彩虹橋上的行行好忙....

媽媽搵舊相，搵到我五月時的萌照，我行行是否好可愛呢....
其實呢，上星期陳老師已經上彩虹橋探過我，佢一開口就話我肥咗好多喎.....
唓，咁我未上彩虹橋之前已經係肥仔嘜啦，係老師好耐無見我之嘛

老師問我响彩虹橋學習成點喎.....um....um....
其實我好忙架，我知要上堂，但去到新地方，要好好探索，又要玩，未有時間上堂嘛.......
我呢度有好多新朋友架.....
傾住咁多先，我去玩啦，陳老師得閒再來搵我啦......

幸福

小寶攬住媽媽安睡，媽媽覺得好幸福~~

見住你安好，生活就是幸福~~

又試新輪椅

小威：又要試新輪椅~~

小威：都係兩個轆在後面比較啱身，但前面個單轆咁低既？
託媽：我幫你升高佢！

託媽：影張相畀輪椅公司睇先！
再改下先！

未埋哂口

仲剩番少少，快啲再加油，快啲好番，咁就可以解禁出籠啦！

Gooloo：我都好想呀，住籠好悶架！
媽媽：咁你唔可以周身郁，屁股果位先快啲好嘛！乖呀，今個星期尾要生埋口呀，埋咗口就可以出籠啦！

暖日

今日好好陽光，好暖呀~~~

冬日回暖最好曬太陽~

夜晚呢....當然暖爐侍候~~

仲要一早擺定位啊~~~

暖爐

暖爐+vetbed=幸福

小威拉筋

肥貓回家了

肥貓今天回家啦~~ 

絕咗育，做咗剝牙手術，駛咗四千幾......

一家團聚，花花草草,你哋唔駛再驚驚啦......

二寶回家了

二寶，你喜歡這些玫瑰嗎？媽媽覺得好襯你啊~~

我們最後拖一次手後，你便要安心快快飛到彩虹橋報到，學做小天使呀~~

這時你BB時的相，由於你哋細個太似樣，最初選錯了三寶BB相呢，好彩媽媽最後都搵番你....

乖仔呀，上到彩虹橋就快樂地享受生活啦，行行話見到你個影呀，但未上到去！你上到去記得搵番行行一齊玩呀~~

一家貓在彩虹橋要相認，相親，相愛呀！

少少凍啫~~

只不過係涼少少啫，開個暖爐你哋歎下，但唔駛咁瘋狂的！

哎呀，唔好咁責住我啦.......

一家團聚

好咯，今朝一起身就收到細佬入籠消息，即刻接你回來一家團聚啦！
咁細隻，其實你哋兩個係女仔，係無？

好啦，今晚爸爸出發去愛協絕育，明晚回來。今晚你兩個乖乖瞓覺唔好叫啊，呢度唔會好似花檔咁凍，關好窗，暖暖的！安心睡覺啊！

又去救貓

大肥貓你好呀！
本來我發誓唔再接貓，要好好照顧家中毛孩，可是當我知道在花檔生活咗十幾年但無辜畀人投訢，入咗漁記籠後，我即刻去救你！
能夠活到十幾歲係福氣，可憐我家寶貝年紀輕輕便要做天使，所以我一定要救你！

我倆是有緣吧，我家鄰居伯伯收養了你的兒子，我又要熟手贖貓女士，花了兩三個鐘已經贖了你出來~~

今早去花店set籠救埋你個仔！~~入咗一個仲有一個~~
你哋安心瞓啦今晚，明晚義工來接你哋去剪耳絕育，做咗cccp貓就有免死金牌！
之後再幫你哋搵屋企~~

幸福就是這樣簡單

小寶：早晨呀！

媽媽：媽媽能夠睡醒便見到小寶在身旁~~

每天親親小寶，感覺幸福啊！

二寶小時候

二寶，媽媽搵番你細時的相，好可愛呀！

典解你咁多表情架！

你哋來我家好耐啦，睇番FB相簿，先記起原來你地係2013年8月15日8號風球(尤特)高掛時，在西貢對面海出生的浪貓。因為其中兩隻B被村民發現腳仔無咗截，因而救起送來我家，大家姐、細佬同媽媽一齊被領養,，你同三寶就一路在我家成長~~~
能夠有二寶一齊生活，媽媽覺得好幸福啊！

再見二寶

我的二寶今天傍晚已出發奔往彩虹橋，不用再吃藥，不用打水。慶幸今早出間前，媽媽抱過你，親過你！
雖然回家時你的身軀已冷，但我知你仍看着我們，仍看着這個家。雖然你有點不捨，但你知道要出發去下一站，很豁達，回望我們一眼後便嗖一聲飛上天！
二寶，媽媽愛你，彩虹橋再聚！

最乖貓

小寶除咗係全宇宙食藥最乖貓，仲係全宇宙打水最乖貓！

天氣涼了

好涼咩各位？留番少少位我瞓嘛唔該！

小寶今日叻仔啊，要我灌食兩日，今日又有番胃口可以自己食嘢啦！

二寶，我哋繼續加油，打手唔好爭扎好唔好？你阿媽我又拮親手啦....乖啦唔該.....

病兒安好

兩病兒，回家見到你地安好，感恩！

迪奇瘦小身軀着番衫，靚仔哂！

二寶你要加油呀！你得架，你會無事架！

二寶出院

媽媽：二寶唔駛擔心，媽媽同你一齊打仗！ 

超聲波無發現腫瘤，只係見到膽附近有炎，肝有少少發大，加上驗血指數膽指數高咗及有黃疸，吊水兩水日黃疸無退仲多左，懷疑fip~~

媽媽在網上看到了！希望唔係fip，fip無得得確診的！
二寶，有我同陳老師reiki，你會好起來的！
媽媽愛你，媽媽愛所有寶寶，愛陳家所有寶貝！

鍚鍚二寶

二寶唔好衝籠啊~~ 

二寶乖，希望明天退黃疸，腸消氣，可以順利照超聲波，可以順利回家。媽媽鍚鍚....

二寶入院

當小寶有番食慾，又到二寶睇醫生了！
最近突然暴瘦，有傷風，本來星期一已經Book咗以前太平道而家去咗npc的江醫生星期三，點知江醫生病了請了兩天假，今天才有得睇。一驗血，白血球高、紅血球低，好彩HCT都有20幾，未去到要輸血。
照X光，肺有少少花，但CATFLU唔會令你突然瘦成咁，仲有黃疸。
留低你照超聲波，可惜因為腸氣太多，阻礙視線，睇唔到內臟器官。
二寶乖，今晚乖乖在醫院吊鹽水，希望過兩日黃疸退，腸氣消散，可以照起起波！
加油呀二寶，媽媽一定會帶你回家的。今晚好好安睡，媽媽同陳老師都會同你做REIKI~~

小寶奇迹日

我小寶食唔落幾日，今日奇迹地有番胃口。媽媽，唔駛擔心我，我真係得架！

小寶叻叻叻

小寶呢兩日好叻仔啊，雖然食唔落，但知道要飲水~~ 

今日精神唔錯呀！

飲完水就回櫃瞓暖笠笠Modem，叻仔！

仲識去砂盤，叻叻叻，鍚鍚鍚~~