為食阿伯

迪奇：今日得咁少份量？唔夠食啊.....

媽媽：迪奇伯伯，你身子唔好，就唔好咁為食，尋晚趁我打掃時偷食垃圾桶的貓屎貓砂，食到今日仲頂住個胃，頭由發發下！
休息吓啦，今日食少啲呀！阿伯！

小威學企

禮物

登登登櫈，我小寶戴住既係呃like比賽禮物，係城中手織達人蓮媽親手編織，我靚仔嗎？

行行與小威

話說行行大師，除咗會照顧迪奇，仲會看守小威，同小威傾偈，你估傾乜呢？
小威話：行行哥哥話好耐無見過我咁細嘅BB，覺得我好duck意，我就好似佢細個咁，我就手手有事，佢就腳腳有事；叫我安心響度住，醒目啲就得勒，其他哥哥姐姐唔會睇小你，會當我係普通貓看待。

不過我就慘啲，唔可以好似佢咁爬樹、爬籠⋯⋯

8號風球

好

又8號風球，今朝好大風，嚇到貓到醒哂~~

颱風快啲走呀~~~

新吊墜

呢個生命之花原本係媽媽既~~

衣家畀咗我！保護我！戴咗之後感覺好暖，不過呢，有啲重咯........

捐西瓜

媽媽：迪奇，呢個消暑西瓜樹窿咁細個，你竟然捐得入？
迪奇：我瘦吖嘛....
媽媽：你唔瞓大樹窿？
迪奇：好臭啊....
媽媽：咁又係，畀貓屙尿屙到臭哂....
等我搵下買唔買到新架啦......

度身

今日有個物理治療師哥哥來探我，又用把尺度我手腳，身長~~~ 

然後寫寫寫.............託媽話，係幫我訂造輪椅，有咗輪椅，我就可以靠後腳行，唔駛好似衣家咁無力撐起身，無得鍛鍊大腿，搞到大腿有少少萎縮.....
輪椅係點樣架？幾時會造好呢？

10號風球

10號風球下，大細妹入面避風~~~

你哋唔駛搞到魯賓遜飄流記咁，屋企無水浸喎~~

都係迪蘇最醒目，衣舊在安全舒服地方瞓個飽~~
今朝五點半掛8號，10點前變九號，然後10號，最後平安在六點變3號。
颱風，請不要再來！

小威BB

哈囉大家好~~

我係小威BB~~

我對手畸型架！

好彩有託媽照顧我啫~~

肥老鼠

媽媽：肥老鼠呀！你駛唔駛咁肥呀？
Gooloo：好肥咩？
媽媽：3.7kg啦，仲唔肥？

感恩

終於上完一連兩星期的靈氣高班，我們手上是老師親手造的加了超強能量的陶杯！
上天賜我們治療的力量，我們自然要履行任務幫助更多動物！
感恩！

消暑西瓜

消暑西瓜，慢慢享用，唔好爭啊！

吞pop

媽媽：肥行行，你到底有無同迪奇哥哥做REIKI架？
行行：我.....um......有啲忙......
媽媽：忙你個頭？！
小健，你話我知，行行有有做reiki？
小健：冇......

要強壯呀

小威四肢都發育不全，手臂應個兩條骨但佢只得一條，手掌應該有四條佢又少咗一條，肩膊生都歪哂，前手無法正常活動，左手特別差，好彩可以用右手支撐~~

好彩有陳老師靈氣及量子能量治療，睇下小威幾歎？

小威要加油，在我照顧你的日子快啲強壯起來！！！

小威

小威係上星期六接的BB，四肢畸型~~ 

小朋友生命力強，來，讓我好好照顧，讓你有更強大的力量~~

感覺失敗

媽媽：行行，你有無練習呀？兩日都唔見你放對手落迪奇哥哥個身度？究竟你有無做reiki？唔好浪費陳老師一番心力喎！
行行：我我我.........有做架，但迪奇哥哥無反應.......
我有放對手响其他貓哥哥姐姐身上架，但係佢哋走開........
我....覺得自己好無用..........好失敗.......

行沙灘

星期六朝早，蘇菲同大細妹有得游水，下午，我迪奇都有得行沙灘~~

當然，行只係幾步，企都只係一陣，大部分時間係坐媽媽大髀吹海風~~好爽耶~~

行行靈氣貓

我行行B今日接受陳老師灌頂，正式成為陳老師入室弟子。從今天開始，我就係一級靈氣治療師！
多謝陳老師Doreen Chan！

好天當然要游水

我蘇菲今日好開心~~

因為今天天氣哈哈哈~~

水水唔太凍，陽光唔太火辣~~

南風灣今天水好清~~

惟一少少不足係無得同迪奇哥哥一齊游水水~~

惟有自己游咯~~

累

經過五天工作，勞累，好似迪蘇咁~~~要休息~~

照顧毛孩

今日朝早帶柏柏去陳老師教室做治療~~

夜晚去探可樂少爺，都是受傷毛孩~~
哎呀，照顧完，超快番屋企侍奉主子~~

行行reiki the cat

行行：拿，我無吞POP架，我真係日日睇實迪奇哥哥架！
今日，老師終於肯收我為徒啦，星期日就去接受attunement ，正式成為靈氣貓，到時就可以幫迪奇哥哥做reiki啦！

有電視睇

電視尋日到咗~~

今日傍晚哥哥仔終於上來安裝好，有電視睇啦~~4k果然係靚啲喎~~

7年前的今天

7年前的今天，小咪同小虎仲係bb，好可愛~~今天都好可愛！

頭痛

星期日，外出打皂，好頭痛。回家休息，整包，Good night~~

又壞電視

已經好多日，電視有聲無畫面，只能欣賞自製節目《貓樂無窮》~~~~
電視機一滿三年保養期就壞，不變的定律！

蘇菲也做治療

蘇菲一向愛游水，..但今個星期日的夏水禮，蘇菲無主動游出海，成日在灘曬太陽，蘇菲老了，體力不繼？
事實係，蘇菲有耳水平衡，中耳炎未完全好番，亦有早期腦退化，所以今日帶咗蘇菲去陳老度度做靈氣治療。
蘇菲，做到好舒服，瞓着咗！
下星期再去，好嗎？
蘇菲：好呀！同埋我要繼續游水，同迪奇哥哥一齊去游水！
媽媽：知道，下次同埋迪奇去沙灘！

外星貓

我陳小虎好鍾意，成日夜晚坐响廚房門口喵，又要夜媽媽喵，喵到媽媽好煩~~~~
其實我喵係有原因架！今日終於透過陳老師傳話~~~~
一，我在廚房門口喵，因為我成日都覺得肚餓，想喵嘢食~~
二，其實我來自外太空，我係喵星人，所以我成日夜晚望住天空喵，我想同外太空的朋友傾偈~~~
喵噢~~

小寶乖仔

hi ,今日我小寶出場！
我之前同迪奇哥哥一樣有胰臟炎，成日要複診，日日要食藥，除咗處方罐外唔敢食第二樣！
雖然處方糧臭的，好難食，但媽媽要我食，我就食......
然後唔知幾時開始食到好厭好厭，唔想再食，然後媽媽唔知點又撈咗少少其他嘢食，撈撈下，衣家食老貓糧，低脂低蛋白，我有兩個好核突的腎麻，有早期腎衰竭，所以要好小心。老貓乾糧乾爭爭，好彩媽媽再加少少KAKato罐罐.........今日，我有2.8kg，真係託賴了！
我要keep日日健康！長命十幾二十歲！