阿綿加油

媽媽：阿綿知道你腎衰一段時間，

唔食腎糧唔逼你，

愛吃罐罐醬醬但呢幾日都唔食...

今日上磅赫然得2.25，

嚇死媽媽...

唔緊要，媽媽會同綿一齊努力，

早晚打皮下水，

餵蟲草丸、降磷藥....

Forcefeed腎包.....

你要快啲自己食嘢啊......

 

 

偷摸？

媽媽：喂呀，咪成日趁我行過就鈎我條褲，就畀你扯甩啦~~

福仔：陪我玩~~

 

Bu B覆診

媽媽：2.68kg,

兩星期前係2.18，叻呀，又重咗半公斤

Bu B：咕嚕咕嚕.....又鍊我肚.....

媽媽：醫生檢查嘛！

你左眼潰瘍好番哂，

脷仔潰瘍好番哂，

唔駛再覆診啦...

要Keep住食多啲繼續增磅啊....

 

15度

媽媽：今朝起身赫然發現得16度，

即刻開爐，

主子秒速圍爐~~

 

暈咗.....

媽媽：Bu B可摸耳瞓婇啲，咪瞓到好咗暈咗咁啦......

Bu B：ZZZZZZZZZZZZZZZ

 

電視壞了

點解會開唔着電視？

希望只係潮濕...

明天可以開着

否則星期一先有得打去LG維修部~~

今晚唯有用電腦睇住上流寄生族.....

 

有佬味

媽媽：Bu B忽然大個咁，開始有佬味~~

Bu B：咩佬？Fi 佬？

媽媽：>.<

 

有成果

媽媽：2.5KG，叻仔！

Bu B：咁樣叫叻呀？

媽媽：係呀！媽媽努力餵，Bu B努力食！

我哋一齊努先有今日成果！

 

是夜15度

小雨：媽媽做乜一番來就幫我着衫？

婆婆：我都着咗......

媽媽：今晚室外氣溫15度咋，

雖然我唔覺凍，

但一開爐，你哋咪又黐埋去....

 

春雨濛濛

一日一日長大

媽媽：Bu B大隻咗好多...

Bu B：係咩？

媽媽：聽日磅下有幾重先....

 

Bu B係虎紋貓

媽媽：你啲虎紋愈來愈清晰~

Bu B：咩虎紋呀？

媽媽：你身上啲紋呀，

藍虎紋英短.......

Bu B：咩黎架？食唔食得架？

 

傻強又出動

捱完一周，悠閒

 

爆咗

託媽：婆婆，呢個新裝適合熱天，幾靚，唔好愁樣~

嘉嘉婆婆：我個樣咁，但唔代表我愁~

託媽：接你回家時，胸前兩個乳腺瘤各有2CM直徑咁大...

我都預咗有日會穿........

託媽，上星期真係爆咗啦，

不過唔緊要，爆咗就每日消毒搽藥膏包紥~~

嘉嘉：咁你每日換紗布繃帶時小心啲啦，

唔好整親我呀....

託媽：知道，

 

spring~尋日去咗彭福

Bu B覆診

媽媽：2.17kg，一個星期重咗400g，好叻啊~

Bu B：我眼仔睇到架....

莊醫生：係好番好多，不過未完全好哂。

同番你脷仔都有啲紅，Ulcer未完全好番。

你繼續滴三種眼藥水，同埋食多一星期抗病毒藥及抗生素。

Bu B：吓，好啦~~

 

蘇菲發情

 

媽媽：哎呀，唔怪得蘇蒉你今朝吔吔叫，

今晚先睇到~~

你發情呀！

蘇菲：發情咩黎架？

我唔知點解會咁...

哎呀，囉囉攣....

媽媽：辛苦你忍耐下，

你停針後最少要等四個月先可以絕育，

最快四月二十號之後先可以啊...

好彩迪奇二月十四絕咗育啫...

 

2KG

 

初夏的感覺 #940920

陽光下午睡

 

WFH的好處，黃昏放狗

一起溫暖

託媽：婆婆又幫我照顧小雨呀？

媽媽：其實個暖爐已經閞咗，你哋仲唔捨得行開？

 小雨：心中感到溫暖~~

媽媽：係咯，趁着陽光好，曬下太陽仲溫暖~~

 

Bu B體重急跌

媽媽：Bu B你呢兩日成日瞓，扲你上磅赫然得1.7kg。

無咩原因會體重咁短時間跌咁多，好驚係fip

今日睇醫生檢查清楚.....

莊醫生睇到你眼內又出現潰瘍，

打開口仔，脷深處都紅咗，潰瘍....

聽到醫生咁講，個心突然定咗....

驗血，少少貧血，醫生話BB貓狗常見，

唔駛太擔心~

最緊要係A/G ratio係0.7，高過0.6，應該唔係fip

安心哂...

醫生開咗三種眼藥水、抗病毒藥同抗生素，

幫你打低病毒細菌！

鳯鳯珠又睇醫生

莊醫生：牙肉好紅好腫，喉嚨都腫埋~

媽媽：對唔住呀鳯珠，媽媽見你食咗類固醇藥水後口腔一直keep得好好，

諗住幫你逐少咁減藥，由0.5ml減至0.4ml，兩星期見無事，

於是再減到0.3ml，但結果最近兩星期就見你流口水，

知道牙肉發炎復發，

即刻加埋正常份量，但都無法扭轉病情，

今日睇醫生被醫生責怪，

對唔住，係媽媽唔啱，

現在要早晚都食0.5ml一個月，

之後覆診如情況良好先可以落番每日一次0.5ml。

傍晚診所打來報告，VSX因為原材料貨源缺，無雞肉味，只有苦的類固醇藥水，

食咗先啦，希望你唔好介意....

 

送別喵喵

媽媽：喵喵就像睡公主一樣，睡到很熟~

媽媽在告室內，突然感到你被傳召去投胎做人家的女兒，

不知是否正確，

媽媽希望你快樂~~

喵喵來我DS家短短兩年，成為大家庭的一員，媽媽知道你是快樂的！

好好走你的路啊~

 

貓枕頭

媽媽：Bu B好乖啊，做貓枕頭~~

Bu B：小雨哥哥同嘉嘉婆婆係長輩，我會尊重佢哋~~

 

小雨肯食嘢啦！

媽媽：小雨好叻，星期一夜晚開始自己食嘢，之後日日都肯食，

雖然食量唔多，但媽媽睇到你好有生命力！力油呀！

嘉嘉婆婆：我鼓勵小雨食架！

媽媽：多謝婆婆，我有幸可以照顧你，在你身上學習，你更幫我照顧小雨，好多謝你呀！

曬太陽

託媽：婆婆真係識歎，享受溫暖的陽光~~

嘉嘉婆婆：曬太陽係我習慣~~

 

呼吸困難

ken仔突然呼吸困難~~ 好彩即日睇到獸醫，來到時莊醫生話你情況好差，有生命危險，即刻抱入去聞氧氣，\ 之後照咗x光，有胸水，抽出來後發現好杰，好多蛋白質,除咗腹膜炎無乜其他原因會咁，即刻驗血~~ 結果與腹炎脗合~~ 無遲疑，即晚幫你打咗蘇剩下的capella。 加油呀小ken，你會好番的！

山山出院啦

媽媽：唔好咁慘慘豬啦，回家就放鬆！

今日叻叻在醫生拔咗尿喉就可以自已屙一大篤，

腎指數又回復正常！

番到屋企唔駛再驚啦，

放心食嘢啦！

 

Bu B覆診

Bu b：咩事又要去街呀？

媽媽：覆診囉~~

媽媽：犀利呀，今日體重有1.97kg，11日重咗470g呀！

媽媽：今日莊醫生細心檢查過，話你左眼傷口已經完全癒合，

而眼球旁邊組織去修補角膜及眼球前方傷口，

由於呢啲本身唔係角膜組織，所以你角膜變得唔透明，

而瞳孔係因為修復組織關係變得十分細，但都入到少少光，

檢查過發現你對光有反應架！

最緊要係，傷口已經修復，唔駛切眼球啦！

Bu B：

我左眼睇到架，只係好似有隻手指擋住中間位置，咁睇唔清，但有光影架！

放心啦，呢啲少少嘢影響唔到我架！

我要同迪奇哥哥同蘇菲姐姐玩........