盡享餘生

小咪：好香呀！

媽媽：佢叫左手香~~

小咪：媽媽你番工啦，我自己看風景~~

小咪：好似幾好味，我又想試下~~

媽媽：隨你試，你要食乜都可以。現在每天都要過得好，過得開心~~

 

小咪看風景

媽媽：見你成日望住外面喵，係唔係想出露台看風景？

小咪：係呀，我想看清楚周圍環境~

小咪：我知道我好快回貓星，

媽媽我應承你，當果一刻來到，我頭也不回退天使回貓星，好好休息~~

媽媽：小咪乖，記得唔好辛苦自己啊，攰就休息，時候到了就要出發啦！

你知道媽媽咁多貓之中最愛你！小咪係媽媽第一隻貓，

係你打開迪蘇家的大門，

之後貓貓先可以幫到咁多貓搵到屋企，

搵唔到家的，亦安安樂樂在迪蘇家生活，

以上功德全歸小咪！

你帶着滿滿的愛和功德，相信離去唔會太辛苦的！

記得攰就休息啦！

 

蘇菲黃咗

媽媽：蘇菲今日覆診，體重1.32kg,

媽媽本來以為有好消息，點知莊醫生睇到你黃咗，仲摸到好似有腹水，

要照超聲波，驗血，驗埋fiv同fel v~

媽媽：驗血報告顯示大幅差咗，有黃疸，而紅血容積由上星期20%跌到13%，

貧血嚴重！

另外超聲波睇到左腎附近少少腹水，不足夠可以抽出來‧

亦並非fip常見在肝臟附近~~

但種種跡象進一步指向fip，要立即打番441~~

同時我自行餵的clavaseptin份量不足，早晚各半粒50mg至啱，

回家後即餵番少咗的四分一粒。

由於勁貧血，莊醫生即刻幫你打咗造血針及補鐵針~

媽媽：今晚體溫無上升，回到正常！

媽媽：蘇菲女，打針係痛痛，但呢場仗一定要打嬴啊！

痛就咬我，但打時唔好爭扎！

我哋一齊加油！

 

重番啦！

媽媽：蘇菲終於上番1.325kg，叻呀！

今晚繼續打interferon~

今朝體溫39.1，但夜晚又上番39.6~~

明早覆診，睇下驗血有無進步先！

媽媽星期六夜晚開始幫你打interferon及gs441，

星期日朝體溫下降至39.2，退咗燒，但夜晚上番39.7。

媽媽見你精神好咗，胃口好咗，之前下跌的體重開始上升，

媽媽決定搏一舖，尋晚開始停441，只打干擾素及餵口服藥。

希望呢個決定係啱，

蘇菲只係病毒或細菌引致的cat flu，而不是fip！

 

點心時間

好耐無整三文魚做消夜，為咗小咪，等別奉上，大家快吃~~

定驚魚柳

媽媽：蘇菲打咗四日441都唔退燒，聽借針的資深義工建議，

今晚開始打interferon，如果係因病毒而燒到40度以上，

打完interferon翌日會退燒~~

今晚就辛苦蘇菲妹妹，打441之餘再打埋interferon！

打完兩妹食魚柳定驚！

蘇菲加油啊！一定好番！

昨晚好成功，今晚又甩針

媽媽：經過兩晚失敗，第一晚要兩次先成功打哂，

第二晚更係打出皮外要再抽藥補針，可能都唔足分量，

尋晚用肉醬吸引你專注食，成功一次過打完一針~~

點知今晚你見到肉醬已經走開~~

最終又要打兩次，尾果次仲要再抽少少藥補番足份量~~

打完再給你肉醬都唔食啦~~

蘇菲：食肉醬之後會痛痛，我無咁笨呀！

迪奇：好妹唔驚，哥哥鍚番~~

媽媽：打咗三針，見你體重無上升仲跌咗，今日開始補Recovery營養濕量，

你要努力增重呀！

媽媽陪你流血~~

你爭扎時甩針拮到手指公位置，腫咗~~

明天繼續努力！

 

能吃就好

(早上)媽媽：小咪，媽媽番工啦！

烏嘴，要同小咪和平相處呀，你哋家陣都係腎病，

要甘苦與共呀！

烏嘴：哦~

(夜晚)媽媽：小咪，今日食完Sheba鮮味包，

一陣再Ciao魚柳、sheba肉醬，

總之都係你喜歡的！

要吃甚麼，媽媽都給你！

 

小雨又flu兼爛脷

媽媽：嘩，3.6kg，叻！上次七月中睇醫生時係3.34kg！

媽媽：小雨你呀又流口水流，漿實心口、手腳啲毛呀，

等莊醫生睇下你條脷幾潰瘍呀~~

應該係又卡里西病毒啦~~

食抗生素、朱古力、抗病毒藥，

頭五日早晚0.2cc止痛藥水(屋企存貨)

頭五日每日打100ml水！

順利好番呀你！

 

真係中fip？

媽媽：蘇菲乖乖畀醫生檢查~

莊醫生：仍然發燒，40.1度~

莊醫生：貧血，白血球高~~

莊醫生：雖然TBIL無高，無黃疸，

但GLOB高，

ALB/GLOB ratio 低過0.6，係0.5，

加上血小板低，

上星期發燒開始食住朱古力抗生素，無理由唔退燒~

好大機會係fip~~

建議開始用藥，如有效，幾日就會見到改善，會退燒~~

媽媽：睇完醫生，即刻出去同義工買住兩樽藥急用。

今晚12點開始打第一針。

下星期二覆診睇下有無成績。

 

夜晚無胃口

媽媽：蘇菲妹妹，做乜夜晚唔食嘢呀？今朝都好胃口食哂架！

蘇菲：唔想食.....

媽媽：你呢幾期都Keep住燒，今朝都夜晚都大約40度，

明天鳯鳯珠個覆診期，就讓畀蘇菲啦！

迪奇：阿妹我陪住你~~

蘇菲：多謝哥哥~

 

慈山寺地藏經共修

是日慈山寺地藏經共修，

午後一點半進寺時陽光普照天氣酷熱，

誦經完結離寺時天陰有涼風~

好爽！

 

仍有燒

媽媽：蘇菲妹妹，今朝仍然有燒，

晚上短暫退燒，

臨睡前又好似有燒，

想同你探下熱者，

唔畀就算啦！

加油啊，繼續努力，打低病毒細菌！

 

仍然發燒

媽媽：蘇菲你今朝仍然發燒，上到40度！

蘇菲(右)：我OK呀，有胃口！

媽媽：迪奇幫我照顧蘇菲，知道嗎！

迪奇(左)：哦....

 

睇醫生

媽媽：蘇菲你今朝又燒到41度，嚇死媽媽~~

好彩Book定醫生~

 Dr Max：39.4度，貓超過39.2度就係發燒~

不過你媽媽話你今朝打完皮下水即刻主動食嘢，

精神又幾好，牙肉都幾靚，

無黃膽，無貧血~

貓貓發燒有機會係唔同病毒引起，包括卡里西病毒，疱疹病毒，

不過睇你無屙無嘔，口面無潰瘍，睇黎都唔係呢啲病毒~~

係有機會fip，但暫時表面睇唔係，無黃疸~~

可以驗血，不過驗咗血都唔會影響治療，

暫時表徵上係發燒，你媽媽繼續食朱古力係正確的，

不過份量由每日一次四分一格，改為早晚一次，四分一格。

不過唔排除會係FIP，如果未來幾日轉差，就快啲番來啦！

媽媽：唔該醫生。

 

退燒了

蘇菲：媽媽你番黎啦？

媽媽：見到蘇菲在門口等我，實在太好啦，

無哩埋，即係好咗啦~~ 

媽媽：即刻探熱，好嘢，退咗燒啦！

今朝探熱一度燒到上41度，嚇死媽媽。即刻打左皮下水，以免你脫水，

之後再量已經回落番40.3度~

其實諗番，今朝在modem上捉你出來量體溫，可能吸哂modem熱力，

令體溫上到41度，嚇死媽媽呢！

不過都打去診所Book定明日，萬一唔退燒就見醫生，

衣家唔駛啦！

迪奇你今口無胃口，好彩都精神，又吞咗媽媽餵你的奶奶，

同埋recovery~~

明天應該更精神咯！

 

一齊病

媽媽：尋晚你哋都好地地，蘇菲仍有番胃口~~

媽媽：點知今日又無胃口，好啦，不如試下開奶畀你哋飲~~

蘇菲：習習，好味~

媽媽：迪奇，都估到你會跟住病，果然你今日無胃口呀，

好彩乖乖吞哂媽媽用針筒餵你既recovery濕糧同奶奶~~

媽媽：蘇菲摸到身興，探下熱，果然燒到40.2度啊！

媽媽知道你身體正製造抗體打抵病毒，抗病成功自然會退燒，

只要保持身體水份就可以。

媽媽：今日兩個都要早晚食抗病毒藥，每次半粒。加埋早晚做reiki，

應該好快好番！加油呀你哋！

 

突然無胃口？

媽媽：今朝你突然無胃口，嚇死媽媽啦！

好彩餵你飲滴雞精，你好乖咁飲咗7-8支3ml，都有20幾ml~~

媽媽：好彩夜晚就有番少少胃口，叻女！

眼仔就自然上星期二打完針後，開始少少發炎，

好彩福仔哥哥兩款眼藥水有剩，

努力滴咗幾日，今日終於好番好多，

但就估唔到無胃口，

摸你個身好似興興地，唔知係咪發燒？

好彩夜晚個身已經唔熱，正常番！

蘇菲：我有啲攰，想休息~~

媽媽：好啦，休息啦！

尋晚半夜就同迪奇玩到反艇，今日早休息吧！

 

仍然係熱到溶的夏日

34度的黃昏

食玻璃大

媽媽：唔好阻住哂啦~~

迪奇：我食咗玻璃嘛，透明架，媽媽乜你睇到我咩？

 

學壞中

小虎：你哋兩個曳啦，跳上水箱~~

(左)蘇菲：呢度風景幾好，可以睇到浴缸入邊~~

(右)迪奇：我衣明白大貓點解鍾意呢度啦~~

 

腳係咁用的

迪奇：有腳瞓，正啊！

媽媽：畀我對腳休息吓啦！

你用個磅浪住頭仔仲舒服啦~

蘇菲：梳化頂係我架，唔好阻住我瞓~

 

5隻9玩水

第一針

蘇菲2世：我哋三個月大啦，媽媽今日帶我哋埃打針，

好驚驚呀！

迪奇2世：唔駛驚，有我陪！

今日磅重，我迪奇有1.51kg

蘇菲有1.27kg，醫生話你瘦呀，問我哋是否食BB糧，

其實我哋已經食緊生肉糧啦。

蘇菲，你要食多啲！唔係下次打針，媽媽會畀醫生話架！

蘇菲：哦.....

 

又新芒

終於換咗，承惠$1190~~

 

細細個就偷食

媽媽：唔准偷食呀！

迪奇二世：好似好好味咁啊.....

 

忙整餅

大妹：媽媽今日要整餅，

唔得閒寫Blog，

等我大細妹出住我哋星期二彭福靚相~~