迎春接福

鄰居伯伯外牆又換新裝，大細妹見到好開心！

多謝伯伯！

 

新春喵曲奇

有新曲奇模，好想試，今日終於整咗啦，

富士山同抱魚貓好靚呀~~

你至靚！

 

看海的傻強

(星期二)@

最美麗的井頭沙灘

 

成班尿怪

朝早就責住哂唔畀我起身，半夜又在被上屙屎，臭死人~

被芯都吸哂尿....

今日買咗新被芯，換新牀單被袋，仲有一個新枕，

拜託你哋畀我清香幾日，唔好半夜又在被上屙尿！

 

黐身怪

媽媽：你兩隻黐身怪，放開我好嗎？

小雨：唔得！

寶寶：無咩事我繼續瞓....

 

小風好番啦！

小風：放我出黎呀~~

媽媽：放囉！

今日覆診，驗血報告誇啦啦，紅白血球血小板全部回復正常，100分！

媽媽：肝膽指數全正常！

體重有3.65kg，你要努力慢慢上番4kg啊！

媽媽：醫生移走餵食喉，頸位創口係有少少發炎，

莊醫生話每天消毒同食兩星期抗生素~~

莊醫生話最好唔好包實，咁先快啲好！

你乖乖唔好抓啊！

拜託！

 

扮BB

小雨：有媽媽在身邊，我要做BB

 

公主牀

(尋晚)

珠女：整乜鬼放咗怪獸入來？

媽媽：係新牀黎架....軟淋淋，巧C服架...上去瞓啦~~

(今朝)

珠女：果然幾C服，LIKE！

 

今晚有魚吃

 

愛碌地

Bobby：小風哥哥，做乜成日碌地呀？

小風：熱嘛.....

 

臭腳

肥綿：有無搞錯，隻臭腳係邊個？

 

Gooloo：唔關我事，我隻腳黑色既！

小風：借來浪下啫，唔好咁孤寒~

 

小雨都重番

3.45kg~~

媽媽：一個月前2.98kg，上升咗差不多半公斤啦！

但點解你雨你外觀仲係咁瘦架？

小雨：我有努力食嘢架...

媽媽：小兩骨架大，你同小風哥哥繼續努力食，你可能要上到3.8kg

至唔會摸杉杉！

加油！

 

增磅有成績

媽媽：嘩，好嘢，今晚有3.85kg，一星期增重400g，

不枉我每日三餐，每餐30-40g recovery罐罐，

加10-20ml滴雞精，

餵食喉真係世紀大發明！

小風：就黎飽食我......

 

久違的井頭沙灘

甩咗個頭？

媽媽：大少，整乜鬼整甩咗個餵食管個開關制呀？

你捐去邊整甩咗呀？雖然知到一定係屋內，但搵咗半個鐘都搵唔到呀.....

今日星期日新港城獸醫診所無開，

打去附近兩間診所都無賣，

打去西貢仲衰，話要成套買，成條喉從你項抽出來再安整，

果個VA有無腦，知唔知自己講緊乜？點解請埋啲咁JUNIOR既姑娘？

好彩有VA朋友幫忙問題馬頭圍施醫生診所有，

即刻出去買定兩個先，$12一個真係抵！

小風少爺，麻煩唔好周圍捐，周身郁.....

小風：咁我無胃口嘛....係要灌人食....

 

沙灘長出草？

媽媽：因冬天潮漲消失了幾個月的沙灘，今天重現，還長滿草？

原來係海藻被沖到岸邊，因潮退而現身~~

傻強：我第一次見，食唔食得架啲草草？

媽媽：食你個頭！

 

努力食

媽媽：從今天起，要認真吃啊！

依照罐罐建議，4kg體重貓狗，一日可以食一罐190g，

小風如今得3.4kg，每日三餐每餐都要30-40g，

你自己食乾糧外，我一日要餵你食最少半罐，

加埋滴雞精！

媽媽：加油呀小風！

 

無重到

媽媽：小風乖，為咗幫你肥番，今日除咗你自己正常食乾糧，

用餵食喉加兩餐Recovery，每次有15-20cc，

仲用滴雞精撈藥粉，希望你快啲重番。

但今晚上磅，得3.35kg，比星期二又少咗0.07kg架...

希望只係兩個磅的誤差，

我哋繼續努力，希望星期共上磅可以重番少少啦！

 

扮瞓

傻強：雖然得十幾度，但好爽呀！

媽媽：日頭玩完夜晚好乖乖瞓，咪扮瞓呀！

合埋眼啦唔該！

 

四手服侍

小風：做乜咁多人捉住我...

媽媽：小風少爺乖啦，抽少少血啫~~

白血球仍少少高..

肝酵素、膽指數都差不多回到正常啦！Yeah~~

不過體重得3.42kg，比星期一入院時少咗400克啊！

雖然然衣然肯自己食，今朝都幾好胃口清兜，

但莊醫生話唔好拆餵食喉住，我繼續灌食補充營養。

好啦，每日幫你灌多兩次連埋餵藥。

兩星期後覆診要體重大大上升呀！

 

力拔山兮⋯⋯貓陪坐

 

小風肯食嘢啦

火媽媽：小風你今晚終於自己食嘢啦！

叻仔！

本來五點半用餵食喉餵咗一次，估唔到大家晚餐時候竟然肯食！

夜啲再食多餐消夜啊，因為要餵藥嘛！

明天都要一樣咁叻啊，

一路叻落去，

星期二覆診就可以拔走條喉啊！

 

鼓起勇氣

傻強：啲人類呢，勁怕凍！

媽媽今朝捲在被窩中睇到天氣報告話室外氣溫得8度，

嚇到唔敢起身！

差不多十二點先無奈衝出被窩！

你睇我哋狗狗就唔同，

下午我拉住媽媽衝出碼頭，

睇我幾爽？

一啲都唔凍呀！

 

鍚鍚小風

大妹/傻強：小風哥哥，我哋鍚鍚你，鍾意就過來啦，我哋幫你打氣！

 

小虎好番啦

媽媽：小虎睇醫生檢查抽血最乖！

小虎：有無獎呀？

媽媽：每餐兩罐kakato mousse，日日都餐緊啦！

今日驗血指數全部回復正常啦hct有33%呀！

但點解無重到，只係得2.56kg......

而且減咗類固醇之後又屙雪糕，

莊醫生話你ibd呀，要食多一個月類固醇(每日1/4粒)啊！

小虎：吓，咁媽媽要獎我食多啲好嘢啊......

 

小風出院啦

大妹：小風哥哥歡迎你出院回家~~

小風：在醫院好悶呀，你哋鍚下我啦.....

 

喵喵叻叻

喵喵：咮,咮,鼻塞啊....

媽媽：唔駛驚，今日睇醫生！

媽媽：做足準備，喵喵唔駛驚~~

原來你得2.54kg，同鳯鳯珠差不多~~

媽媽：莊醫生檢查完，暫時搵唔到明顯引致抽筋原因，無嚴重腎衰至全身毒素，

無血糖低，腦腫瘤方面要照CT先知...

如果幾個星期內再抽筋，就可能係抽筋病，到時就天天要吃藥啊！

暫時觀察住，開咗止抽筋藥塞肛藥備用，如抽超過一分鐘有生命危險要即塞！

另外不幸發現你有早期腎衰竭啊！

都唔知好彩定唔好彩，

腎衰係慘，總之早發現，都算好。

今晚畀咗腎乾糧，自己食，叻叻！

朱古力又乖乖吞，叻叻叻！

你要繼續叻啊！

 

小風入院

媽媽：小風豬，成個星期都唔肯自己食嘢，無辦法啦，

入院吊水啦！

下午莊醫生打電話通知，

你肝酵素好高，膽紅素都好高呀，慘啦，黃疸啦！

睇黎起碼住四日！

 

兩隻病貓

媽媽：小風你陪咗喵喵成晚，好乖喎！

你哋同個病貓，要一齊快啲好番呀！

尤其小風你呀，病咗一個星期日日都要我forcefeed，

如果星期二覆診你仲唔食嘢，肯定要入院啦你！

 

喵喵抽筋

媽媽：喵喵夜晚突然抽筋，好彩媽媽第一時間發現，

你一定嚇親了，唔驚，抱緊處理。

呢兩日你Flu，估唔到平日唔畀掂，覺得人類會食咗你，

我竟然幫你打到皮下水，餵到朱古力，神奇！

唔駛驚，媽媽星期一幫你book睇醫生。