以愛迎接2020

除夕夜，在慈山寺~~

藉此蓮花燈，祝願大家平安，
願我的家人、朋友、香港人都被愛包圍，
有慈悲的心，
有堅毅的意志，
迎向2020！

暖牀

媽媽：陳小威，乜咁乖？
小威：我幫你瞓暖張牀嘛~~
媽媽：有無在牀尿尿？
小威：你自己檢查.....
媽媽：.........

爛pat強勇闖昂坪

完成心絲蟲療程

媽媽：大妹乖，尋日同今日打埋最後兩枝殺心絲蟲針，
un都無un一聲，叻女！
知你打完痛痛，回家時行路同上樓梯都步步為營咁....
尋晚都今晚都無食糧，
希望你明早好似今日咁，食番足尋晚食少咗既份量！
之後休息6至8星期，到時已經係二月中至尾，天氣可能回暖，
到時先操山，唔知可以行到幾多次呢？

馬騮貓

第一篤屎

媽媽：金仔今日好精靈喎！
尋晚放低兜乾糧食哂咁滯，
砂盤仲有一篤屎，好叻啊，
手術後仲於有第一篤屎啦！
放心哂~~

臭腳

媽媽：哎唷，邊個畀臭腳小威食？
小威：無事，保暖啫~~

平安

今日平安夜，係我金仔第一個在陳家過的平安夜~~
雖然肚肚有條10厘米長的傷口，
不過今日都OK精神，早飯自己食咗少少乾糧,
夜晚全家貓吃平安罐，
不過放在面前我都無食，
要媽媽針筒餵Recovery~~
今日我好平安！
祝大家包括街上所有動物都平安
聖誕快樂~~

手手

金仔手術後第3日

傷口

今天媽媽我才看到金仔的傷口~~

醫生縫得好好啊！

金仔出院

媽媽：出院回家啦~~

幫你預備新牀仔，有得〝浪〞頭仔~~

鼻仔磨到損哂啊.....

金仔叻，逐啲逐啲咁食少少處方乾糧~~
好好休息啦！

手術完成

金仔做完手術都幾精神喎，眼仔碌碌~~

點解你會在小腸生出一個瘤架.....仲黐住大腸添....

莊生盡力幫你切清，送去做切片化驗....
仲有另一個大瘤係淋巴瘤，都送去化驗...同埋要種菌呀.....
希望無惡性細胞在內啦！

金仔加油

媽媽：金仔好叻，尋日至今晚三餐都有主動食，
雖然食量不及往日，但媽媽知你好努力食。
得到在天堂的鄧小姐保佑，
有好多善心人資助你醫療費，你好有福氣。
今晚早啲瞓，等明天有足夠精神體力迎接手術！

有得做手術

我都話唔駛擔心我金仔啦！
今日莊醫生通知媽媽，前日在我肚入面兩個腫瘤抽七個組織樣本化驗報告無發現癌細胞，
咁係咩呢？
之咪係發炎組織及肥膏（肥金有肥膏好正常），
不過唔排除癌症因為有機會抽唔中。
假如只係囊腫但生到4cm同3cm咁大亦不尋常，
而發炎囊腫有機會爆，
咁到時我就腹膜炎有生命危險，所以及早做手術切走化驗。
由於唔知有冇痴住腸道及器官所以手術難度高丶有風險，但有得做就一定做。
媽媽幫我book咗星期五朝做手術，仲要插埋餵食喉驚我唔食嘢同方便餵藥喎！
之後留院四五日。醫療費預計＄15000！
好啦，我今晚好好地瞓，明日好好地食，
預備星期五手術啦！

唔好搞我

媽媽：金少爺，唔好匿埋好唔好？出來行下好唔好？
金仔：唔好搞我，好唔好？
媽媽：好啦日頭唔搞你啦，但夜晚一樣要餵你食嘢同打水，好唔好？

(好彩夜晚同樣成功打咗80cc水及餵咗40cc recovery，叻仔！)

金仔見醫生

金仔呢幾日無胃口，開飯時明明好有興趣埋位，
但無論兜糧係乾係濕係生肉係肉醬定係湯包，
們只係吃少少~~

今日要見獸醫啦，莊醫生摸到你肚肚有凹凸不平物體懷疑腎多囊，
要照超聲波睇下~~

驗血結果唔差，係有少少貧血~~

其他肝腎指數都正常~~

但超聲波就發現腹腔兩個腫瘤，不是腎腫臟，
大果個有3x4cm~~

睇落係一啲唔好的組織~~

相信係惡性~

細果個都有1.5x3cm~
醫生抽咗組織去驗，如果係淋巴癌就屬好，因為可以化療，
如係其他惡性細胞，都不建議手術，
因為家陣已發現有兩個，可能有其他細，或細胞已擴散至其他位置，
做手術都無用~~
 不過唔緊要啦，無論細果如何，我哋都以生活質素為大前提！
一切就由上天安排吧！

別惹我！

平安

今日慈心會今學期最後一課，願香港平安~~

入屋

媽媽：珠女好醒喎，醒得放對手入去，但個身呢？腳呢？~~

珠女：咩Jack？我仲識成個身入哂去呀~~

到埗一個月

迪蘇媽：榕樹小弟，聽管理員叔叔講，原來你一個月前到埗，
上次來，正是你剛到，落地生根不久！
你要食多啲嘢，快高長大啊！
榕樹小弟：我唔食嘢架，要落多啲先啱呀！
迪蘇媽：係喎！希望下次見你又長高長大幾分啊.....

回暖

媽媽：好凍咩？明明已經回暖喎.....
肥綿：堅持唔走！

沒有二噁英的彭福

小克回家了

小克今朝媽媽花咗好多時間拆走花花上的鐵線、膠紙，
搞到無時間同你傾偈，就要送你入爐~~

不過媽媽感覺到小克正笑咪咪的望住媽媽~~

回到大家庭~~~
快點習慣彩虹橋生活，學習學習啊~~

大細妹黃昏walk

風乾雞片任吃派對

圍爐等吃

媽媽：你哋駛唔駛眼勵勵咁勵任住我？！
Gooloo：有咩？

Catmas tree

起身啦~~

(14度的早上)
起身啦，天光啦~~
大家願意起身嗎？
.................................
噢，咁瞓多陣吧~~

吸貓神器

舊吸貓神器已經被貓尿攻陷，早幾日一着就全屋散播尿味，想死！
好彩即刻上hktv mall搵到同款仲平咗，陳列品只係5百幾蚊！
今日到咗啦，吸貓神器在16度的晚上開動了~~~

爛pat強，四圍盪

Sunday afternoon~~

久違了的聖誕樹～

小克的來歷

或許媽媽有太多孩子要照顧，漸漸淡忘小克的來歷~~
小克是隔鄰婆婆的貓所生，是長尾的兒子吧，
相簿記錄是2011年8月，那時長尾生了五六個仔女，其中三隻黑咪。由於同事先領養一隻黑咪，我就帶了一隻健康的給她；
小克當時眼發炎，也就一併帶回家先清潔和照顧，

經過治療，滴眼藥水後，眼睛漸漸康復~~

然後，就成了我家一份子咯~~

淘氣的小克會跳上門頂，像隻僵師仔！
感謝小克成為我家可愛的黑咪！
愛你！

最乖的小健

小健是最乖的孩子，
迪奇哥哥病重時，小健一直陪伴、照顧，
昨晚小克出發往彩虹橋，小健也一直倍伴小克的軀體~~
小健，感謝你！

別了，小克

媽媽知到小克好攰了，快要上彩虹橋會合兄弟了~~

你安心休息，我知道小寶在守護大家，陪伴要上彩虹橋的兄弟~~

以為小克還有一些日子，沒想到今天回家到處找你，
竟發現你在櫃內的砂盤中，靜悄悄地上彩虹橋了....
對不起小克，我知道這刻你的靈魂正在分裂中，
不應打擾你的軀體，但我必須抹乾你身上的砂及便溺~~
安頓好後，小健靜靜的陪伴你。
小克請安心奔向彩虹橋，小寶會引領你，做你的嚮導！
你先和大家會合，
媽媽完成生命任務，就會與大家重聚！
小克保重呀！

天氣涼了

天氣又涼了，小虎唔願起牀~~ 

呢班友仔又賴牀~~

起身啦喂~~~

早上曬太陽身體好呀~~

3條9

walk大細妹好易，加埋呢條爛亂衝亂接寧願勒死都要搶繩的pat強就麻L煩！
下次都係要單獨放！

打第一枝針

今朝真係驚驚，早飯未食就畀媽媽車咗出去診所~~~打針
係心絲蟲第一枝針，
打完仲有留响診所以免有任何不良反應~~
夜晚食埋triheart，今日任務完成！
明天要開始食類固醇添~~~