深邃的眼神

你的眼神如此深邃，臉容如此滄桑....

願你明天可以脫下滄桑，

重現寬容

久違了的午後陽光

媽媽：下午陽光好好，Dee哥，

入室後有無曬過咁好陽光？

一臉滄桑的Dee哥：久違了的陽光....

媽媽：有玩過毛毛嗎？

你今日好乖畀我打水，

但食藥唔乖啊，

自己食罐又食得少......

明天加油啲好唔好？

老虎dee dee

託媽：哥哥你好呀，歡迎來到迪蘇家~
哥哥：我唔係哥哥，我想做弟弟多啲，弟弟會有人鍚...
託媽：你成隻老虎仔咁威武，不如叫Tiger dee dee？
或者叫你阿Dee先~~

託媽：砂盤用來大小便的，唔係用來瞓架....
Dee：我要適應下先~~

肉醬禮包

媽媽：有善心姨姨送咗大個禮盒畀你呀~~

一大箱肉醬，有排食呀！

姨姨叫你分啲畀其他貓食架...

珠女：好啦，但我要食大份架.....

一天光哂

上星期五去政府診所睇醫生~~

獲得好多藥~全部無食~~

最重要係星期六朝送去診所的深喉唾液，
今朝有檢測報告~~~陰性，一天都光哂！

粉紅色肉球

可遇不可求

疏肝

歎

媽媽：王子，好歎啊~~
王子：媽媽唔駛理我，你繼續做嘢啦，唔好阻住我瞓啊~~~

小監工

媽媽：威少，做乜成日惹埋紙箱？
小威：監督你做嘢！

身手好

媽媽：傻強，尋日打年度預防針，一上磅，
原來你只得14.5kg，即大約30磅，
好細身喎！
傻強：但我身手好！

爛紙箱

媽媽：上上星期六的大紙箱，玩咗將近十日~~

媽媽：差不多要鳴金收兵，今日割咗上截，收埋~~

呢個爛箱，玩多兩我就掉啦.....
小露：畀我瞓多陣...
肥綿：我都要....

檢查

媽媽：肥綿小姐，做乜霸住下層？

肥綿：聽聞可能有新住客，我檢查下安唔安全先...

爛pat強又跳海

打一針

小健；哎呀，貓哋明明屋企午睡中突然畀你捉出來打針....
怒呀......

媽媽：一針之麻，好過食兩星期藥喎...

尿液報告發現有葡萄球菌呀...
好彩無乜抗藥性，好多抗生素都可用！
打一針，唔駛食藥，好抵！

早唞

辛勞一星期，終於可以休息~~

頭痛

迪蘇媽)頭痛，醫師把脈睇舌後話我雙重熱氣，
執了三劑藥，煎好飲完，
今晚早啲休息

膀胱有砂

小健：媽媽好衰，尋日留我在診所！
媽媽：咁你當時膀胱無尿，醫生咪要同你打水，等一陣，
先有尿抽嘛！
好啦，下午抽咗啦，見到尿入面有砂呀....
開始食尿道糧，過幾日等埋種菌報告先知駛唔駛食藥....

兩貓覆診

上)烏嘴：乜我今日又要黎呢度？
下)小健：點解我都要黎診所？
媽媽：烏嘴要畀莊醫生睇下早兩星期剝牙後傷口及有無消腫嘛...

媽媽：仲有少少紅喎.....莊醫生同你打抗生素，唔駛我餵.....
好快消腫..食多啲呀你！

小威仲唔瞓？

                               媽媽：小威仲唔瞓？
                    小威：我要理番順尾尾啲毛先~~

燦眼呀

Gooloo：快啲熄燈啦媽媽，好燦眼呀.....
要瞓覺呀....

新雪櫃

媽媽：又係有箱萬事足！

今日終於雪櫃到，即插電，
冰格凍好耐，普通格先涼，
雪櫃外邊好燙手...
即係，原來舊雪櫃應該無壞，
只係冰格出冷氣落普通格通道塞咗，
拔插蘇溶雪後再插電的雪櫃外邊好熱好熱係正常的......
算啦，新雪櫃冰格容量大少少，
可以裝多啲生肉糧....

喂喂，咪入黎呀，廚房係貓之禁區呀.......
今晩無消夜，唔駛望！

有箱萬事足

小威：爽

停水

下午爆水管，以為唔會影響自己條村...

點知要緊急維修好多條村停水，好彩回到村有水車......
諗住在公司已裝了兩樽水、家有幾樽油站蒸騮水，應夠用，
點知.......

原定午夜十二點回復供水可沖涼，
但爆水管情況嚴重，預計明早六時才有水....
慘，今晚無水沖涼.....

小健屙唔到尿....

小健：做咩捉我來睇醫生？
媽媽：今朝見你在砂盤好耐都好似屙唔出，出出入入幾轉，
驚你塞尿道呀會谷壞腎架，拿拿臨Book莊醫生，
好彩攝到位....
莊醫生：膀胱無尿，屙清咗，取唔到尿化驗。
同你打支消炎針，回家服尿道補充劑同埋止痛藥，
畀個樽你取尿液樣本來化驗......
媽媽：收到,,,
小健回家要飲多啲水啊....

爛pat強，去水強

豹仔10歲

豹豹：你哋排好隊，唔好搶住，今日我係主腳.... 

媽媽：豹豹10歲生日快樂，繼續食得是福！

今日退潮，好大個灘

和平共處？

王子與Gooloo和平共處~~

瞬間對峙~~

王子派福利

狗狗狗泳姿

大細妹鬥快游(30/6)