安仔的窩

媽媽：安仔你同Brende姨姨講，鍾意瞓近大門的貓架上，要一個無人騷擾的窩，
我想了又想，要怎樣擺放？
原來就是要這樣！

珠女出院啦

(中午)
珠女：醫生話我今日出得院啦................

(晚上7點半)
珠女：好嘢，番屋企~~~

珠女：仲唔開車？
託媽：哎呀，我求先睇清楚醫療單，發現你5月11日開始第一抗生素療程，
要打咗21日先完成，今日係第20日，診所計錯數呀！
不過放番你入去你一定唔開心，
番屋企今晚好好瞓一個靚覺~~

嘩，駛唔駛咁快瞓~~

聽朝10回診所打埋早、午、晚三劑抗生素
7點半來接你！

傷口記錄

珠女：唔好成日影我啦，好煩呀....

託媽：嘩，你個傷口由成日桔仔咁大，到今日細過粒黃豆，經歷幾許艱辛，
點可以唔影？

小咪出廳

累壞了

媽媽：我已經好攰，雙腳要斷啦..........

反轉

媽媽：喂喂，點解反轉咗？
Gooloo：我無反轉啊~~

驗櫈

肥綿：新椅幾好坐Bor~~
媽媽：唔該借借啦.....

烏嘴：我都係比較鍾意空氣清新機....

露露：等我檢查下先~~

寶寶：唔錯，幾好坐~~

雀巢鳩佔

媽媽：喂喂金少爺，呢張係安仔龍牀喎，你咪雀巢鳩佔喎！
金仔：瞓下啫.....
其實只係麻麻地，唔瞓啦...

安仔安樂窩安心睡

安仔：呢個乜東東？

媽媽：特登買畀你架！今朝你同傳心師講，想要一個可以安睡既窩，
媽媽放工買架！

媽媽：係啦，就係咁啦~~

安仔：ZZZZZ

有少少食慾

媽媽：Gooloo少爺今朝精神咗啲喎，主動走出廳曬太陽~~
Gooloo：好咗少少....

媽媽：你今朝未有胃口，夜晚呢？食少少好唔好？

Gooloo：唔.......勉強食咗少少肉醬........
媽媽：叻仔！
明天再食多啲！
今晚再打少少水，明天應該好番哂！
加油呀！

Gooloo脫水

媽媽：Gooloo少爺，你真係好病啊~~~
尋晚仲好地地有出來廳行，但今朝匿在牀下底，
摸下你仲成身脫水~~

即時幫你打咗皮下水，
放工回來再打，應該加埋超過100毫升了~~

Gooloo打水最乖，鍚哂你~~

吃點肉醬吧！
無胃口？
媽媽餵你.....

吃完兩條肉醬，精神咗~~
媽媽見你剛才屙尿係少少粉紅色，可能尿道炎呀~~
媽媽明天丄盡快幫你book獸醫啦.....

頌鉢

終於上了頌鉢堂~~
好貴的頌鉢，
唔捨得買，
空手而回

少爺無胃口

媽媽：Gooloo少爺忽然無胃口？唔舒服嗎？唔好嚇我.....

前晚都無事架？
媽媽幫你reiki下，好好休息下，快啲好番呀！

爛pat強

託媽：細路大得快，增重靠食力！

拿，今日打第一支預防針，
下星期出領養日，醒醒定定呀爛Pat強！
波比：其實我叫bobby~~

休息

媽媽：捱到星期五，終於可以休息吓。見到你哋咁歎，
我，又要歎埋一份~~
小風：埋黎啦埋黎啦~~

小健：無位啦.......

歎

今日新飯桌送到~~

住院往到咁歎，都無乜幾多個咯！
ps. 放工時診所VA哥哥打來話生肉糧食淨一件，
嘩，你個大胃王吖！
明天生肉糧速遞送到！

軟淋淋VetBed

有VetBed~~

軟淋淋

唔怕硬繃繃的不鏽剛牀拉，唔會銀親屁股仔啦~~

cushion貓狗都咁愛

蘇菲：呢個cushion幾好瞓~~

小健：兩個cushion加埋更好枕~~

個個都讚

媽媽：珠女，同大家Say hi~~
珠女：hi，everybody，我好好呀！
我由手術前到手術後，日日好胃口又精靈，
無論係獸醫助護、嬸嬸經過，我都會喵佢哋，
撩人傾偈。
診所個個都好鍚我，
我好受歡迎，
個個都讚我叻女呀！

順利完成手術

媽媽：尋日肥糖啲血好勁，令你今朝血紅素上升至21%，血小板都回復至正常~
不過施醫生話要吊注鹽水及輸住血做手術先安全，
於是媽媽仆去佐敦天心買血包，
同一時間東九龍診所送你到西九龍診所做手術！手術前影低呢張相，唔知會否變成遺照~~

好彩，順利完成手術，送番你回東九龍，精靈得你吖？
做截肢手術的董醫生好叻，竟然可以幫你將

梅梅爛爛充滿細菌的皮膚

縫合，
即是所有傷口都縫合，
好犀利！
珠女你要繼續加油，
傷口唔好爆！傷口唔好爆！
傷口唔好爆！
傷口唔好爆！

珠女叩謝捐血勇貓

勇貓糖糖今天來捐血~~

珠女叩謝！

珠女入院

媽媽：尋日朝莊醫生通知白血病報告出咗，Negative，珠女無白血病，好嘢！
另外擴大抗生素的報告亦出咗，有多兩種抗生素可用！
以為已入直路，點解珠女你又要咁樣嚇我>>>>
急送你入院，血色素低至12%，要輸血.......

安心

主子們安心睡覺，媽媽安心番工~

出爪

今日我條褲仔係藍色，換咗新Cushion~~

不過我已經坐到好悶，唔想再坐cushion~~

媽媽：珠女今晚好曳呀，洗傷口時又咬又出爪.........
哼，無良心！