進步中

媽媽：小雨，今日精神好啲啦~~
小雨：好啲啦，口無咁痛~
媽媽：你呀做乜畀MOUSSE糧你lam少少呀，係要食乾糧咬到咯咯聲，
唔牙痛咩？
小雨：乾糧好味啲~~

媽媽：好啦今日食咗止痛糖漿同朱古力，打埋水，好好休息，明天起身又會好啲~~
good night~~

小雨牙患

媽媽：小雨，今日洗牙剶牙切埋左邊牙肉瘤，媽媽會努力同你REIKI，要快啲好番！

尋日的驗血報告，無腎病，但左邊牙肉瘤比較大機會在惡性的鱗狀細胞瘤~~

有爛牙及牙肉發炎搞到你食得差而貧血又白血球高~~

希望今日脫爛牙後，加上朱古力治傷風，快快快好番！
在望下星期的化驗報告有正面好消息！

王子

王子，得閒出來大廳坐坐吧~~
快融入大家庭生活，唔好做孤獨精！

高咗

媽媽：咦，乜蘇菲條裙邊開得咁高？
下次幫你開番低啲先...
媽媽手藝有待改進呀...

熱

是日氣溫35度，除咗開住冷氣瞓覺，任何事都不宜做~~

靜宜瞓得好冧啊~

我蘇菲今日都唔出街，以免中暑~~

大家各據一方瞓覺，爽~~

粗眉

熱天，毛毛好似長得得別快，所以今日媽媽又動手同我鏟毛~~
但係呢，堂眉好似粗咗啲，唔夠清秀~~

媽媽：唔，好似太厚，明天再執執~~

屎面

肥綿：做乜影我？

媽媽：睇下你係唔係keep住屎面？
肥綿：啍....

草草

草草，點解你咁可愛架？

五月艷陽天

去年大約這段時間，迪奇像是油盡燈枯，感覺到就要離開，請陳老師傳心及做定祝福，
讓他在滿滿的愛包圍下，安心上彩虹橋。
點知，迪奇以無比的毅力生存下來，多活了八個月才於今年二月二日正式完成生命任務，
奔向彩虹橋~~
今天迪奇在彩虹橋應該休息完，
好好學習中。
在陽光燦爛的五月艷陽天，迪奇，你好嗎？

豹仙人

今日係佛誕，貓仙人繼續做佛系貓，潛心修練~~

好熱呀

好熱呀，今日酷熱天氣警告兼最高34度，我蘇菲已經成6點先出動，點解都咁熱架？
索哂氣，伸哂脷，唔得啦我，响沙灘唔夠5分鐘要回家歎冷氣~~

肥貓一家

肥貓爸爸，有無咁懶呀你，兩隻腳唔跨哂過去就咁飲~~~

家姐草草乘啊，愈坐愈近我~~~

草草妹妹更叻，成日唬實我有咩食，大膽呀你！

三寶開始新生活

媽媽：三寶，從今天起，你就同你親生媽媽、姐姐同細佬一家團聚啦。
自然二寶上彩虹橋後，你開始被其他貓蝦，要匿埋櫃底。
之後為咗安全，送你入房同小咪一齊住，但你都係匿在衣櫃~~
好彩Dorcas姨姨領養埋你，咁你同親生媽媽姐姐細佬一家團聚啦~~

呢個雙雙係你哋大大大家姐，同你媽媽同輩，佢fee下你都正常~~
你需要時間適應，唔駛驚，新媽媽Dorcas會好鍚你架！安心開始新生活啊~~

兩兄弟

媽媽：乜你兩兄弟又老友呀？
小威：我鍾意gooloo哥哥~~
gooloo：呢條靚仔都幾乖~~

今晚無飯食

花花草草

從花檔救回來的花花,經過咗近半年適應，終於樣大膽離開安全區~~貓籠，走出大廳同他貓一齊生活~~

草草都幾叻，在第二層~~
小威你要叻叻照顧呢個妹妹，佢當你差不多大~~
小威：我係細佬，全屋最細係我！
不過我都會照顧佢既！

要抱抱

媽媽：妳煩呀你，熱辣辣黐住哂~~
寶寶：我愛媽媽抱抱~

小健愛靜

媽媽：小健做乜成日入房？是否大廳無左迪奇哥哥，無心機在大廳玩~~
小健：房入面清靜啲，我鍾意清靜~~

母親節

今日竟然無尋日咁熱，早咗出去~~

今日係母親節，祝天下媽媽母親節快樂~~

屋企貓貓都要乘啲！

好多蚊

尋日仲全日落雨，媽媽仲驚咁涼仲三條毛會冷親我蘇菲，點知今日熱到呢.......黃昏先出動~~

今日差不多六點先到長徑沙灘，日落啦，好鬼多蚊呀~~

不過就舒服有涼風~~

嘩但實在太多蚊太多嘢咬....等埋日落就歸家歎冷氣.....

幾多隻貓？

究竟有幾多隻貓？

佛系綿

佛系綿
不活動，不跳躍，不奔跑.....
只管食
緣份來了自然瘦~~

蘇菲有好多藥

滴耳藥、抗生素、抗真菌藥、抗生素眼膏~~ 

蘇菲諗住同你去新港城獸醫診所搵Dr. Dorothy眼皮膚，點知耳仔、眼都有發炎啊！

媽媽真係對你唔住，無留意到耳仔同眼添！
今日開始用藥，明天得閒同你沖三條毛，好快好番！

遵命

因為我蘇菲要枕住瞓，媽媽唔準郁~~
媽媽：遵命！

小威與Gooloo

你哋兩個最近做乜咁老友？

去遊行

都話媽媽今日去咗遊行啦~~

佢有餅餅吃~

我蘇菲同細佬妹當然在家歎冷氣啦~~

小露好乖，以前陪迪奇哥哥，衣家陪我....
媽媽快啲番，等你開飯~~

長徑到渡頭

今日天陰陰，媽媽頭赤赤，但點都要出來行下，因為媽媽明天要去遊行啊~~

今日長徑石灘果邊無乜人，媽媽抱着我我行行行過渡頭灣，呢邊好熱鬧~~

陰天中有耶蘇光~~

其實對面係慈山觀音~~

呢邊沙幼少少，唔會拮住屁股~~
坐一陣就回家，輪到大細妹行咯~~