英國旗VedBed回歸

 

9.9度

今朝12度~~

現在9.9度~~

Goodnight~~

 

食藥10分食嘢0分

小風今日食藥10分乖，灌食10分唔乖，

雖然無胃口，但無嘢落肚會脂肪肝架，唔好咁硬頸啦唔該！

 

輪到小風病

媽媽：好彩，病都有4公斤！

小風：做乜捉我黎.....

媽媽：你星期六晚嘔咗三次，尋日全日唔食嘢，緊係要睇醫生啦！

好彩莊醫生摸唔到你有咩特別嘢，驗血無貧血~~

媽媽高度懷疑你胰臟炎，果然真係啊！

小雨病完到小虎，今日原本小虎覆診，

小風咁病梗係捉你去睇先！

小風少爺，請乖乖吃藥、打水，

今日灌食先，希望你快啲自己食番嘢啊！

仲有點解你肚痛唔跳落地屙係要就咁在被上屙，同小虎一模一樣？

肚痛請落地屙！拜託！

 

傻強的黃昏

傻強：媽媽做乜成日影我？

係唔係因為我太靚仔？

媽媽：諗多咗啦你！

 

碼頭琴音

Momi momi按摩小手

2020人貓狗平安

 

最愛帳篷

媽媽：珠女小姐，今晚真係好暖喎，成19度，

駛唔駛一食完就捐入帳篷呀？

珠女：我就係鍾意暖暖帳篷！

 

玩到天黑

彭福上星期四重開，今日梗要來玩~~

玩到天黑.....

 

明明回暖

暖爐吸貓力強大，就算已經回暖.......

 

傻強又上昂坪

終於玩到一鍵短片（DS號練習4）

突然無電逼降（DS號練習3）

捨不得暖爐

媽媽：起身啦，9點啦~~

無貓聽我講架........

開完飯，我番工啦~~

暖爐熄咗啦，圍住都唔會暖....

今晚媽媽快啲番來開暖爐啦！

 

圍爐取暖

DS號練習2

預備過寒冷夜

天文台預告明早氣溫降至13度，今晚早啲開暖爐！

Good night~

 

DS號首航

肥綿霸箱

媽媽：我頭都大哂，唔知邊件配件塞入邊個窿，

你咪阻住哂啦！

肥綿：你慢慢研究！我將自己塞入箱先~~~

 

小虎好成績

我小虎今日覆診，上磅有2.5公斤，重咗少少！

今日驗血成績好好呀，HCT有24.1%，貧血改善咗好多！

白血球差不多回復正常，血小板係完全正常！

膽紅素都正常番！

仲有照埋超聲波，莊醫生話之前腫大至1.5厘米既腹腔淋巴唔見咗，

腹水就消失無蹤，媽媽可以放心啦！

今日打咗造血針，下星期媽媽再幫我打，食多7日抗生素同14日類固醇，

之後覆診一定成績好啦！

我小虎食嘢先。你知啦，食咗類固醇係好胃口，餐餐可以食兩罐Mousse，

開心！

 

屎面小姐

媽媽：哇，一掰大眼就見到你屎面，

寬容啲得唔得？

肥綿小姐：我好歡容喎......

 

午間兩場

大細妹午間早場去彭福~~

傻強黃昏賞日落~~

 

小雨覆診

我小雨今朝一食完早餐就被媽媽捉入袋，嚇死貓啦！

原來帶我去覆診。

我今日上磅差不多有3公斤，不過媽媽話我仍然瘦蜢蜢....

莊醫生檢查我左邊牙肉仲有啲紅，不過已經好咗好多~~

右邊上顎牙肉一樣仲有紅！

加上我有少少鼻塞，莊醫生話食多一枝朱古力，

對控制Flu同牙肉發炎都有幫助。好彩唔難食啫！

 

Oh Christmas tree

傻強去玩

換季

大妹：鄰伯伯外牆換咗季啦！
 

刺猬都有聖誕帽都口罩~

伯伯話咁樣先安全喎！

全部都係伯伯一手一腳設計架！

多謝伯伯為我哋村帶來聖誕氣氛！

 

小虎出院了

小虎：終於番到屋企，真舒服...

媽媽：小虎要食好多藥啊，有兩種抗生素、類固醇，

止屙藥仲有開胃藥備用....

今日驗血發現貧血指數差咗，不過莊醫生吊咗幾日水，

呢個先係真正紅血球數字。已經打咗補血針，

仲有一枝下星期望你打。

仲有血小板好低，唔知係唔係免疫系統影響，

你小心唔好撞親呀！

膽指數差不到正常！

小虎好好休息，下星期覆診要有好成績啊！

 

兒子生性（食嘢）母倍感安慰

小虎有胃口

媽媽：小虎好叻，姑娘話你胃口唔錯，

有食雞MOUSSE、ID糧，乾糧都有食！

今日問姑娘攞番驗血報告，有貧血、白血球高...

膽指數高....所以耳仔黃咗囉，有黃疸呀....

不過最緊要腎指數無事。

小虎Keep住進步，希望星期五可以出院！(因為莊醫生星期五至番)

 

小虎肚屙入院

媽媽：小虎呢兩日都噴射式肚屙，今日要睇醫生檢查清楚啦~~

胰臟炎呀！

仲有貧血、白血球高，超聲波睇到肝發大，淋巴脹，有啲水....

媽媽：你乖乖住院吊用藥，快啲好番！

 

16度的早上

媽媽：我想上番牀，有位畀我嗎？

媽媽：開定小型暖風機畀你哋，OK嗎？

小健/山山/小虎：OK啦，開大暖爐更好~~

 

換季啦

媽媽：好耐無買新被袋牀單，仲有新被芯，你哋咪屙尿呀！

烏嘴：我最多嘔啫~~

大雄：..........我盡力啦....

 

珠女小姐玩乜？

媽媽：珠女小姐，又玩咩？

 珠女：天氣涼了，我要冚被....

 

唔好碌落地

媽媽：小威豬小心啲唔好碌落地啊...

小威：點會！

 

又軟便

媽媽：小虎，又要食益生菌啦~~

小虎：哦....

媽媽：呢幾日又屙軟便，今早稀便添........今日特登早放工去幫你買，

希望食幾日會無事。

不過今次都要食長少少時間，但份量少啲，

養番好腸道！

加油啊小虎！

 

上中下場

尋日第一場：傻強跑彭福~

中場：大細妹玩泥涌~~

尾場：大細妹去埋彭福~

 

小雨剝牙

媽媽：辛苦你啦小雨，唔好嬲，剝咗牙就唔駛再捱痛！

媽媽：食咗十日抗病毒藥同朱古力後，白血球低番好多。但貧血只改善少少少，

莊醫生話可能口腔內一路流血所以Keep住貧血。

今日除咗保留四虎牙，其他牙都剝哂啦。

打咗長效抗生素，食多一支朱古力，應該好快唔痛！

今日上磅有2.8kg，比兩星期前2.4kg重咗唔少！

兩星期後覆診要再升啊！