困籠反省

媽媽：你曳呀，成日蝦貓，早幾日失驚無神從後咬寶寶，
痛到佢大叫，呢幾日困籠反省，

知錯未？

福仔：.........

 

迪奇覆診

迪奇：做乜影我？

媽媽：你叻咯！

媽媽：今日覆診驗血，肝膽指數回復正常~~

造血功能保持正常，白血球都回落，無之前咁高~~

側面X光見到肺尚有少少未清~~

正面就清哂。莊醫生話一般肺炎好少兩個星期完全好番，

所以穩陣起見食多兩星期抗生素。

到時已經完成FIP  12星期抗病毒藥療程，

如果到時成績好，就快快趣剝牙啦~~

 

乖乖吃藥

媽媽：乖啦，吞藥啊，唔好頂番出來啊！

 

唔捉啦

靜宜(中層)：唔好捉我！

媽媽：知啦，剛才捉你入袋食藥咬爆我手指....唔捉你啦...今晚..

恐龍仔：唔好捉我....

媽媽：唔捉啦今晚，都餵完藥咯，我影相你路過啫~

 

食藥前 vs 食藥後

(食藥前)

媽媽：夠鐘食藥啦，抓住貓架死撐無用架，放手啦......

迪奇：唔放~~

(食藥後)

迪奇：我要坐大髀~~

 

靜宜無胃口？

媽媽：哎呀，靜宜呢兩日胃口差，咩事呢？

畀嘴挑罐都係lam兩啖，咁惟有入袋灌食啦，

一打開口發現口腔又紅哂，發炎啊陰功！

好彩屋企有口炎藥，餵你食完醬醬後，再餵抗毒藥同止痛藥，

再搽耳仔開胃藥，

打埋皮下水補充水份~~

哈，夜晚果餐回復胃口。仲响地下碌下碌下好悠閒，安心哂！

 

好想篤你肚肚

 

先母告別式

是日2:30在大埔拿打素進行簡單儀式，

然後出發到和合石火葬場再進行莊嚴的告別式~~

禮堂設計好現代，採天然光，外面係竹林~~

儀式完成後，

我和國輝親手按制，棺木徐徐下降，然後關上棺台，

母親大人在熊熊火光下正式告別塵世，

往生淨土。

現代化建築，很光很亮，令我等孝子賢孫心境平和~

 

又跳制？！

媽媽：又邊個搞到突然跳大制全屋無電？

查完一輪，係房，今晚房插蘇無得用！

死仔包！

 

又虎視眈眈？

媽媽：做乜睥住我？

媽媽：食哂啦，無得偷食啦~~

花姑娘：哼....

 

秋涼的早上

媽媽：醒喎，一打開眼見到你~~

福仔：上牀瞓暖啲嘛~~

媽媽：見到你哋黐埋一堆好凍咁喎~~

小健、恐龍仔、山山：冷鋒到嘛.....

 

冷鋒到？

媽媽：邊個唔記得收埋條尾？

福仔：條尾唔凍，由得佢.....

媽媽：珠女小姐，天文台話冷鋒就到，駛唔駛畀個山窿你？

珠女：都未凍~~家陣有絨面牀已經夠暖啦~~

 

7種藥兩個膠囊

媽媽：雖然每日要食七種藥，但只要懂得配，

其中五種藥可以放入兩個膠囊，

胃藥同止痛藥就溶水用針筒餵~~

媽媽：迪奇可摸耳乖乖吞藥，唔好頂番出黎

或含住响口乘機吐番出來？

迪奇：我無心架，唔知點解好自然就會頂住....我都唔想...

 

嗲精

 

回復胃口

媽媽：迪奇好叻仔，今朝已經回復食力，十足胃口~~

迪奇：我唔痛、唔反胃，咁咪有心機食鄙嘢咯~~

媽媽：因為尋日莊醫生聽到你呼吸聲有啲異常，

照咗胸腔x光，發現個肺有少少花~~

呢張都睇到~~

我初時以為我餵藥時餵水令你濁親，引致吸入性肺炎，

不過今日諗番起，其實你六月睇醫生都有咁情況，

不過當然驗血發現有fip，咁專心治好fip先~~

今次治胰臟炎及肺炎有好種抗生素加埋胃藥，

你乖乖吞藥啊！

 

好彩今日覆診

媽媽：好彩今日迪奇大少覆診，估唔到HCT指數回復常，

唔再貧血~~

黃疸呀，肝酵素又高咗，

你前晚晚餐食剩一半，尋日嘔，嘔吐物好多血，

所以莊醫生幫你驗全血及胰臟炎測試，結果係Abnormal，

胰臟炎呀大少！

晚餐畀咗一半份量，但你只係食咗兩啖就停，

咁惟有再餵id罐~~

飽肚先可以食藥~~

今朝打咗止嘔針、抗生素，所以今日只係食兩種藥就夠~~

今日磅到體重得3.9幾，嚇死，即刻入過一批90mg抗病毒藥~

犀利呀迪奇大少，餵藥時爭扎甩咗隻牙，

好呀，之後剝少一隻牙！

 

壞/爛咗要換

 

蘇菲：做乜影我？

媽媽：做毛豆嘛，襯托新家電/品~~

1號係空氣清新機，代替壞咗半年有多果部，

2號係新茶冗几，代替上星期畀我壓爛果張~~

蘇菲：明知自己重就唔好坐上茶几啦~~

欠缺細妹的打卡位

 

嘉嘉婆婆你好嗎？

上星期二出紅磡幫媽媽辦後事，地點係必嘉街，

好像有點熟...

今日終於記起，這裏應該有垃圾房，

是嘉嘉婆婆當年被發現地點~找到了~

彩虹橋的嘉嘉婆婆你好嗎？

嘉嘉：我好好啊~

 

紙箱的滿足

 

八卦

蘇菲：咁大聲既？

媽媽：你唔驚？

蘇菲：有咩好驚？

媽媽：大聲嘛，無嚇親？

蘇菲：無...

媽媽：咁就好啦~~

 

遇上人生第一個頌缽

 

落哂波

小犬走得快，尋晚11點已經變番8號，

但一直大雨，紅雨再變黑雨，

今日中午變3號，唔知幾時已經落哂波，

我CC全日安心瞓覺，除咗開飯時~~

Goodnight~

 

小犬變大犬

今早天文台已預告12:40掛8號，結果8號風球準時出現~~

以為夜啲會落波，但估唔到，小犬變大犬，7點竟然掛9號~~

唔知明天點呢？總之今日一家好好休息，

今晚早啲瞓~~

 

無變

福仔：媽媽，小犬响邊呀？

媽媽：仍然未遠離~

福仔：有變巨犬、惡犬嗎？

媽媽：無變，仍然係小犬，仍然3號風球~~

 

小犬來了？

福仔：媽媽，聽聞今日打風喎？

媽媽：係呀，3號風球啊！

福仔：點解十月仲打風？

媽媽：衣家係咁架啦，全球暖化嘛，

今次颱風叫小犬，應該唔會好大風~

早啲瞓~

 

換季

雖然衣家仲三十幾度，但媽媽已經幫我珠女換季啦，

你哋睇下，牀仔已經係竹蓆面換成絨面啦....

 

母親大人年輕時

實在太好啦，終於搵到母親大人年輕時靚相。