明天會更好

2018最後一天，不堪回首。希望明天會更好！
大細妹，因為乾糧未到，這兩天有有機雞伴番薯。這一年對你們來說，應該很好吧！

慈慈，愛你

慈慈累了，今朝2時33分，在沒有爭扎痛苦，在肥綿和仔仔寶寶陪伴下，奔向彩虹橋~~
慈慈，媽媽聽到你臨離開刖一直叫住媽媽、媽媽！
媽媽知道的，這刻你或許不捨，但他日我哋會再相聚的。
慈慈，愛你！
你是2018年第六個離開媽媽的孩子！提早畢業，不是壞事，上彩虹橋先上找迪奇同行行玩下先~~
我們會相聚的！

慈慈加油

星期五，慈慈拒絕進食，行路腳軟軟，餵咗少少雞肉糊你，將你放到陽光下暖一暖~~

今日見Dr. Dorothy~~

嚴重貧血，白血球高，一直擔心慈慈你真係fip~~

但係今次驗血的ALB/GLOB比例係0.4，少於0.4就有25%機會係FIP，上次係0.3，所以醫生認為不是FIP；
同時間，肝腎指數極高，腎指數高到讀唔到，原來慈慈悄悄已到腎衰末期~~
睇番之前驗血報告及病歷,醫生認為你有肝病，因而影響腎~~
雖然你狀況唔藥觀，但對於唔係FIP，媽媽反而覺得有希望~~
醫生即時叮咗造血針，補鐵針，回家給你餵了混雞味糊仔的降磷藥和類固醇，打了幾十CC皮下水~~

媽媽想你好好休息，你衣然起身自己去尿尿~~

抱你上番梳化暖墊瞓，你仍有力撐起身。
慈慈，媽媽和你一齊加油！

妖，死肥綿

媽媽：肥綿你太可惡啦，尋日半夜整甩罩，原本收細尾指頭咁細既傷口又抓到傷一大片~~

功虧一簣呀！

太過份，又要重新再來！
妖~~~

番工

蘇菲：媽媽你番工勒？
媽媽：係啊，放咗五日假，今日要番工啦！
你哋乖乖地，唔好整到屋企咁亂、咁臭，我番來就唔駛咁辛苦.....

好陽光

今日超好天呀，咁好陽光，有有風，無理由唔早啲出後灘~~ 

真係又暖又清涼啊~~
不過媽媽驚石灘污糟，我蘇菲就係上次坐石灘後屙血尿，所以~~
好快帶咗我去131對出的草地，不過今日有婚禮，坐低一陣畀姐姐請走....
吁~~都係回沙灘~~上的石壆散步吧~~

測試暖爐

testing testing，今早只係開暖爐測試是否正常，
以為今個星期尾氣溫下降至11度會凍親你哋嘛~~
一開唔夠半分鐘就個個埋位，證明仍正常操作。
之但係，今早成20度啊！

平安魚柳

MeowyXmas，聖誕魚柳餐.....又到聖誕，又到聖誕~~

轉位

媽媽：王子有進步喎，識得移位？
王子：轉換下環境嘛~~

媽媽：呢度又好啲咩？
王子：安全嘛！

老狗街坊

今日媽媽同我去散步，後面除咗白色poodle後生啲之外，全都係老友狗狗，左邊唐唐同我一樣13歲，後面husky 16歲，剛才遇見的金毛有17歲，個個都好叻呀！
原來井頭村係老狗村~~~

絕招對付

肥綿你好乞人憎，掉轉戴頭罩都抓到咁，激死！

唯有用傳統包紥方法！

未再搲呀！

就好番，加油！

媽媽：肥綿唔好嬲豬樣啦，頸頸已經好番哂，等背脊個五蚊銀咁大傷口好埋，就可以除罩啦！
加油呀！

要習慣

媽媽：喂，王子，好嘢喎，夠膽上梳化坐~~
王子：好驚被貓打走....
媽媽：要習慣呀，唔駛驚佢哋.......

上牀

今日暖暖地唔駛着衫，我蘇菲上牀瞓下先~

媽媽：們你未包尿片喎！
不過見你剛屙完，應該唔會漏尿住，你瞓陣先啦，夜啲先纜片~~

蘇菲吃貓糧

媽媽成日大頭蝦，唔記得將我口啲冰糧放落下格解凍，
好似尋日，我就要食住貓糧先啦！
不過都幾好，有半份貓用急凍肉糧，半分貓罐雞肉，仲有一條半花膠，夠哂營養呀！

黐爐

星期日，我以為我賴牀唔起身啫，點解你哋都係黐實暖爐唔離開半步呀？

真係回暖

嘩，今日暖番好多，媽媽幫我蘇菲除咗衫~~

仲沖埋涼，今晚仲話唔開暖爐啊........真唔真呢？

搶位

喂喂，我只係坐底上個網啫，你哋三個駛唔駛咁快霸位呀？好痹呀.....

少少回暖

捱咗幾天寒，今日有番陽光，我小籠要好好曬下先~~

12度

12度的晚上：外面凍冰冰，室內暖笠笠~~

已經無奴才的位置了！

天氣回暖

今日好好天，滿天魚鱗雲~~

媽媽見天氣回暖，幫我除咗件衫，但係........我蘇菲覺得凍啊~~

媽媽都係幫我着番衫，到傍晚開埋暖爐，暖哂~~

王子討摸摸

貓奴只要有恒心，死八公王子也有被馴化的一天~~
現在才知有家有奴才駛喚昰福嗎？
王子：係我畀機會你侍奉我咋！奴才唔准停手，繼續摸....

補充骨膠原

尋日我蘇菲出門睇醫生，因為震騰騰，所以媽媽即刻買新衫~~

尋日照X光，意見發現我蘇菲好多骨刺，幾乎每個關節都有~~

其他位置就好好，無腎石無尿石~~

Dr. Dorothy建議媽媽幫我補充骨膠原，由於未買到，咁就食住花膠仔先~~

今晚食咗四隻~~Yeah~~

燒符

我蘇菲今朝去咗燒符呀！
媽媽話老人家得閒要燒下符先平安架！
話說星期二我去泥涌石灘散步時，好尿頻咁，屙好多次每次屙一兩滴，媽媽已經提高警覺~~
到尋日終於發現我屙血尿呀，屙到尾尾係鮮紅色架...
所以今朝一早九點就打電話Book睇醫生~~

Dr. Dorothy話我老人家不如驗下全血，你哋睇....大致都正常呀~~

我十三歲有咁既成績表已經好叻，果啲高咗少少既指數都係因為我有膀胱炎，尿入面有菌亦有血~~~
醫生已經拎咗尿去種菌，當然即刻開咗抗生素先~
仲有耳仔發炎，媽媽都幫我洗咗幾日耳，今日順便叫醫生睇埋，開咗殺菌消炎耳油~~
仲有照x ray，無腎石無尿石.....醫生同媽媽都讚我好叻呀~~
不過x光中就意外發現咗啲問題.....(待續)

格仔網新用法

格仔網;新用法：防貓入牀下底屙屎尿！

絕招

媽媽：今次仲唔治到你？！嘿嘿.....

永世唔好

媽媽：哎呀肥綿，咁都R到架~~

唔該你啦，唔好R啦，用過喇叭、花花咕臣、冷衫，都係R，咁永世都唔好啦！頂！

忽然有得玩

真係好，媽媽今日本來番咗工，但因為接到四電一腦回收商電話話來緊收芒，
咁媽媽就仆回來啦~~
其實佢番工時見咁好陽光，其實都好唔想番...
衣家可以大條道理回家~~帶我去散步~~

今日陽光真係超正，我哋唔去遠，泥涌石灘已經好好行，有草地有泥地有砂有石~~

我蘇菲雖然睇唔到嘢，但企一陣熟習下環境，就識得自己摸索行路~~

今日只有幾個遊人同放狗姐姐，之前打風時的垃圾都清理好，好乾淨~~
黎緊星期六氣溫下降兼落雨，到時唔知有無得出街散步咯~~