忽然又冬天

今日氣溫由幾度突然跌至十幾度，

家陣15.3度，

明天好似會跌到13度，

各位入定避寒中心，

預備過今個冬天最後一個冷鋒~~

 

23G

花花：點解呢兩日打水時間咁長既？

托媽：唔好意思呀花花，21G針頭用哂訂緊，

用住23G先，出水係慢啲，但針咀幼啲拮入皮膚時無咁痛...

請忍耐，我估明天或星期五六應該有貨...

 

又換新電視

在貓尿攻擊下，第二部LG 55吋電視陣亡，

新的Samsung星期一送到，

諗住自己裝(上一部都係自己裝)，點知舊配件唔啱，

惟有收番入裝等師傅今日來裝~~

點知師傅都無配件(只負責安裝坐枱架)，佢話本身牆上Sony萬用架唔啱Samsung用...

好彩豐澤哥仔話送番個上牆架畀我，

中午出去拎，裝好電視背配件，掛番上Sony架都ok，

但就唔似之前LG螺絲可以卡死在牆架，

試過兩邊角位用力推會移位，有甩之風險~~

惟望各位主子唔好跳上電視頂玩，

拜托~~

 

沙灘上的藝術裝置？

 

16度的早上

媽媽：冬天忽然回來，真好~~

一掰開眼，又見到朝拜暖爐盛況~~

 

冬天又回來

是夜16.5度，真好，好涼好舒服，

仲可以開暖爐~~

 

抗病毒藥molnupiravir療程再開始

媽媽：迪奇你只係年初一時嘔，之後兩日無胃口，

唔知係唔係胰臟炎但新年無醫生睇，

之後有番胃口，逐漸回復食量，

但當有日食番平日份量子(兩條雞柳+一條燒柳)後又嘔，

搞到我之後唔敢畀太多份量，

但到不至於跌咁多體重~~

响未book到醫生前，今日開始抗病毒藥2801，

之後如醫生確認你fip復發，今日就係療程Day 1~~

 

煲仔盒

人吃煲仔飯，貓坐煲仔飯外賣紙盒，$60抵！

 

回復靚C

媽媽要我禁食一日，少食一日，

尋日已經無爛C，

今日早晚各有靚C~~

希望天日畀番正常份量我食....

 

洗耳仔

託媽：你耳仔好污糟，耳背抓損哂，姐係好痕啦，

來來來，早晚洗耳~~

花花：嗄....唔好搞我...

 

快樂過後oh nancy

媽媽：星期六你就食得開心，

阻都阻唔住，家陣屙ice-cream，開心啦~~

今日全日禁食，等腸胃休息下~~

 

想打人？

託媽：花花小姐，唔駛怒目而視想打人咁款？

唔好嬲，今日星期日，可以休息一日唔打水~

花花：哼...

 

一年一度熊豬仔生日會行山派對

大妹：今日我帶媽媽出黎玩，

今年生日會銪隻好似史納莎既狗~~

行山路線同之前幾年一樣~~

今年仲多咗兩位異寵~~

唔講啦，今日好攰，食咗好多嘢，我要瞓覺啦~

 

公主病

媽媽：大小姐，請問幾時先肯移玉步，到枱面食飯呢？

小美：我鍾意櫃頂食！奴才快奉飯！

 

早good晚差

媽媽：唔知係唔係牙痛，尋日餵早止痛藥，

今朝鬼咁好胃口，做乜夜晚又差番？

迪奇：um......

 

初五咁既樣

媽媽：自從你年三十晚嘔完，之後無胃口，

每日食好少，

尋日終於主動等食，但食量都上唔番平日~~

喂喂，唔好初五咁既樣，加油啊~~

迪奇：我盡力啦....

 

是日22度

 

傻強一隻

 

好好天

 

大年初一暖笠笠

 

迎龍年

 

又進禦寒狀態

 

降磷氮

花花：咩呀，想影我個瘤呀？

託媽：知啦知啦，影唔到咯....

尋日即刻幫你訂番降磷氮補充劑，今日已順豐到手，

乖乖食咯~

 

花姑娘Body check

花姑娘：做乜搞我？

託媽：唔好打醫生啦，檢查之嘛.....

今日上磅得3.08kg，都唔算太差~~

託媽：腎指數好高呀，磷又高氮又高~~

託媽：紅血容積都低，但未到要打造血針~~

另外醫生摸到你肚肚有個瘤，

我摸下都唔細，大約有1.5cm直徑。

不過你年紀大，腎又差，如係惡性都做唔到手術，

所以都係唔搞個瘤唔做進一步檢查了....

開心生活就得。

 

咁樣舒服咩？

媽媽：木黎架喎，咁樣浪住塊面舒服咩？

\CC：C服~~

 

迪奇睡寶寶

 

媽媽：只係一張新墊啫，就瞓得咁安心？

上磅

小美：唔好捉我！

媽媽：要磅重嘛~~

六日前上磅得2.1kg，

但明明見你好胃架....

明明早晚各一個罐架...

惟有夜晚睡前乾糧再加多啲....

好彩今晚上磅有2.27kg~~

但都係食極唔肥架......

 

係時候做身體檢查

托媽：花姑娘呢排胃口麻麻，我聽日去買啲新口味罐罐，

另外都係時候做一次身體檢查，

驗全血，了解返肝腎指數紅白血球等，

因為腎貓去到後期都會影響造血，

當跌至某個水平就要開始打造血針，

為免太遲先發現，而家都係時候做身體檢查。

 

相對濕度98%

Bu B：又濕又熱既天氣，仲要捱多好多日......