28/06都係浸水

烏嘴剝牙

烏嘴：我今日好叻...

驗血報告誇啦啦，紅白血球一切正常~

球蛋白高少少都常見於牙患貓~~

今日我剝咗好多牙......
媽媽：估唔到你啲牙都咁差，
好彩有人取消Booking所以先可以咁早搞掂
(原定預約係7月21日)
休息幾日...
你之後食嘢該該唔再痛啦.....

沙灘喪狗

保持距離

媽媽：喵喵公主，唔好成日避開我啦........
喵喵：你哋人類會食我架.....都係保持距離安全啲...

胃口好

媽媽：小露露，你呢排胃口唔錯喎.....
小露：你多啲開罐罐，我就胃口好...
媽媽：遵命！

糉子節

媽媽：今日糉子節，小露露眼看手勿動啊！
小露：知啦，我只吃罐罐~~
媽媽：乖女！

左右窗神

左)Gooloo：做乜影我？
左)王子：唔我阻我洗腳~~
媽媽：唓，影下唔得咩....

一齊睇醫生

烏嘴：望咩呀死靚仔.....hisssssss
Fred：望下唔畀呀？

Merry：呀........
莊醫生：剝牙傷口埋哂啦......

烏嘴：做乜拮我pat pat？
莊醫生：探熱啫！你入面牙肉經哂，又有牙石...
好啦，下個月21號見，到時先驗血，無問題就洗牙、剝牙........

又壞芒

保護電視工程完成，今日突然壞電腦芒！

即刻擺番之前買的二手臨時芒出來，
點知.........已經有死線........
又要換芒......

防尿罩

防水牀笠變身電視防尿罩~~
希望成功擋得住！

又去沙灘

星期五很累

人貓晚飯後，終於可以休息........

麵店公主

天天去吃麵，為見公主多幾面~

27隻糉

兩斤糯米+一斤綠豆=27隻糉！ 

難服侍

鳯鳯豬：E~~E~~

莊醫生：左邊牙肉仲有少少紅，但已好番好多~~

莊醫生：右邊都有少少紅，但好過左邊。
康復幾好，無咩事唔駛回來覆診了~~

媽媽：鳯鳯豬好叻女呀，剝完牙食到嘢，今日體重都上到2.3x~~
不過你啲嘴刁性格真係難服侍，
肉肉巏罐雪過唔食，
其他貓最愛的kakato吞拿魚雞罐唔食~
肉醬罐唔食但只食肉醬小食，
食完兩條又問攞來食....
開咗罐罐唔食，
然後走去食乾糧？真係難服侍啦！

五角糉成功！

以前端午都係阿媽包糭畀我哋食，
呢兩年媽媽身體唔好叫佢唔好包，
今年我終於學識包糭，
有低鹽少油蛋黃鮑魚糭孝敬阿媽了！

中年發福

媽媽：王子，因乜咁愁？
王子：我好似肥咗...
媽媽：當然啦，貓到中年嘛......
王子：咩中年喎...
媽媽：你已經入室五年以上，加上你在外流浪最少一年，
加埋仲唔係中年？
王子：..........

鸚鵡��來臨前去游水

觀天

媽媽：Gooloo少爺，睇雀嗎？ 

Gooloo：睇天呀，就黎打風啦.......

學包糭

睇YouTube學包糭，成！

Merry洗牙剝牙

媽媽：回家咯，今日莊醫生幫你洗牙同剝咗後排爛牙，
之後食嘢唔再痛。
仲有做乜你今日又輕咗少少，得一點九幾公斤，明明上次都有二點一幾公斤架...
回家努力食嘢啊！
另外醫生話你今日屙屎水，
希望你只係嚇親屙爛，
之後幾日都食罐罐，努力增磅！OK？

雨後散步

又扮馬騮

爛pat強上堂(5/6)

叮噹的衣櫃

媽媽：做乜又推開我個衣櫃？

小虎：我哋係叮噹，入衣櫃瞓係正常....

媽媽：明明加咗三個安全扣，都幫我整甩哂.......

上堂

爛Pat強：做乜困住我？
媽媽：今日要上堂呀.....

又肚屙

媽媽：小虎，肚屙就唔好再食乾糧啦，乖乖地食生肉糧啦....
小虎：無胃口....

晚餐

媽媽：今晚食呢啲...胡椒餅...

烏嘴與小風：好似好好味咁...

媽媽：辣架，你哋唔食得....

剝剩兩隻牙

媽媽：一入袋就叫，知你好驚驚......鳯鳯豬忍耐下，好快無事...

朝早十點放低，夜晚五點幾接番，醫生話你啲牙又爛又碎，
剝剩下排兩隻犬齒咋.....

好啦，食完AD糧好好休息...
過幾日就適應.....

小咪10歲

媽媽：陳小咪你今日10歲生日呀，做乜匿埋梳化底？

小咪：安全嘛~

小咪：等我睇清楚有無危險先出來嘛......