爛pat強又去玩水

悠閒小咪

媽媽：小咪呢排好勇敢喎，唔再匿埋梳化底，夠敢升上梳化頂.....
小咪：呢個位好安全，有咩風吹草動都可以即刻飛走！

食飽飯 玩頭髮

肥綿派福利

小麗要幸福

小麗媽媽，今日送你到林生度，
下午Mandy姨姨再送你去亞太做檢查，
然後去貓舍住，
要你咁轉來轉去停留咁多地方知道你會驚驚.....
(明明可以安排好啲！)
請你再忍耐下，
安穩的日子就在前面等着你，加油啊！

又一隻牙患貓

鳯鳯豬：好驚呀.......

媽媽：唔駛驚，今日畀醫生檢查清楚，
你又瘦，食得少，面青口唇白，擔心你有腎病搞到貧血.....
醫生檢查發現你口好多爛牙，門牙都甩哂呀.......

好彩驗血結果只有輕微貧血，白血球高，
相信都係牙患所致...

最緊要肝腎無事，好嘢！
下星期二做手術剝牙啦！

初現飛機耳

星期日的小麗媽媽，鼻鼻開始搽藥膏，眼神有啲無奈~~

神情有啲愁.... 

今日有飛機耳~~
不過鼻鼻好番好多啦~~

爛pat強學識游水

小麗老母

託媽：早晨呀小麗老母，有無自己去砂盤呀？

託媽：哎呀，原來你屙在墊上，咁要清洗，上層無墊用啦~~

今朝徒手同你搽膏膏，畀你閃電口咬咗啖，
夜晚唔會咁蠢啦，用長棉花棒搽。
抹乾淨淚痕，滴埋眼藥，
明天會更好！

自己食嘢

託媽：好叻啊小麗，今晚自己食罐罐，很好味吧....

不過食藥就唔叻啦，吐番出來.....

好啦食完晚飯好休息~~

抹乾淨面面，回復靚女樣~~

小麗加油

小麗司法覆核成功，香港法治仍在~~
晚上子宮蓄膿及脾臟腫瘤穿破成肚血塊的流浪白貓媽媽小麗，
捱過手術後到我家...

兩個小麗都讓我們見到希望~~

小麗你安心在此休養，好多人幫你加油！

又換屏幕

非常不幸，在貼尿墊暫時保護下，電視屏幕再次失守，中尿毒~~

今天師傅終於換了新屏幕，盛惠4千元！

涼浸浸go go go

好胃口

媽媽：王子，大熱天時都咁好胃口既？
王子：駛乜講....

熱辣辣，好好瞓

各有私家位
1. 豹豹，衣帽間層架上~~

2. 王子，大廳貓廁櫃上~~

3. 肥綿，大廳大門側貓牀

最緊要開心

媽媽：小露露，你成日都唔食腎糧架....
小露：我鍾意同大家食同一種糧...
媽媽：好啦，你鍾意食乜就食乜啦~~
媽媽見你抗拒食藥，咁唔食果啲降磷藥、降蛋白尿藥啦，
淨係隔日食一粒野生蟲草膠囊，同埋打水咯...
一切順其自然，最緊要小露露開心~~~

碌來碌去

媽媽：Gooloo少爺，唔好成日响我身邊碌來碌去得唔得？
郁身郁勢，搞到我點瞓呀？
Gooloo：唓，你明明打緊機，都唔捨得瞓....喎

（扮）憂鬱的王子

媽媽：王子，因乜事一臉憂鬱？
王子：咁樣比較令仔......

小威做運動

大髀爭奪戰

小虎：媽媽對大髀我霸先架.......
小風：媽媽大髀不分你我無分前後，我都要......

貓鍋

小龍：呢個窩幾舒服喎~~

媽媽：呢個係煎pan呀~~

媽媽：睇黎真係好受歡迎~~

落完雨出海

後灘玩水

王子心情好

媽媽：皇恩浩盪，哄到咁埋，王子都無打我.....

王子：我今日心情好，免你一打！

嗲精2號

媽媽：喂喂，好熱呀......

豹仔：快啲開冷氣~~

嗲精小虎

媽媽：小虎你唔覺得熱咩？黐到媽媽咁實.....
小虎：小虎就是喜歡

小露覆診

媽媽：小露露，做乜唔番房瞓呀？
小露：唔想畀佢捉住餵藥....

媽媽：呢張係你上次出院時驗血報告

呢張係今日覆診的驗血報告，肌酐酸又上升咗，尿素氮（BUN）有改善，
磷都有改善呀....
不過體重又輕咗少少，得2.0幾，三星期前入院有2.2幾...
紅血球又低咗少少....
你乖乖地畀我繼續打水餵藥，食多啲嘢，好唔好？

Sunday下水禮

爛pat強闖沙灘

假日兩貓B

又去碼頭

大妹：哇，美麗黃昏呀~~
細妹：哇，好舒服的黃昏呀~~