強烈季候風

翻風呀～

天文台：強烈季候風信號現正生效。預料本港吹偏北強風，平均風速每小時超過四十公里。陣風間中達烈風程度

堅定的眼神

堅定的眼神，我蘇菲又完成一星期痛痛針，雖然今晚未打先反抗，

搞到叔叔失威，要Irene姨姨過來，

佢用咗一個新抱法，

我一時唔知點反應或反抗，

咁就~~乖乖受針！

媽媽話尚餘21針，就快完成！

今晚媽媽又唱心經我聽，等我知道又完成一星期！

我會努力架！不過有時驚起上來會爭扎，

我都控制唔到架，我係貓黎架嘛....嘻嘻

 

邊個最歎？

邊個最歎？當然唔係我啦，

你哋媽媽我今日要寫稿，星期一先有稿交~~

星期二放假先可以真係休息，

咁辛勞，都係為咗賺錢畀你哋歎~

 

湊仔？

媽媽：小健真係好愛婆婆~~

婆婆：有點吃不消.....

 

 

再驚喜

(尋晚)

媽媽：咦，喵喵，咁叻識得入我房上牀？

(今朝)

媽媽：咦，一掰大眼，喵喵仍在牀尾，鳯鳯珠在右邊牀頭，

好叻喎你哋兩個，

終於融入大家庭~~

鳯鳯珠：呢度暖啲吖麻.......

喵喵：我好奇入來睇下啫....

 

Surprise

媽媽：早晨，鳯鳯珠，竟然一打開眼見你在牀，

知道呢度暖哩.......

歡迎你加入大牀行列啊~~

鳯鳯珠：我要慢慢適應，

唔好咁大動作，會嚇親我的....

 

SWEET

媽媽：小健真係乖，幫我陪住婆婆~~

小健：驚佢凍親嘛....

婆婆：我好溫暖.....

13.7度的早上

朝拜暖爐神~~

佔領被褥~

 

Mile stone～完成8星期fip針，尚餘28針！

阿婆新牀

託媽：婆婆，新牀滿意嗎？

嘉嘉婆婆：有咩分別？

託媽：舊果長裏面紫色，呢張米色架.....

嘉嘉婆婆：係咩？

託媽，係呀，仲有你無發現無咗屎味、尿味、婆仔味咩？

舊果張拎咗去洗，乾唔切，

明天氣溫下降，所以要及早預備暖窩嘛....

 

剃靚啲

媽媽：剃乾淨，靚哂！

呢個鏟真係好用！

 

婆婆睇醫生

莊醫生：呢位婆婆好嗲喎....

託媽：婆婆呢兩日有粉血尿.麻煩醫生幫佢抽尿去化驗~~

醫生開咗抗生素食住先，一邊等化驗結果。

另外要食七日Cystophan保護尿道，

好快好番！

 

蘇菲的叮囑

媽媽：知道蘇菲每晚承受痛楚，請問媽媽可以點做，

令蘇菲無咁痛苦呢？

蘇菲：Um..你每晚揀定一個打針位置，打針前一小時同呢個位做reiki，

之後呢個位會有記憶，咁到真係打針時，我就記住呢個感覺，

會無咁痛....

媽媽：好好好，早一小時reiki，但媽媽好難揀定一個位，

要視乎當時情況，邊一個位皮膚無咁硬，

又要視乎蘇菲當時姿勢，合作程度，好難揀定喎！

蘇菲：咁呀，咁成個打針範圍都做哂reiki啦！

媽媽：遵命！

 

又順利完成一針

媽媽：我哋又順利完成一針，讚蘇菲！

蘇菲：都讚媽媽！

 

覆診成績表

打咗7星期共49針腹膜炎針（Capella），

蘇菲今日覆診驗血，

指數已經回復正常

A/G有0.6已經係安全水平。

hct 有36％，

，背上打針因漏藥造成的損傷丶甩毛位置，日後都應該唔會生番毛，獸醫話呢啲都係cosmetic 問題，唔會影響健康。
今日在獸醫診所上磅蘇菲竟然已經有2.2 kg，少少嚇親，因為早兩日先至剛剛夠2kg，以為屋企磅唔準回家再磅發覺真係差不多2.2kg（今朝食飽飽，啲糧都有0.8 kg，重啲係正常）。磅重好緊要，因為重咗就要加藥量，

今晚開始打1.8ml啦！

#仲有35針
#12月20號覆診
#成功在望

蘇菲：吓，仲有35針？

 

婆婆收咗條o靚

婆婆的大智慧

託媽：婆婆，你對現時生活感滿意嗎？

嘉嘉婆婆：滿~~意~~

( 平常心)

 無論係咩環境也安於現狀，無分別心~~

託媽：婆婆好犀利，有佛的智慧~~

婆婆：來到這一世，應該「完滿」了

託媽：無慾無求的感覺，環境好定差，都係一種歷練，

謝謝婆婆教誨~

婆婆：你學懂了...

你還要在我身上繼續學

 直至我離開

託媽：婆婆你要長命啲啊！

 

婆婆的養老生活

新電鏟好用

蘇菲：又鏟我背？

媽媽：係呀，你啲毛生得快，之前個電鏟又已經唔夠利，

所以要買個新咯。

估唔到二百蚊貨仔好好用喎~~

媽媽：今次鏟得貼好多啦！

背上幾個脫毛位置，係媽媽做得唔好，針口有漏藥痕跡。

媽媽會更小心的！

 

周二跑彭福

(周二跑彭福)

大妹：好爽呀~~

細妹：掃墓呀~~

 

圍爐取暖

17度，入秋(定冬？)以黎第一次開暖爐，

大家朝拜暖爐神吧！

 

小雨又flu又爛脷

媽媽：駛唔駛咁嗲？

3.51kg，輕咗少少，上次有3.6kg

小雨：又打我針....

媽媽：係長效抗生素，你又flu又流口水，脷損，呢啲係卡里西病毒徵狀，

爛脷咪要打針咯...

媽媽：仲有朱古力兩支，耳水消炎殺菌藥，抗病毒藥，

唔該唔好咁大反抗，畀我餵藥好唔好......

 

里程碑

蘇菲：今日係我蘇菲治療FIP既里程碑呀，

因為我已經完成6星期共42針，

即係一半療程！

真正進入倒數階段啦！

左邊係我既針後肉醬，右邊係我打完針的針筒！

兩樽都見證我蘇菲勇敢歷程！

前面剩下42針，我會繼續加油！

 

霸咗先算

肥綿：發現紙箱，唔理大細，霸咗先算！

 

小健保母

小健：婆婆你唔駛擔心，我小健倍住你，

安心在呢個家生活~~

嘉嘉婆婆：我知道，你睇我適應得好好呀~~

我仲行得，可以去飲水，你唔駛擔心....

小健：但你唔識去砂盤啊，你識下習慣去砂盤，唔好屙在窩內或墊上，

整污糟自己都唔好啦...

婆婆：唔.....

 

感恩

經歷連續幾晚漏藥丶甩針丶補針丶蘇菲慘叫爭扎，

累積壓力令自己都好緊張。

今晚終於順利打番一次靚針，感恩！

#第39針

 

第38針，好失敗的一針

蘇菲，媽媽向你講對唔住，都係媽媽做得唔好，今晚甩針、漏藥，

最終打第三針先完成！

由於唔知準確漏咗幾幾藥，為保足夠，之後補針的可能多咗少少，

最緊要夠！

針針係救命的。蘇菲，請你忍耐，

好番之後可以盡情咬媽媽！

觀音大使，彩虹橋上的小咪，請你賜我力量，幫我做得好。

Capella針藥，請你溫柔對蘇菲，幫蘇菲打贏呢場仗！

 

打在兒身，痛在母心

媽媽：蘇菲對唔住，係媽媽做得唔好，呢兩晚都打到你痛痛...

爭扎，甩針，漏藥，要再補針，

請你原諒我，亦請蘇菲再忍耐。

媽媽再細心檢討，睇下明晚如何做好啲...

迪奇，幫我呵番蘇菲....

迪奇，知道，我哥哥响度，唔駛驚，驚就兩份！

蘇菲：我試下忍耐，但真係好痛，好驚驚...

媽媽：我哋今晚忘記佢啦，一齊放鬆！

明天努力！

 

秋涼中仍有少少熱

第35針

媽媽：蘇菲好叻呀，已經有1.91kg重啦，

雖然係食完飯磅，

今朝空肚時都有1.85kg。

每星期重100g，441針藥就要多0.1ml，

今晚開始打1.6ml啦！

媽媽：不過間中見到你打完針後，頸後毛有少少濕，

初時以為係酒精抹完所以濕，

尋晚另一位來幫手的鄰居提醒，

先知可能真係漏藥。希望漏得唔多啦！

今晚打完按實針口一陣，之後感覺手上真的確有輕微濕，

而打到尾時蘇菲痛痛爭扎疑似甩針，

為安全計都係補番0.3ml，

確保打得足夠。

艱苦經營下終於完成35針，即5個星期，

前面仲有49針，即尚有7星期，

我哋繼續加油呀！！！

蘇菲：知道，雖然痛痛，但我會努力架！