唔駛做無牙綿

媽媽：肥綿小姐，今日剝咗牙，OK嗎？

肥綿：可以啦，都痛痛架...

媽媽，餵咗你食止痛藥啦.

媽媽：你份驗血報告好好啊，只係膽指數輕輕超標，唔算有問題...

整體肝腎功能正常~~

紅白血球都正常~~血小板少少低但唔緊要...

今日莊醫生幫你剝咗七隻牙，包括左犬齒牙腳、右犬齒、

同埋幾隻細牙。總之全口還剩六七隻牙，叻叻豬。

唔駛做無牙綿！

由於你自己甩咗好多，所以今次手術算快完成。

驗埋血埋單唔駛四千，真係好抵呀！

未來兩星期餐餐有罐罐，開心嗎？

 

彭福，我們回來啦⋯⋯

天梯

(尋日)

小威：乜東東？

媽媽：砌好啦，點解無貓玩？

 

初秋涼浸浸

小鳥天堂

爽

媽媽：小威做乜咁爽？

小威：因為天氣好涼爽！

 

28日，完成！

媽媽：唔駛再匿埋啦，已經完成咗28日抗生素療程，

從明天起唔駛食藥啦！

圓圓：係咪真？唔我呃我...

媽媽：無呃你！

 

肥綿變標準綿

媽媽：肥綿身型好標準呀~~

不過媽媽都係鍾意你肥嘟嘟多啲！

肥綿：咁我試下食多啲啦！

媽媽：爛牙呢段時間真係辛苦你，

希望洗完剝完唔再牙痛，

咁你可以盡情食多啲！

 

肥綿睇牙

媽媽：肥綿雖然因為牙痛而瘦咗，好彩仲有3.64kg，

比起初來時3.8kg唔差太多。

媽媽：請張開口畀醫生檢查啦~~

媽媽：檢查完，除咗右邊虎牙牙腳仍在牙肉內，

原來左邊虎牙都崩咗，

口入面有好多隻牙已經甩咗~~

book咗下星期三洗牙剝牙，

唔知到時肥綿會否變咗無牙綿.......

肥綿：我要食罐罐...

媽媽：無問題！

 

小龍回家了

小龍依然好靚女

媽媽最後一次牽你的手~

回家了~

一家團聚啦~

 

甜睡王子

親親王子

 

型

媽媽：珠女好神奇啊！

 

甩咗虎牙

媽媽：慘慘豬呀，甩咗右邊隻虎牙

媽媽：你無事呀嘛....

肥綿：痛咯....無心機...

媽媽：明天打電話去BOOK莊醫生，

希望下星期有得睇，

希望早啲有手術期洗牙剝牙....

 

輪椅怪獸

新輪椅~~

媽媽：珠女小姐你喜歡嗎？

珠女：咩來？怪獸呀？

唔好搞我.....

 

貓吐司

貓吐司，有一隻耳仔未能完全升高頂角，

好似剪耳貓~~

今晚有雨衣貓燈陪吃貓吐司，幸福！

 

搞掂哂

中午修寬頻、Now TV~~

傍晚安裝好電視~~

晚上修好廳燈~~

好嘢，一天光哂，一切搞掂哂~~

 

三貓照明

配了燈膽，可惜仍然唔着，

打去問相熟師傅，可能壞光暗掣或燈組小電路板，

要等師傅明天來修理...

今晚，靠你哋三個照明陪我吃飯咯~~

 

壞燈

昨夜一場雷雨，大廳主燈壞了，

今天拆燈膽去配~~

可惜只有連搖控的燈組，沒有搖控的明天才有。

今晚，沒有主燈的大廳，

暗暗的...

早點睡覺吧....

 

小龍畢業了

在雷雨中，我的女兒小龍悄悄出發去彩虹橋，迪奇哥哥正等候迎接你，蘇菲也在旁邊，去和牠們團聚吧⋯⋯

#善終

#瞓着離開

#沒有痛苦

#早飯仍開心地吃

#下午還給你冲三條毛

#已請傳心師問你有咩想食有咩想做

點知來不及

 

休息

捱完一星期，終於可以同你哋大覺瞓啦~~

 

爆缸

珠女：做乜捉住我？

\媽媽：物理治療師幫你度身訂造輪椅啊....

 

媽媽：只係一陣啫，都唔駛咬爆我......

珠女：好傷咩？

鬼叫你捉得我唔舒服.....

 

抱抱

抱抱小龍

抱抱Merry~~

多啲抱抱

 

抽尿化驗

小健：媽媽，下次捉我唔該畀啲心理準備我先，

得唔得？

媽媽：吓，畀心理準備，你會逃走啦，

仲畀我捉咩？

好彩今朝我趁你仲瞓緊時捉入貓袋，否則邊有咁順利。

由朝早九點留在診所到午三點幾先有尿抽去化驗，

等到我吖！

 

皺眉

媽媽：王子，因乜事皺哂眉？

王子：乜我有眉咩？

媽媽：........你一副皺眉樣.......

 

燈神

靜宜：喂喂，你係邊位？

雨衣貓：我係燈神~~

雨衣貓：我真係識着燈架！

 

小健尿頻

媽媽：小健，又尿頻？慘...,,,,,

小健：醫生，唔該細力啲.....

莊醫生：無塞尿，但膀胱好細，無尿，

同你打100ml皮下水，等一陣再抽尿......

---------------------------------------------------------------------------------

點知.......6點半接番你都未有尿，無得驗，

莊醫生幫你打消炎針同抗生素先，

約咗下星期二，一早送你去診所等到有尿抽為止！

要乖呀！

 

 

索氣呀

媽媽：捉你捉到我索哂氣，

好彩終於成功餵到今晚藥。

元元少爺，合作啲得唔得？

元元：我都索哂氣，

要好好休息....

 

元元出院

媽媽：元元今日出院回家啦，食完晚餐瞓番個靚覺~~

尿液種到有菌，只有口服抗生素可用，

加放鬆膀胱藥，放口膠囊只係吞一次啫，點解都咁難餵.....

千辛萬苦終於成功餵咗！

元元唔好怕咗我啦....

 

口痛慘慘豬

媽媽：食咗兩星期藥，口腔仍然發炎，

餵藥時又會篤親你，慘慘豬，

尋日見莊醫生睇下點幫你，

結果，打咗一支長效抗生素，

類固醇要繼續口服，莊醫生話唔好打針，

打咗有咩事無得番轉頭，

所以都係每口食。

不過可以變成一日半粒，

咁容易餵好多，

之前早晚四分一粒，

成日卡住在餵藥棒出口，

結果要餵幾次，

令你受苦。

呢兩晚只吃半粒而且一推話搞掂，

是否舒服好多呢...

鳯鳯珠：你睇我樣就知舒服咗啦....

 

哥哥回家了

哥哥你喜歡我給你預備的花嗎？

相信你會喜歡，因為係媽媽我給你選的嘛！

相信你已經到了彩虹橋適應中。

休息夠，就去下一個旅程吧，媽媽好多好多愛祝福你~~~

骨灰就跟我回家暫住，

到適當時候，媽媽會讓你們重回大地的。