打風前夕

媽媽：你哋乖乖地早啲休息，今晚半夜會掛八號風球，

唔知會唔會狂風暴雨，

你哋各自搵窿捐啦~~

 

同迪奇Friend

媽媽：估唔到你可以同迪奇分享牀~~

福仔：可能因為我前世係小寶~~

 

花姑娘偷食

新書桌

之前書枱腳唔穩又生锈，枱面又花哂，
上IKEA網訂購，遇到減會至三百幾蚊的書枱，
雖然開黎砌時發覺木無咁重，四隻腳又單薄啲，
但足夠用就得！

 

R心口

福仔：媽媽幫我R心口吖~~

媽媽：收到...乖乖畀我R心口，唔好去蝦其他貓~~

 

入定貨

媽媽：星期二在深水埗藥房訂了，今天取！$400樽，抵！

雖然目前的兩樽已夠療程有餘，但買定，有需要時可以幫貓友~

媽媽：迪奇唔好驚，落來上磅~

迪奇：驚驚驚....

媽媽：唔錯唔錯，不過食飽飯，係重啲，

下次朝早未食嘢先磅。

 

保護網

日日有貓入電視櫃瞓推跌imou，

唔加保護網封住都唔得！

 

兩小時27粒

媽媽：效率真係差，兩小時只入了27顆膠囊，

完成後肩頸膊痛~~

已經有呢個入藥器幫手，否則更慢....

迪奇：媽媽，咁大件，你食得哂嗎？

媽媽：要補充番今日入膠囊消耗的體力.....

 

今晚唔駛食藥

福仔：媽媽你呢兩日幫我放尿好順利，係唔係呀？

媽媽：係呀，所以今日起唔駛食放鬆膀胱藥啦~~

媽媽：鳯鳯珠同恐龍仔今明後都唔駛食抗病毒藥，

今日問清楚台灣邱先生，原來係食兩星期就停三日，

以免出現副作用。

你哋星期六先再開始食啦..

 

今晚唔打針啦~

媽媽：迪奇迪奇，媽媽好辛苦按你體重需要量藥膠囊，

終於入咗六粒，今晚起，唔打針啦，淨係食藥！

迪奇：驚驚驚(流口水中)，係咪真架？

媽媽：係呀，媽媽無呃你~~

迪奇：咁我落黎啦...

 

放唔到尿？！

 媽媽：嚇死我啦，今朝同夜晚放尿都有困難，

尿尿谷在膀胱內唧唔出，按緊膀胱都只得少少，

入面仲有三份二啊...

福仔：係咩，我無感覺喎...

媽媽：我有嘛.....

好彩朝早同夜晚餵咗四份一粒，剛剛終於幫你放哂啦.....

晚晚緊張到流口水

迪奇：驚驚...緊張.....

媽媽：真係辛苦你，每晚打針前都緊張到勁流口水，

你忍多五晚，抗病毒藥明天就會收到，

精準磅、分藥器具呢個星期都會到手，可以量到足夠份量藥。

預計441針打到星期五，

星期六開始就淨係食Molnupiravir抗病素藥！\

以後唔駛晚晚驚到流口水！

 

轉Rainbow後一個月覆診

媽媽：迪奇好乖，我哋睇下轉咗rainbow後一個月，

驗血成績有無大躍進？

媽媽：貧血指數好咗少少~~

白血球仍然高，莊醫生話可能同口炎有關，

媽媽：球蛋白仍然偏高，

A/G仍然0.4

不過體重上升至4kg，整體都算改善，但唔夠好。

諮詢fip治療群意見後，決定今日開始畀你試2801抗病毒藥。

我哋一齊加油啊！

 

一個月的成效

媽媽：今日剛好食咗一個月治口炎抗病毒藥，

鳯鳯珠畀我睇下你個口，幾乎好番哂啊！

一個月前你個口係咁架.....

咁多年一直忍受口痛，成日去診所打抗生素，

剝過兩次牙..食咗成年類固醇，呢半年加埋干擾素，都無好過..

鳯鳯珠：咁係咪唔駛食藥啦...

媽媽：呢隻Molnupiravir抗病毒藥建議食兩至三個月，

我哋食多個月再觀察，問下其他貓友情況，

然後先決定啦~

 

兇手原來係.....

福仔：哼，我都忍得佢耐，

成日特登响我面前跳來跳去，懶得戚！

果日我趁大家圍佢，睇準機會撲上去咬佢囉！

傳心師：咁你又係既，明知福仔不良於行，

你顧下人哋感受，注意下自己言行.....

Gooloo：好彩我無乜自尊姐，

媽媽我好痛，你鍚番我......

 

兇手是誰？

媽媽：今日眼仔好番好多，無咁腫啦。

為了避免有下一次，請傳心師問你當日發生咩情況.....

傳心師：當日究竟發生咩事？

Gooloo展示影像，被兩三隻黃貓圍住，其中有隻肚係白色既，伸長哂手腳向前撲打佢.....

究竟係邊個呢？

疑貓一號，蘇菲，平時做開管家妹：

呢單嘢，唔駛我出手，睇定啲先，我唔會管住...

(即係花生友啦)

我上一世，已經知佢注定係畀貓蝦，

條命生成....

疑貓二號，小風，平時會烚氣：

唔係我唔係我，我唔想惹呢啲事.....

疑貓三號，迪奇：

我係响度，係度觀察啫....

 

落黎呀唔該

媽媽：迪奇落黎呀唔該~~

迪奇：唔制~~

媽媽：咁你唔好郁，我黎啦....

 

又被家暴？

(尋晚)

媽媽：咩事呀你？又打交打輸啦？隻眼腫成咁？

媽媽：好彩我竟然响雪櫃搵到支未開既眼藥水，

係大妹之前用剩....

再搵到之前大妹被打到眼腫食剩既Amoxillin抗生素...

媽媽：每日早晚抗生素及抗生素眼藥水，

希望兩三日後會好啲！

Gooloo：放我出去...

媽媽：出你個頭！乖乖地响籠休養啦！

 

突破4kg

媽媽：終於突破4公斤啦！

媽媽：雖然你係第三隻打fip針，但都係有失手時，

背部有兩個漏藥傷口...

迪奇：你打好啲嘛...

媽媽：係你初時反抗嘛...

迪奇：緊張嘛，好痛架....

 

立秋之後

好靚女

托媽：打完水，脹卜卜，好令女！

 

年長的豹仙人

媽媽：豹豹不經不覺已經13歲，

呢半年來，你慢慢瘦下來，

近呢個月試下畀你食生肉加罐罐，

你初初都OK架，但近日無乜興趣喎.....

豹豹：淡茂茂.....

媽媽：咁食多啲罐罐，我盡量少生肉....

豹豹：唔唔...

 

因緣

媽媽：Ken豬，你上世是否我家貓？

Ken：唔係呀，不過如果媽媽鍾意，我下一世可以投胎番來架？

媽媽：唔唔。Ken舊年發fip，好忍得咁打咗超過一百針，

成功好番，我就諗，你會否係七年前因fip而上咗彩虹橋既二寶？

Ken：媽媽，其實我哋今世相遇，都係前世積下的因緣，

有緣的，下世或下世都會相遇架..

媽媽：Ken豬真係懂事。

 

前面果兩粒係......

陳Bu B：奇異果囉....

 

恐龍仔抗病毒藥治口炎記錄

鳯鳯珠口炎治療記錄#🐱口炎#抗病毒藥

休息

夏日炎炎，最好灘地~~

 

請配合

媽媽：喂呀，你配合下忍耐一陣就打完，

你愈要逃避，甩針又要再拮，結果時間仲長.....

迪奇：你估唔痛咩，梗係走.....

媽媽：衣家已完成兩星期，今晚第15針，

面前仲有10星期，請你乖乖畀我打完佢，好嗎？

你唔郁，媽媽一分鐘內打完啦！

 

等食？

CC：我又想食....

迪奇：我架....

媽媽：開醬醬畀大家食啦，呢條係定驚魚柳，迪奇獨享...

 

食玻璃大？

食玻璃大1號：Bu B豬

食玻璃大2號：CC

點解係要伏响我面前，擋住我睇電視，

你哋係透明的嗎？