雨中慈山貓

玩厭？

朝早，唔玩？

夜晚，唔玩？

翌日朝早，又唔玩？
珠女，你玩厭啦？

珠女新玩具

懶洋洋

天氣又爆熱，你哋吃完早飯就大覺瞓，你阿媽我趕番工工工......

點都唔戴

珠女：咁細個頭罩，唔戴呀，同我拎走佢！

媽媽：即刻買個新，S碼，啱勒啩？
珠女：咁重，唔戴，拎走！打你架！

珠女絕育

珠女：做乜捉住我？
媽媽：你今日絕育呀！

媽媽：好嘢，平安回家~~戴住大喇只先~~

啦啦少爺

媽媽：啦啦少爺，呢排做乜咁怕我，一行近少少就飊走？
啦啦：唔好行埋黎呀.......

開學啦

慈心會開學了，最開心是見到你哋！

各位又有點心食啦~~

食完再瞓過~~貓生真優悠~~

Cat fight

糞腸球菌

媽媽：珠女小姐，你就玩得開心.....

尿液種菌報告出咗啦，之前果隻金黃葡萄球菌已經消失，
但係種到呢隻糞腸球菌(enterococcus faecalis)，從大便來，
莊醫生話發現你尿道同肛門比較接近，相信因此而令便便的菌傳入尿道呀！
好彩有口服抗生素啫.......
又要開始兩星期療程...

式式回家

刁蠻公主式式~~

今天告別儀式~~

回家了~~相信你已經和慈慈媽及行行相聚了~~

王子試用廁所

王子初探御廁

                                               王子，你喜歡嗎？請慢用.....

珠女的尿

(星期五朝早)
珠女的尿，好濁呀！

珠女：又搞我Pat pat！

媽媽：醫生話你尿液有結晶，好似係struvite果種，可以溶解！
尿液因為長期有菌而ph值係8，要食處方糧啦.......

王子的廁所

媽媽：喂喂，未砌好，唔好阻住哂喎~~~~

小威：正呀，紙皮好好瞓呀~~

烏嘴：幾好玩播，可以玩伏哩哩.........
媽媽：呢個係王子的新廁所，王子呢？

蘇菲的話(3)

媽媽，我哋衣家好好，我有成日番來探你架！
我哋鍚哂你，你要好好照顧自己，
食嘢唔好咁快，又唔好咁慢。
我哋以前成日一齊聽音樂，但你衣家少聽啊！
聽音樂啦，細細聲，同貓貓一齊聽....
你得閒都可以直接同我傾偈，我聽到架！
我哋永遠都連線，蘇菲唔會收線，
我哋永遠在你心入面，
你幾時搵我哋都响度！
好啦我要同迪奇哥哥繼續同朋友討論，你記得隨時都可以搵我架，bye.......

蘇菲的話(2)

媽媽，我衣家在彩虹橋好快樂呀，身邊永遠有迪奇哥哥，
我哋係二狗同體，連住同一道氣。
我哋每天一起周圍遊山玩水，呢度有綠色山丘，有湖泊，有河流，
有金光，就好似我哋成日去的萬宜水庫、東壩、西壩....
我哋仲努力食嘢。
你知道迪奇哥哥最後日子食唔落幾多嘢，所以衣家要食番夠本！
地上長出好多顏色鮮艷植物，閃令令，又靚又好味架！
我哋又會穿梭時空，結識唔同朋友，去幫人，亦會畀人幫，
好似你咁，交遊廣闊。
媽媽好叻，所以我哋都以你為榜樣！
----------------------------------------------------------------------------------
媽媽：媽媽真係老懷安慰........
(待續)

蘇菲的話(1)

媽媽，我終於等到傳心師Brenda姨姨來搵我呀！
我有好多說話同你講呀！
首先，媽媽我要同你講對唔住呀！
我知道我離開當日媽媽做好多嘢努力救我，我知架，
我通通睇到感受到架！
其實當天係咁既，突然之間有個機會畀我去同迪奇奇重聚，
我等咗呢日好耐好耐啦，所以我無半點疑慮就跟住天使上彩虹橋，
我都想同你道別但我驚稍一遲疑就去唔到見迪奇哥哥，
所以我頭也不回地飛走~~
我知道我掉低你走咗你好傷心，
媽媽，我真係好需要迪奇哥哥，放棄咗你，對唔住，對唔住對唔住啊......

-----------------------------------------------------------------------------
媽媽：蘇菲傻女，媽媽點會怪你？
媽媽知道蘇菲與迪奇重聚，好為你哋而高興。
雖然係有傷心，但蘇菲同迪奇一起係最幸福的！
你有你們的路，媽媽點可以自私留住你？
------------------------------------------------------------------------------------------
蘇菲：咁就好啦.........(待續)

惜惜畢業了

式式你好硬頸啊，撐了幾天，終於肯在今晚大約11點出發~~
奔向彩虹橋。
你知道嗎，一個生命的完結，
代表下一個旅程的開始。
行行細佬，在彩虹橋上一路望住你，等住你啊！
唔駛徬徨，彩虹橋上有行行為你引路，
你好好休息，回復氣力就去奔跑~~
他日我們天家再聚！

貓跳臺翻新完成

總於加上套管，爛柱變新柱，殘舊貓跳臺新跳臺~~

肥綿：我等咗三啦，今日先砌番好？！

媽媽：舊釘生鏽嘛，諗住換新釘但馬鞍山配唔到，
咁，惟有用住舊釘先.....
大家是否好滿意？

巨躉

媽媽：嘩，你個巨躉......
靚仔金：躉在後面，你睇到巨咩？

靚仔金：不如側身睇啦，好平均架我.....

靚仔金：肥係福份來的！
媽媽：我明，請keep住呢個身形！

貓柱大翻新

大雄：咩事，做乜推開我哋個貓架？

媽媽：要大變身，貓抓柱加套管呀.....

肥綿：做咩唔砌好佢？
媽媽：um........有啲螺絲生鏽......明日出去配番先......

碌地

媽媽：陳小威又碌地？

小威：我係瞓地呀！

練大膽

媽媽：陳小咪大膽咗喎，近來成日離開安全房！
小咪：都驚架，成日有貓追我.....
不過我都要練大膽啲......
媽媽：啱啦！
當我在家時，你大膽啲出來周圍行，我會保護你！
邊個蝦你，打鑊金佢！

一隻虎牙

媽媽：唔知幾時，小克你甩咗一隻虎牙？..

小克：耐到我唔記得啦！
甩咗一隻，做唔到僵屍仔啦......

很累

媽媽：做乜碌大對眼望住我？
靚仔金：起身番工呀！
媽媽：今日好攰，又頭痛，畀我休息一日吧！

貓肉路障

以身軀架設貓肉路障，阻止吸塵機前行！

貓鐘

終於整好了~~

牆上又多五隻貓！ 

新車

Ken Ken：呢架車，好似幾好坐bor~~

小風：我要坐！
肥仔金：咁細架，好逼喎！
媽媽：坐還坐，最緊要唔好响入面屙尿，唔該！

黑白配

當黑貓和白貓在一起，永遠只有一隻影得清楚.......

三腳貓功夫之珠女爬籠