小雲回家了

小雲叻女，Keep住靚樣，火化完跟媽媽番屋企啦~~

你睇你幾神氣~~

回家同哥哥姐姐一齊啦~~

仲有PAVC寄來的慰問咭~~
小雲你慢慢休息，三星期後Brenda姨姨找你傾偈，有咩想同媽媽講，詳情講啦......

今日去泥涌

今日黃昏到泥涌~~

出奇地竟然無人遊人~~

仲以為好多父親帶仔女來掘蜆、學生影相，點知~~

遊人好少，好清靜呀~~

我我蘇菲可以影靚相~~

沙龍yeah~~

食多啲

媽媽：陳小威，點解你食極都係咁細粒，食多啲，重啲大隻啲得唔得？
小威：我食好多架啦，.唔知典型唔多長肉......
媽媽：快啲變大隻啦，大隻夠壯先可以絕育架！
家陣成九個月大啦，都係得1.9kg，加油呀，食多啲呀！

髀霸

Gooloo：媽媽我霸先架，行開呀你！

Gooloo：大髀係我的！

食極都咁細粒

媽媽：陳小威，方才捉你發覺好墜手喎！

唓，原來自係得1.9kg。
乜食極都唔多長肉，養極都咁細粒架你~~~~

蘇菲磨爪？

王子的屎面

媽媽：有人問候你喎王子，畀個靚樣來啦，唔要屎面呀......

王子：我是咁的，永遠屎面！哼！

莫負好陽光

好好陽光呀~~

今日我蘇菲陪媽媽來石灘散心，媽媽要開心番呀~~

小雲畢業了

今早數到診所VA電話，知道小雲情況轉差，血指數HCT跌到得8%，血壓低，體溫低，媽媽即刻趕來睇你。
來到見小雲在暖窩中安睡~~

小雲好叻，你已經完成貓生任務，係時候休息，彩虹橋上有迪奇哥哥為你引路，仲有二寶同小寶，好多哥哥細佬陪伴架！
你放心飛去吧~~

*小雲由我112點半到至2點25分期間大聲喵好多次，媽媽知道你要回家，正等醫生幫我哋辦好出院手續。在喵下，休息下，期後小雲數度企起身，想衝出去，然後又軟下來。
最後小雲伸長頸向天吸了幾口氣，媽媽知道你要走了，放心去吧。
小雲最終2點25分吞下最後一口氣，奔向彩虹橋。

媽媽知道小雲要回家，見一見細佬妹，讓牠們給你告別。

在在最後的這一個多小時，嘉嘉一直陪伴，原來嘉嘉妹妹一直當小雲係大家姐！
小雲真係叻！
小雲細細隻但好好揪，勁啊！
媽媽給你約了下星期日朝早火化，之後就回家啦！

我要番屋企

小雲：我要番屋企呀！
（小雲好叻，吞哂媽媽灌食的糧，good girl！）

小雲病了

媽媽：小雲你從星期日起無乜胃口，只lam咗少少mousse糧，呢兩日都完全唔食，今日要見醫生檢查啦~~

唉，腎指數滿江紅，bun超標到讀唔到~~~

貧血又白血球高，小雲你除咗腎衰竭，仲有發生咩事呀？唔好fip呀....

馬鞍山新港城的獸醫dr. dorothy話要留院，佢哋無24小時，我哋出太平道見dr. karen啦~~

下午醫生同你做咗超聲波，肝附近有陰影，有腹水，腹水有血呀.....
不過小雲乖，食哂媽媽今晚餵的糧。
你要加油呀，有媽媽同媽媽的同事一齊同你做reiki，你要爭氣，我哋爭取回家！
一齊努力！

進步

媽媽：安仔打水好乖~~
但食藥唔太乖，有時會吐出來~~

媽媽：今日dr. karen打咗電話來，你驗尿報告無菌，唔駛加藥。
拿，你再醒醒定定忍耐一下，希望兩星期後覆診驗血指數好，
咁就安排剶牙。
剶咗牙，希望可以徹底解決口腔炎啦！
仲有仲有，只係短短六日，你體重由3.45上升至3.65kg，繼續加油，上番4.5kg以上呀！

小威叻唔叻？

小威：媽媽，我叻唔叻？
媽媽：..............>,<

媽媽：我係話我跳上紙箱叻唔叻，啲水水，唔係我推跌架！
媽媽：.................

8歲烏嘴

媽媽：8年前今日新港城垃圾房出世，你知道嗎？
烏嘴：我記得！
媽媽：生日快樂，大個仔，生性呀唔該你，唔好再蝦貓！
烏嘴：我試下咯....

石灘散步

今日起身就落大雨，以為無得出石灘散，點知下午好好天，不過出來到又已經陰天~~

不過都好好呀，唔曬~~

我前面個大心水乙水，係剛被人掘蜆掘成的~~

今日只係咗一陣，一來怕落雨，二來回家睇小雲。小雲唔舒服呀....

大細妹刨毛

開會？

媽媽：夜媽媽，你哋開會呀？
樂樂：無呀，我哋討論下邊個係兇手之嘛......
媽媽：咁估到未？
樂樂：你睇我哋一臉茫然就知.....未啦.....

安仔加油

媽媽：安你唔駛驚到鼻都紅哂，今日等dr. karen同你剶牙，解決一路困擾你的口腔炎~~

安仔：啊，我無剝到牙既？

媽媽：唉，安仔你驗血指數唔好呀，有貧血，白血球又高~~
最大件事係肌酸肝高咗呀，腎衰竭三期啊~~

球蛋白有少少高，發炎嘛~~
安仔唔乖，腎衰竭一樣可以過有質素的生活，今晚乖乖吃藥，都係少少腸胃抗生素同類固醇治口腔炎先~~
今日在醫院吊咗水，咁我明天開始幫你打水。
又要過每天餵藥、打水的日子了...
安仔我哋一齊加油啊~~

換埋

今晚到呢盞~~

經過尋晚經驗，今晚好快就拆到個殼~~

舊的led燈設計複雜安裝又煩~~

新的圓形排列兼係磁石，一貼就吸實金屬盆，上番燈罩，yeah~~

壞燈

夜晚七點幾黑蚊蚊，燈又唔着呀~~

原來呢兩盞燈係2010年買，黃燈都壞了，細呢盞少咗黃燈還可以，但大果盞尋日都壞埋黃燈，要換led燈啊~~

幾經辛苦先拆到燈罩，仲有好辛苦先拆到呢四排燈仔去照住買......哎呀，辛苦死我啦.....