波子眼

媽媽：嘩，珠女，駛唔駛碌到對眼咁大呀？

珠女：你影相嘛，梗係要碌大對眼，波子眼係我標記！

 

跳水式睡姿

媽媽：小威豬，你發夢跳水中嗎？

小威：ZZZZZZZZZZZZZZ

 

好天氣

咕嚕：今日天氣好好喎...

小威：唔錯，可以曬太陽，如果媽媽開埋冷氣就好啦~~

 

爛紙箱

肥綿：咩事，做乜影我？

呢個箱我無份抓爛喎...

媽媽：係咩？不過應該唔係你抓最多咯.....

 

未到夏天的夏天活動

兩雄爭霸／貓吵架

真的家

媽媽：早晨，喵喵，罕見地一早打開眼見到入咗我房，在我牀邊.....

媽媽：鳯鳯珠都好叻女，雖然見你懾手懾腳咁由房行出來，跳上枱，

但飲完水都能夠安心坐，叻呀！

你哋加入DS大家庭一年啦，你哋終於適應，當呢度係真正的家啦！

 

小雨覆診

(尋日覆診)

媽媽：小雨好叻啊，有3.33kg！

血紅素升番正常，叻呀！莊醫生都讚！

雖然neu仍然高少少，可能係仍然有少少flu，不過已經食三星期抗生素，

食埋呢兩日完成療程後，唔再食啦，唔想食太多，

你應該會慢慢好的！

唔駛再覆診了！

 

烏嘴有腎衰竭

媽媽：慘啊，得2.98kg，比上年六月剝牙時3.3kg，呹咗300g呀！

烏嘴：仲乜拮我屁股呀？

媽媽：今朝fb彈出十年前舊照，十年呀！烏嘴你加入迪蘇大家庭十年啦！

媽媽：知道你瘦咗，以為你可能口腔炎，所以今日趁小雨覆診時帶埋你見莊醫生，

點知一驗血，發現你已經開始有腎病.....

媽媽：其他血指數正常。

你條衰仔年輕時蝦蝦霸霸，成日打小咪，成日畀我捉坐監......

呢幾年生性咗，無再追小咪，小咪都唔再避你....

你對腎就悄悄衰竭~~

今日開始食腎糧，醫生要我每日幫你打100ml皮下水...

兩星期後覆診，到時，CREA有機會落番正常嗎？

 

15度的早上

今早去完廁所，睇到，好逼啊~~

原來十五度，好耐未試過咁涼，咁爽啊！

 

肥王子

媽媽：王子，你重咗好多咁喎，呢張係一月影既相，成個波咁~~

可唔可以，上下磅呢？

王子：你捉到我先算.......

 

體重記錄

媽媽：今日同你地上磅，兩個都好有進步呀！

小雨有3.25KG，小風上番4.25KG，叻呀！

小雨：咁媽媽再畀多幾餐我食，我食得落架！

小風：我都可以再食多啲！

媽媽：小雨可以食多幾餐，因為你仍然骨杉杉，我覺得你要冇3.6KG起上先夠！

小風鍾意就食啦！食得是福！

 

眼仔打開了

媽媽：小健埋黎，睇下眼仔好番啲未？

小健：好咗啦，左眼睇到嘢啦~~

媽媽：係喎，滴咗幾次消炎藥水，加埋朱古力抗生素，今日餵埋抗病毒藥，

果然好咗好多！

不過消炎眼藥水今晚用哂了，明天去買。

你乖乖畀我餵藥滴藥，下星期會好番哂！

 

眼發炎

媽媽：哎呀小健，左眼做乜打唔開？眼黏膜腫哂啊....

來，幫你滴消炎藥水。

呢兩日見你食量減少，知道你可能傷風了，

來，吃一格朱古力吧。

快啲好，唔好就要見醫生啦！

 

抱抱

小雨：媽媽抱抱~~

媽媽：抱抱小雨。請你食藥時唔好逃跑，好嗎？

小雨：...........

 

珠女看海

趁今日好天氣，一齊去海邊吹吹風，看看海~~

無菌啦

媽媽：珠女小姐，有事報告！

珠女：咩事？

媽媽：呢篤係你上星期的尿，拎去診所驗下重有無菌。

星期五醫生打咗畀我，無菌啦！

珠女：收到！你記得小心照顧我，唔好畀我有尿道炎呀！

媽媽：遵命！

 

熱到落水

大妹：咁熱點可以唔浸吓水~~C服哂~~

細妹：我浸完啦，你慢慢~~

 

熱

傻強：點解今日熱到好似夏天咁架...嗄嗄.....

 

小雨覆診

媽媽：好嘢，雖然摸落仍然骨杉杉，但的確重咗少少，上星期三入院時得2.8KG咋。

小雨：我好番好多啦，醫生唔駛摸我啦...

媽媽：驗血報告幾好，血紅素差不多正常，

白血球仲高少少，而且仲有傷風，要繼續食多兩星期抗病毒藥同朱古力！

十日後覆診。到時要全部正常呀！

 

兩箱鳯梨 兩隻守護貓

 

3傻狗分兩轉去沙灘(9/3)

台灣鳳梨開箱～

霧中觀音

當心煩時，閉起雙眼，以善念持世，心，就能靜下來~

 

6/3慈山寺桃花已落，結桃果中

第一次整鳯梨酥

小雨出院了

小雨：我要休息，唔好騷擾我！

媽媽：影張相啫，點敢騷小雨少爺~~

媽媽：今日莊醫生幫你照咗超聲波，無特別發現。

雖然今日驗血報告中HCT跌咗，但吊咗三日水，正常。

白血球比之前高咗少少，身體仍打緊仗嘛。

總之一切穩定，回家好好休息啦。

 

好精神

小雨：喵，媽媽你黎啦？

今日我都好胃口呀，你睇我食咗幾多腸胃濕糧？乾糧都食咗唔少...

媽媽：小雨叻仔~~

媽媽：睇番你尋日驗血報告，有貧血同白血球高~~

ALT好低，代表非常唔夠營養啊~~

梗係啦，呢幾日你無胃口，食少咗，前晚又狂嘔.....

不過好彩係無胰臟炎！

呢兩日見你努力食嘢，知道你好叻仔！

希望明日驗日有改善，咁放工就可以接你回家咯！

 

小雨入院

小雨：做乜拮我屁股？

獸醫：有啲低溫，得攝氏三十五...

獸醫：2.79kg，比上次覆診時2.9kg低....

媽媽：點止呀，之後佢肥番有3.3kg架，依家跌咗好多.......

獸醫：嘔吐物係黑色，代表有血，而且你話有喘氣，我又摸到背部有氣泡，雖然你今朝打咗皮下水有機會入咗空氣而有氣泡，但要排除肺有無事，

照X光，未見到有肺炎~

獸醫：另一角度，見到腸有啲脹。

而驗血報告發現貧血，肝指數低，情況有啲差，建議留院吊水用藥~

----------------------------------------------------------------------------------------------

小雨：媽媽你黎啦？

媽媽：小雨好叻喎，食咗咁多嘢，一定好快好番！

好彩今朝一早打電話去卜喺所，醫生肯攝位睇你啊！

媽媽又好彩今日趕得初早走可以來探你！

今晚好好休息，明早再來探你啊！

 

小雨嚇死媽媽

媽媽：小雨，你無事嗎？

媽媽：剛才聽到你叫住跳上梳化攤响度張開口喘氣，

嚇死媽媽.....

好彩幫你REIKI後安定下來，

之後入房見到牀上幾灘深啡稀便，相信係你剛才肚屙，因太急所以趕唔切去廁所..

明天一早打電話去診所，希望盡快BOOK到....

 

肥咗

媽媽：肥綿，呢個冬天，不經不覺又肥咗喎~

肥綿：咩喎，我一樣咁苗條~