春天來了

春天來了，好熱呀~~

回暖

天氣回暖~~

是時候收起Vetbed了~~

去年今天

去年今天，有行行，有迪奇，幸福~~

百二蚊

今日趁早上shopping，呢度全部只係$120！
一抬入屋，貓貓就係做安檢~~

我出街啦，你哋幫我好好睇實呀！

熊豬仔生日會

一年一度熊豬仔生日會，老友狗狗又見面啦！

每過一年都會少一兩位成員，令大家更珍惜能夠聚頭的機會。
祝熊豬生日快樂，大家身體健康~

少少凍

凍少少啫，就係咁~~

15歲

今日係迪奇15歲生日呀！雖然你在彩虹橋係無時間概念，回復永遠年輕狀態，但容許媽媽同你講聲，生日快樂呀！

照顧蘇菲

六日假放完，媽媽今日番工啦！見到你哋咁乖幫我守護蘇菲，多謝你哋呀！

假期最後一天

尋日，媽媽本來想同我蘇菲去彭福，點知停車場大排長龍，有四十、五十架車咁多~~咁我哋當然唔排，轉戰沙灘啦~~

陽光好好呀~~

今日，係媽媽假期最後一天，以為公眾假期已完結，彭福應該無乜人，點知，車場都係要排隊，好彩只係排幾架啫~~

今日間中有陽光，有啲熱，好彩坐咗一陣有涼風~~~

蘇菲回家後，到大細妹出來啦~~~
媽媽本來想去彭福第二場，但我哋離開時仍然有車排隊入，咁大細妹不如出後灘跑仲實際~~
假期完結，媽媽又要番工搏殺。媽媽加油啊！

小寶給媽媽的話

                                                      小寶給媽媽的話：
我愛你我愛你我愛你🎵🎶（一輪嘴，後來還唱起來）媽媽我愛你，我永遠愛你，你要靚靚🎵🎶，永遠靚靚🎵🎶，我最靚靚嘅媽媽，我哋最靚靚嘅媽媽🎵🎶🎵🎶

我哋 全～部～（強調）依家好好，請母親大人放大大個心，唔該晚上睡得好，早啲上床瞓，唔好再諗諗下又喊，一喊就起身洗個面，立即去訓番，要有紀律，咁先可以完全擺脫陰影，加油加油！ （一輪嘴，背書咁背出來）

呢度冇時間限制嘅concept 嘅，所以我嘅「個多月」同迪奇伯伯嘅「冇耐」都係冇分別，我哋喺依度大家一視同仁、好相親相愛的，媽媽放心！放心！

咁媽媽可以自己同我傾計，多啲同我傾吓計吖，我鍾意聽到你把聲，而且我掛住你呀媽媽.......

小寶的教誨

恭喜發財呀，我小寶又番來同大家拜年啦。
當然亦要同媽媽拜年啦！其實小寶幾日前已經同媽媽講咗好多說話（11-2-2018），媽媽要乖乖聽小寶話啊：

媽媽最需要知道嘅係，忙，會忙壞身子，你就嚟冧偈啦，你真係真係認真啲去安排自己休息嘅時間啦
⋯⋯
媽媽你要堅強，繼續靚靚喔（指保持自己精神）

返屋企探媽媽，見到媽媽睡覺時在哭，小寶感到好難過⋯但媽媽，唔緊要架，你只要睇吓，你身邊仲有好多動物，個個都咁愛你，亦會擔心你傷心，所以你要抖擻精神、睇開啲，分離嘅嘢，好短暫啫，第日大家又會重聚的，放心！你先養好身子........你的笑容幾咁燦爛幾吸引人你知唔知啊？收拾心情，真心去笑返！媽媽， I love you !

初二去彭福

好凍呀今朝，當媽媽抱我上車時我蘇菲即變震震狗，好彩媽媽即姐番上樓拎咗兩件衫。咁着一件啦....毛毛雨啫，都夠保暖.....

今朝彭福好大風，又凍，搞到我蘇菲無哂mode~~
坐咗個零鐘就出去食飯然後歸家啦~~

但真係人算不如天算，食食下飯太陽伯伯出來了，於是我地趕回彭福~~

好好太陽，好溫暖啊~~
我蘇菲最鍾意同迪奇哥哥一齊跑彭福，呢度有我哋最美好的回憶。
迪奇哥哥，下次蘇菲跑彭福，你要來陪我啊~~

初一去沙灘

大年初一，我蘇菲又來沙灘呀~~

媽媽今日全日休息，又瞓晏覺，到黃昏先同我蘇菲出來，其實，我當時都瞓緊覺架。媽媽叫到，好啦，陪佢出來散下步啦~~

我蘇菲雖然睇唔到嘢，但在我熟番既地方聞下聞下散下心，我做得到架！我都好享受架！
祝大家新年進步，身體健康，.事事如意啊~~~

迪蘇陪伴過年

七年前，迪蘇黐住瞓，做媽媽的都要黐埋一份~~
今天雖然迪奇上了彩虹橋，但仍在媽媽心中。
年卅晚，迪蘇仍然和我一起過~~

還有好多貓貓~~

媽媽好累，讓我休息一下才大掃除吧~~

群貓照顧蘇菲

媽媽：蘇菲做乜呢挑咁鍾意上牀？
蘇菲：呢度暖啲~~
媽媽：但你要小心，你睇唔到嘢，上牀容易落牀難呀，小心跌親呀~~
蘇菲：我會小心~~ 

媽媽：大家乖，自從迪奇伯伯上彩虹橋後，個個都幫我照顧蘇菲~~

陪住蘇菲瞓~~

媽媽：好鍚迪奇伯伯既小露，靠你啦~~

小寶的彩虹橋生活

我小寶番來fb啦，有無掛住我呀？我响彩虹橋好好呀，呢度好溫暖，有好多好多同伴，當然有行行二寶仲有群貓會好多老友記。
呢度有好多好多好味食物。有無魚魚？有呀，不過我唔會食魚啦，因為在彩虹橋，魚魚係朋友呀！
我在彩虹橋已經settle down，每日要上堂，學習點樣利用我哋既才能去令呢個世界更美好！群貓會啲同伴呢，有啲去咗遊歷，做山呀，做水呀，做樹呀，做雲呀咁，好多都未投胎去下一世。我哋想休息吓嘛！
媽媽你放心呀，小寶過得很好，你照顧好自己得啦！l love u~~鍚鍚鍚鍚鍚~~~~

快樂掌門狗

我迪奇今天回家啦， 軀體已化成灰燼，大家記住我呢個靚仔樣呀！
事實上我在彩虹橋已經變番年輕有活動，唔再係以前既迪奇伯伯，衣家我係迪奇BB呀！

我會在彩虹橋好好習，之後回來做管家，繼續做快樂掌門狗！

迪蘇的足跡

好靚的落黃昏~~

迪奇同蘇菲好鍾意呢度散步，呢度有我哋熟悉的氣味~~

蘇菲就算一個狗來，迪奇哥哥都永遠在你身邊架~~
呢度永遠都有迪蘇的足跡~~

回憶總是美好的3

今日fb又彈出呢張08年舊相，有已減肥的sa sa、ming boy，毛茸茸的迪奇與蘇菲，往昔，就是這麼美好~~

有新cam啦！

終於搞掂啦，以為你哋咪再曳，我會大聲喝止！
之前果個重set wifi密碼後connect唔到，番咗工無得睇實你地，衣家裝番350 smart cam，你哋一一舉一動在我掌握內！