟姊妹在彩虹橋迎接佢，靜宜不會寂寞。

靜宜暫別，我哋彩虹橋再見。

 

出籠

白白：你睇我唔到，你搵我唔到....

 

掛住瞓

媽媽：今日開咗籠畀你，點解唔出黎行下‧？

白白：個籠好舒服....

 

覆診

今日我番AMAH覆診，紅血球白血球指數都好咗！

重咗0.1kg即衣家有3.2kg.

x光睇到肺清咗，但心仍然大，所以要繼續心臟藥、去水丸，

鉀丸由每日3次，改為2次。

3星期後覆診。

 

白白的故事3

經過咗近3星期住院，我終於在6月1日出院到呢個媽媽家。

我呢，之前救我果位義工改我名叫洋蔥，

我唔鍾意，因為我食過洋蔥，辛辣，好難食！

我想叫白白，我身真係有白色架！

以後我响呢度住落，唔好要我搬黎搬去呀！

 

白白的故事2

5月17日截肢手術我平安醒番，之後仲好好胃口大啖食。

本來義工諗住我好快可以出院，

點知人算不如天算，之後我手腫腳腫、

持續呼吸好快，仲喘氣，要住氧氣箱。

之後檢查發現我肺炎、仲有心肌肥大，已達3級.....

咁，我就一直住院，用住抗生素抗病毒去水藥心臟藥等等....都無乜好轉，直至但時日日探我既媽媽提出會否係我經驗巨大變化後引發FIP？

由於醫生持開放態度，媽媽又有Molnupiravir，

於是我就在5月28日開始食.....

 

白白的故事1

我叫白白，5月14日出現在荃灣老圍村搵食，餵貓義工見到我左後腳彎曲吊起，

小腿部分是啡黑色，受傷小腿已露出爛肉和爛骨。義工立即放籠救咗我！

之後義工帶咗我去AMAH睇急症，獸醫幫我檢查身體及驗血，發現極度貧血，血容積hct只得14.7%（正常是30%以上），而白血球指數超高。

獸醫幫我清創後即時安排輸血，待情況穩定後要盡快安排截肢，以免爛肢的細菌走遍全身。當時獸醫已給我處方三種最有效的廣譜抗生素，希望能盡快控制細菌。

但係，我情況一路差....之後仲疑似細菌入血影響器官運作，低血糠低血壓低體溫仲兩度抽筋，獸醫同義工商量後認為要搏一舖盡快截肢，先有機會控制感染，

於是，我就在5月17日接受截肢手術......

 

想打人

迪蘇媽：碌到對眼咁大，想打人咩？

白白：哼....你尋日又話放低我响診所吊半日鹽水就可以番屋企，點知，要住過夜！

迪蘇媽：咁因為VA藥袋寫得唔清楚搞到我餵錯藥，

咁醫生話要番診所吊鹽水同觀察48小時，

義工已經爭取只能24小時，

衣家番到屋企，安心瞓覺咯..

 

自製貓窩

 

平安出院，安全到家

 

搲肚肚

街市雜貨店魚蛋妹妺

 

惡

洋蔥：我要出院！

 

生日平安