霸定立

媽：兩位咁早霸定位？家陣夜晚九點半咋喎~~
啦啦、靜宜：我哋從下午已經霸定，
媽媽你今日七點幾出門，你今晚早啲瞓吧~~

 

好叻喎

媽媽：勁喎福仔，自己爬上去~~

福仔：駛咁講！

 

胃口飄忽

托媽：花姑娘小姐你一餐無胃口，一餐有胃口，

真係好飄忽。

不過唔緊要，有食就好。

 

第三次抽耳積血

媽媽：今日又抽咗兩枝，約5-6cc~~

小風：好驚呀，又想點？

媽媽：只係影番抽完積血既耳仔做記錄啫~~

 

換季啦

媽媽：雖然我知道你好鍾意之前張山窿牀，

但係天熱啦，牀仔要換季啦~~

珠女：竹蓆都好抓~~

媽媽：福仔爽嗎？

福仔：我種意你張牀多啲~~

 

花花回喵星

媽媽：花花一路聽住心經，

今早大約六時出發去喵星~~

從來唔畀摸既你上星期忽然唔食嘢，想幫你檢查又逃跑~~

之後捉到發現強烈口臭加脫水，

明顯腎衰末期，同之前小威、烏嘴一模一樣，

勉強forcefeed及打水兩日，之後都係哩埋梳化底~~

咁算吧，反正餵糧你都無乜吞，

前路點行交由你決定。

直至兩日前你出來飲水，在無乜力逃跑下又捉到你打咗兩日水~

尋晚，你完任無力，打完水後躺着休息，等候出發去喵星~~

最終於今朝約天光時出發~~

花花快啲同天上爸爸和妹妹團聚，好好休息，等待時機去下一程~~

 

圓圓都抽耳積血

圓圓：哼........又搞我耳仔~~

媽媽：圓圓好乖，今晚總算順利抽咗耳仔積血~~

媽媽：唔想為難你，快手快腳下抽咗兩枝，加埋都係3cc多啲~~

之前因為你無胃口提早覆診，發現心衰竭，肺積水，

所以回家後唔敢再勉強做甚麼，

在脫水下都唔打得皮下水，

又唔敢強行餵食，以免你在用力抵抗下心跳停頓，

所以只能放下食物，

估唔到你自己叻仔，肺積水下仍然會自行飲水，

幾日後竟然主動食嘢~~

無大力呼吸，相信肺積水已經自行吸收。

本來耳積血都打算等你自行吸收，

但差不弓多三星期都無乜收水，

見你狀態幾好，今晚就大膽幫你抽。

衣家每日都係賺回來，除非再勁積血，

否則唔會搞。你安心食屙瞓啦~~

 

又一枝

媽媽：小風大人今日又積過，夜晚忍唔住抽多枝~~

本來想抽多枝，但反抗強勁仲咬我~~

媽媽：用番圓圓之前療法，今晚開始餵七日2.5mg類固醇消炎，

七日之後再減半~~

小風：唔好再搞我.....

 

抽積血

(尋日)

媽媽：唔係嘛小風，又耳血腫？

舊年定前年左耳已經試過，睇左幾次醫生抽咗兩次積血，

最後打咗支類固醇針入耳殼，

結果由脹卜卜餃子耳變成皺皮餃子耳，

家陣我處理啦，今晚抽咗兩支積血~~

媽媽：抽完咁既樣。如果再積，我就再抽。

好彩圓圓仲有一支抗生素耳藥未開，

尋晚一發現你咁已經第一時間滴~~

我會早晚各一次，一星期應該殺哂菌。

小風：好恐怖呀，媽媽捉我嚇死我啦，

家陣要休息，唔好搞我...

 

曳

 

媽媽：迪奇做乜上到咁高？

迪奇：證明我身手好咯！

第二堂

 

瘦咗

托媽：花姑娘，你呢排胃口差，食得少，都估到體重會下降~~

明日去買好味但無益的罐罐，希望你食多啲....

 

靚仔

Bu B：媽，你影我呀？

媽：係，鬼叫你坐得咁靚仔~

 

嫌棄

媽媽：喂喂，係你喵我開畀你食，點解Lam兩啖就唔食？

    CC：呢隻味好淡...

 

洗腳

媽媽：咦，今日輪到蘇菲霸咗呢個位洗腳，

但唔好洗得咁狠，無哂毛啦~~

蘇菲：一洗不能自已，好爽呀...

 

好靚仔

媽媽：今日無眼屎好靚仔，

但，做乜霸咗CC個位？

恐龍仔：呢度夠高，又容易上，我鍾意~~

 

停藥吧！

迪奇：又捉我食藥？

媽媽：唔駛啦，都係怪個磅等我以為你體重下降0.5kg，

擔心fip復發而再開始餵抗病毒藥，

其實只係磅腳歪咗令個磅唔準，知道好耐，

今日決定停，唔駛再一臉苦。

 

圓圓跳上枱

媽媽：好叻呀，自己跳上枱食飯~~

圓圓：我今日夠氣力，想食平時啲糧....

媽媽：繼續加大油啊~~

 

自己主動食嘢

媽媽：圓圓好叻呀，今晚竟然食到一條醬醬，

之後再畀乾糧濕糧都食到少少，犀利呀~~

圓圓：我唔鍾意被中強逼，呢兩個你無強餵我，

我慢慢恢復少少元氣，自然會自己食~!~

媽媽：衣家每日都係賺回來，明天我去買啲好味汁汁包，

你食到就食啦~~

 

 

嘔

托媽：點解大小姐，嘔過之嘛，就兩日唔食嘢~~

咁我forcefeed啦！

花姑娘：woo~woo~

 

圓圓又賺了一天

 

心衰竭

媽媽：今朝七時已經起身，一到九時即打去診所，

book到三點半~~

唉，講完徵狀，包括唔食嘢，呼吸快，

醫生聽心肺後再做心臟超聲波echo，睇到心肥大，肺積水，

醫生話心衰竭，好嚴重，應該係天生臟問題，

要去24小時診所留醫治療~~

要打去水針，但你已經好脫水，去水後腎又頂唔順...

最後媽媽讓你打一支去水針後帶你回家。

在診所檢查時你一度爭扎而喘氣，回家後你好好休息，

媽媽唔搞你........你疲累就跟天使走啦~~

如果明天起來見到你，即係又賺一天~~

 

無胃口~要灌食

媽媽：圓圓少爺，你星期六開始無胃口，開醬醬都係食少少，

係咪耳仔積血令你唔舒服而無胃口？

唔食嘢唔得架，會脂肪肝，

尋日針筒餵你食醬醬同湯包，

今日食id罐，明天一早睇下book唔book到位見醫生....

 

又跳大制

突然全屋停電，都估到係因為房插蘇位置可能受貓尿影響，

自動截斷全屋供電~~

咁惟有關房插蘇大制，才有番電...

 

牀主

福仔：今日我霸哂成張牀，無貓同我爭，好嘢~~

 

閜始口服類固醇

媽媽：星期一莊醫生幫你打咗類固醇針，

尋日開始口服類固醇，

都只係每日半粒啫，已經放入膠囊，將你入保定袋，

點解都咁難餵，輕易吐番出來....

拜託你乖啲啦圓圓大人.....

 

被餵補充劑後的惡樣

 

零食呀...

小美：係咪有零食？

媽媽：係，不過我開完醬醬，你已經跳番上去，

幫你唔到咯~其它貓食哂啦，你叫都無用~~

 

脫頭罩

媽媽：媽媽知道你唔鍾意頭罩，阻住行動同食飯，

尋晚已脫，舒服哂啦~~

圓圓：唔...唔...

媽媽：尋日醫生幫你抽完耳積血，回家晚上又積過，

今朝起身耳仔已經扁番，即係積血自己吸收番又無再積，

會好快好番~~

 

放血

放血前脹卜卜餃子耳~~

放血後皺起的餃子耳~~

媽媽：今日在診所上磅得4.1kg，我仲以為正常，

但莊醫生睇番三年前紀錄係5kg以上，輕咗1kg，

咁驗個全血啦，就係咁發現圓圓你有腎衰啦~~

其他指數ok~

今日放血加驗血盛惠三千七，媽媽荷包又放血~~

乖乖畀我滴耳藥，好快好番！