又塞尿

媽媽：知你痛痛啦！

好彩今早發現你唔埋枱食糧，又記起尋日見你Lam JJ~~

即刻按你肚肚，膀胱好細，不過你哎痛...

可能膀胱炎，即刻Book莊醫生.......

好彩攝到位！

傍晚探你，包尿好多血水呢......

腎指數又高......

你放尿，

阿媽荷包又放血！

今年一月先放過一次，八月尾又來一次.......

醫生話尿道口好多沙，同上次塞尿一樣.....

唉，你日後飲多啲水水好唔好？

 

偷番薯？

媽媽：王子，做乜一副鬼鬼鼠鼠偷番薯咁既樣？

王子：邊有，你做乜影我就真？！

 

仍然好熱

明明已經立咗秋(7/8)，天氣依然咁熱，

今日星期六成六點幾，仍然有人玩緊獨木舟~~

既然咁熱\，我細妹都要繼續浸下水~~

家姐去咗邊？

畀媽媽，拖住囉，

費事一放繩又走咗去，唔願番！

 

經過？

媽媽：王子咩事？做咩夜媽媽裝我？

王子：我去廁所經過啫，唔駛理我，早唞..

 

夢中與魚魚共舞

肥綿：ZZZZZZZ

  

大細妹丶儍強@沙灘

懷念摸摸頭的日子

哥哥完成貓生

媽媽：今早三點半起身睇你，

仍然舒服地躺在籠，眼仔碌碌望住我，

估不到，這是最後一次對望。

今朝九時起牀諗住打電話去診所前望一望你，

原來你已經出發往彩橋了。

出發前無法與你說再見，

說實在一切也來得太快了，

道別、祝福都未來得及說。

媽媽立即聯絡傳心師，希望代傳達安心往彩虹橋。

之後得知你這陣子身體不舒服，心口有被頂住壓住之感.....

這段日子，你已經當我是親人。

可惜哥哥沒有太多日子與在這個大家庭享福，

但慶幸這些日子有嘗過你羡慕的魚魚大餐，

有三文魚，雖然你不太喜歡，

前天的蝦肉餐你也挺喜歡啊....

經歷了十二年精彩生活(媽媽相信是精彩的)，

哥哥在彩虹橋好好休息，

繼續你要走的路吧。

給你送上無限愛和祝福！

 

精神轉差

媽媽：哥哥呢兩日你精差同力氣都差咗，肉球蒼白，耳仔好黃，

徵狀係貧血同黃疸~

好彩灌食仲肯吞，亦有自己主動食少少~

明天一早打去診所睇下有無得即睇.....

 

元寶

媽媽：尋日棉花糖，今日變元寶，

好想同你上磅，睇你有幾重？

王子：我係高貴王子，休息掂我？！

 

一嚿棉花糖

 

偷影哥哥開餐

堅持

媽媽：只係食一格朱古力抗生素啫，

駛唔駛咁堅持吐口水呀....

哥哥：好難食呀.....

 

忽然8號

媽媽：你哋三個乖乖地瞓覺啦~~

突然打風，由今早突然三號到今晚十點八個字掛八號，

快到哩.......

希望唔好咁大風，外面動物找到安全地方躲避，

明早起牀風已走~~

 

嘴刁

媽媽：大少，今晚又唔啱食呀？

媽媽：又要灌食！

大少真係嘴刁，

牛肉好快食厭，

尋晚的三文魚又唔食，

明天去睇下有咩好味罐罐啦！

 

班戟

要好好對待自己~~

連續食咗幾晚~~

幸福的味道~~~

 

口痛

媽媽：又要食藥啦鳯鳯珠~~

媽媽：見你食嘢好似口痛咁，一檢查下發現紅哂！

本來book咗星期六見莊醫生，

好彩之前傳咗段片畀醫生睇，

佢話睇得清楚，開定抗生素同類固醇~~

好啦，你乖乖地食藥啦，

希望食完有幫助...

 

肥王子

一嚿棉花糖

 

5嚿白飯

王子：有無搞錯，只係得幾嚿白飯！

媽媽：鬼叫你唔埋位搶食咩，

無啦，灸燒三文魚食哂啦，

下次請早！

 

消夜

哥哥覆診

媽媽：好嘢，有2.39kg，比上星期升咗200克呀！

今日好乖仔畀醫生檢查~~

淡定有錢剩.....

經過一星期努力餵養藥+ad+鮮牛肉餐，血容積由14.5%

升上18.5%，好叻呀！

血小板都由21升到47！

總膽紅素幾乎回到正常，下次唔駛驗呢個數值。

事實證明，只要你肯努力，一定有明天！

我哋一齊向健康進發！

我要養肥你！

(唔駛再食噴泡Flagyl，只需食多一枝朱古力就ok。

今日醫生幫你打造血針，

下星期我幫你打。

兩星期後覆診，繼續進步！)

 

王子偷食

侍奉主子

牛肉特餐

媽媽：今日下午茶特餐，街市鮮牛肉！

放低一陣就自己食哂，好叻啊dee~~

 

小寶寶，食mum mum

成功捐血

事前做足準備，勤補蛋白質、鐵質，今日血色素有14.8，真係要讚自己叻！

驗貨

大雄：等我驗貨先~~~

大雄：夠哂大隻，媽媽你可以食啦，

記住分啲畀我哋呀....

一齊努力

哥哥：做乜捉我黎呢度？

媽媽：覆診嘛，照顧咗你六日，對你健康情況唔清唔楚，

梗係要來見醫生。

慘，只得2.18kg，莊醫生睇番你7月20日

入天心時有2.4kg，衣家跌咗300克啊！

媽媽：莊醫生一陣同你驗血同照超聲波~~

驗血報告顯示肝腎指數正常喎，

黃疸指數亦一直下降，由最初的6.2下降至3.5，今日係1.3接近正常...

唔似fip

但血色素就超低，由最初入院時21，跌至18，之後16.6，

衣家得14.5添！

驗咗胰臟炎快速測試，陰性！

超聲波睇到肝膽都正常無腫無發大，

兩邊腎有退化跡象。

腹內淋巴正常無腫亦唔見有其他陰影。

即係話，你除咗貧血外，其他內臟器官正常啊！

至於點解你血色素一路下跌，入院時21，

3日後跌到18時天心都唔幫你打造血針！黐線？！

愛滋貓係會有貧血，相信你貧血咗一段日子，

最慘係血液中好少bb紅血球，即係造血功能障礙，相信係愛滋病毒影響。

今日即打咗造血針補鐵針，之後每星期打，

希望刺激到骨髓，兩三星期後血紅素會上升...

好多藥食呀，

哥哥我哋一齊加油，

你話好想同其他貓一齊搶食風乾魚、燒魚柳，

一定要大大力加油啊！

今日開始forcefeed！

一齊努力！

真面目

12年流浪積累的風霜，掩蓋不了型英帥靚真面目⋯⋯

哥哥居家養老

媽媽：今日買咗新牀畀你~~

媽媽：Dee哥畀下面過去瞓啦~~

媽媽：係咯，新牀好舒服架，仲有條貓草玩具，

媽媽：今晚枕住佢安瞓啦~~

哥哥開始有家的生活