偷吃糊仔

多多：做乜偷吃我哋啲糊仔？

肥綿：試味咋~

 

BB食糊仔

快啲瞓覺啦

阻住哂

媽媽：肥綿小姐，借咩唔該吖，我要做嘢呀！

肥綿：我洗緊腳~~

媽媽：走開呀..........

 

Day24 磅重

Day24 磅重
金仔273g
多姐240g

 

過度活躍症兒童

大金

託媽：嘩，很大條啊！

                           

                                                

 

       金仔少爺：你講我條屎呀！我儲咗幾日啦！

    

烏嘴覆診

(尋日同小咪一齊覆診)

媽媽：哎呀，得3kg，

仲以為你慢慢重番添，

點知比一個月前的3.03kg輕咗少少。

不過莊醫生睇過你口腔，已經無咁紅，

類固醇由每日四分一粒，改為隔日四分一粒！

體重方面，我哋繼續努力，少食多餐，

日日入廚房食多幾粒腎糧。

烏嘴：有無其他好味既嘢食？

媽媽：我盡力買多啲唔同口味腎罐啦...

 

小咪覆診

小咪：做乜又搞我？

媽媽：今日覆診嘛，

你搽咗兩星期藥，今日抽血睇下有甲狀腺水平有無改善？

不過慘啦，剛才上磅只有2.42kg，比上次2.6kg又輕咗呀.....

甲狀腺水平正常啦，

不過腎指數上升。

之前捉你打水，你激動到喘哂氣，為免影響甲亢病情，所以唔打水住。

衣家甲狀腺平穩，今晚開始認真打水，

同埋請你乖乖吃緊糧，好嗎？

 

寶妹畢業了

最奀丶最遲開眼丶最掛住媽媽一路啜哥姐肛門當媽媽奶頭的寶妺，

今日下午大約二時出發去彩虹橋會合媽媽哥姐們。

自從大哥和大虎紋女走後，一直最擔心你，

全家最細小，體重上升速度慢，

好不容易在14日大時有145g，

但之後每天上磅好希望你重快啲，

終於尋日上到151了！

點知今天跌番落14x，身體軟哂，無力喵叫，

託媽知到你要出發去彩虹橋了。

如要輪迴有下一世，奀妹一定要在媽媽照顧下長大，吃奶吃個飽啊！

 

手腳凸哂出來

媽媽：喂喂~~

媽媽：你隻腳呀.....

小咪：咩事？

媽媽：好心落來瞓啦，上面咁窄，手腳都凸哂出來啦....

小咪：唔好阻住我瞓覺，我覺得好OK......

 

鬥奶力

小咪的藥

好彩VSRx藥房可以將甲狀腺藥變成膏狀~~

每次唧一格~~

搽小咪耳殼~

之前餵藥丸，陳小咪好抗拒，追、捕、餵喘哂氣，

搞到小咪鬼咁緊張，甲亢已經會令心跳加快，食緊對小咪係加大負擔。

好彩有膏狀藥，只係比原來丸狀藥貴約一倍啫，但免卻小咪壓力，

真係偉大發明！

 

金多寶

各位觀眾，正式介紹，「金·多·寶」隆重登場⋯⋯
金仔，男，全黃，原排行第二，家陣係大哥
多多，女，全黃，原排行第三，家陣係黃家姐
寶寶，女，黃虎紋，原排行第五，家陣係黃小妹

 

day14磅重

姜B2有170g

姜b3有158g

虎紋女有145g

你哋繼續加油，食多啲增重多啲！

 

叻貓丶蠢貓測試

再見虎紋大女

大虎紋女今早二時出發去彩虹橋與哥妹會合。

虎紋女在日間哥哥彌留時一路痴住哥哥，哥哥走後，虎紋女知道自己要走，一路向我伸手表示好唔捨得呢個世界。我同虎紋女講：唔好唔捨得，天使來到就跟佢走，在彩虹橋休息一會，換個健康身軀再來這個世界好好經歷。之後一直抱住小B，直至她在我胸口上漸漸沒有呼吸。

3位小B再見啦，你哋要祝福3位兄弟妹健康成長呀！

虎紋大女

孻女

大哥

 

大姜B畢業了

託媽：大姜B，6B中你最大隻，飲奶最叻，

但跑到中段食力減少，餵奶時好扭計，今朝仲軟哂，飲唔到奶..

在FB請家為你集氣，

估唔到，傍晚大純5點半就出發去彩虹橋。短短貓生，才不過11日。

大姜B，在彩虹橋會合貓媽同妹妹，休息一會後再出發，

下世要健康長大啊！

 

努力餵B

姜B家族@day9增重理想

1號大姜B（仔）145g
2號姜B2（仔）139g
3號姜B3（女）137g
4號虎紋大妹（女）131g
5號虎紋奀妹（女）127g
除咗奀妹外，其餘4B都開眼啦，奀妹加油，快啲快啲⋯估計明天開

 

We are family

BB樂園

來去匆匆

大約六日前，你們匆匆的來，

今早，你匆匆的走~

今早二時餵奶時體型最小的妹妹身體乏力，飲唔到幾口奶~~

到今早六時情況更差，好弱，不張口，勉強餵了幾滴奶入口，

之後抱着bb做reiki，bb好努力想生存，

可惜於今早大約十時出發去彩虹橋，結束短短數日貓生~

差不多同一時間，姜B2號開了右眼

傍晚，虎紋B女開了左眼~~

 

BB的日常～吃與拉

高流灣6小B

高流灣來的BB

6金B突然殺到迪蘇家~據村民說，貓媽從昨天起已失蹤~~

臍帶都未甩，估應出生兩三日~~

6隻都係呢款短尾~~

 

刮痧

尋日刮莎~~這邊醫師用刮莎板~

這邊用陶瓷羮~~

尋日下午同今晚都好眼瞓，

早唞~

 

又做熱水爐女王

媽媽：小咪女王，可否下來~~~打水呢？

小咪：不下~

 

鳯鳯珠覆診

(尋日覆診)

媽媽：超叻啊，有3.29kg，比起舊年初來時的2.6kg，重咗好多呢~~

莊醫生：仍然有口腔發炎，不過比上次好少少，類固醇唔可以停~~

莊醫生：今日都打支長效抗生素啦~~

媽媽：抽埋血驗腎指數，好嘢，仍然保持無腎衰！

不枉我日日幫你打水，餵藥。

但係今晚，點解匿埋，唔好逃避啊，打水食藥身體好啊！

 

小咪11歲生日Body check

媽媽：小咪今日11歲生日，

節目就係驗身~~

體重只得2.57kg，瘦咗好多呀~~

所以今日攝咗烏嘴個覆診期來見莊醫生...

小咪：做咩嘢搞我？

媽媽：body check嘛，近半年見你慢慢瘦，擔心你有腎衰竭，驗下咯~~

莊醫生的確摸到你一邊腎好細，

另外右頸點嘢，加上你又瘦，要驗全血睇下腎指數，同埋甲狀腺~

媽媽：真係早期腎衰呀~~

另外真係甲狀腺素TT4高咗呀，哎呀，小咪有甲亢呀~

好彩有藥食，莊醫生亦抽埋頸果粒嘢的細胞去驗，睇下良性定惡性，

係功能性定非功能性，如果係佢影響到你有甲亢，可以切除~~

但切咗後又會否初期有甲減呢.....

哎呀，等報告出咗再問醫生吧....

你乖呀，今晚開始打水，明天開始食藥，食腎糧......