有得風啦

今日終於有魚風啦~~

係有機風至真，好彩車人姨姨將佢部風乾機送畀我~~

舊的風乾機大部好多~~

容量多好多，一層可以排到好多魚，有八層！
白色機雖然都有八層，但細好多~~
不過有得風就好啦！
今天係休漁機最後一天，咁啱見到好有梭欏魚賣，買埋今天，要八月後先有啦~~

努力

我迪奇今晚又沖藥水浴,媽媽用紫外光燈檢查，癬好咗少少，要繼續努力！

煩

媽媽：肥綿好煩呀你，揩來揩去！
媽媽：梳毛呀唔該！

早唞啦

媽媽：你哋三個做乜？
行行：瞓覺咯，你又影我哋做乜？
媽媽：瞓還瞓，一陣唔好半夜整冧個箱呀，責死你呀！

泡泡浴

我迪奇今晚又泡浴，仲係泡泡浴，幾時先可以殺死哂啲可惡真菌呢？

未開暖爐？

迪奇：點解今晚仲未開暖爐？
媽媽：23度呀，不過一陣同你沖殺菌藥浴後，開畀你！

暖爐侍候

是夜轉涼，雖然都22度，但暖爐侍候，大家安心~~

小寶叻仔

媽媽：小寶好叻仔！
小寶：我點叻‧
媽媽：小寶衣家重到2.7kg,，史上最重！叻！
小寶：咁你畀多啲好嘢食我好唔好，唔好淨係食臭既g/d處方糧！
媽媽：加少少好味罐罐咯，少少咋！
小寶：okk！

鼻涕樂

媽媽：樂樂：過來畀媽媽抹鼻涕~~
樂樂：我lam下就乾淨~~
媽媽：我幫你抹。
過去四年，你被疏忽照顧，flu又無人知，無人理。如果你之前有被好好照顧，帶你睇醫生，餵藥清潔，今日就唔駛成日吊着兩行鼻涕。
來，媽媽勤力幫你做reiki，抹鼻涕......你會好番的！加油！

掉毛季節

梳幾梳，一手都係毛~~

一片撕出~~

一球~~

今晚四球，Yeah~~

vetbed咪入櫳

以為天氣熱，正打算收埋vet bed，點知今日少落兩又涼番少少~~

好啦你哋繼續瞓，睇黎未食五月糭，vetbed真係唔好入櫳~~

又見大寶

三年前在大壩遇見大寶，食咗我三條魚柳，之後成為我乖兒子。
大寶，你在彩虹橋生活應該很好！
阿媽無用，仲未學好傳心上彩虹橋找你！
今日FB彈出你的相，我會努力的！

熱呀

媽媽：Gooloo大少，你見熱嗎？
Gooloo：少少啦，開冷氣啦唔該！
媽媽：車，你都未完全出齊毛，應該唔係太熱，吹住把蕉扇先！

美美8歲了

美美我的乖女兒，今天是你八歲生日，你在彩虹橋生活得很好，媽媽知道的！
讓我在乖乖勤力練好傳心，多上彩虹橋探你！
愛你！

熱曬

雖然我迪奇生癬生到甩哂毛，都唔會影響去玩心情~~

今日好熱，成30度，熱到我同蘇菲伸哂脷~~

但我要趁好陽光，曬身殺癬，殺哂啲真菌~~

熱墊都要曬~

Oreo做大小姐

這個五星級的家，是Oreo的新家~~

領養人係Oreo自己選的，佢話呢家人好靜，好斯文~~

由於一早請傳心師問清楚Oreo意願，做好家訪，領養人再修繕窗網，上星期辦好嫁牀妝，今天終於送Oreo到新家做大小姐了！
Oreo，這是你的福氣！祝你幸福！

乖乖回家了

這就是家~~

是乖乖的家~~

兒時被救後住在林先生閣仔暫託，等了幾個月都驚青，最其後遇上領養人，和OREO一同由林先送到新家生活了四年，去年十月因領養人病而接到我家的乖乖，這四年多來一直沒有開心過！
因為，他沒有家的感覺。
直接前幾天，我和乖乖做REIKI時，乖乖讓我知道他想念林生。
之後我請老師再問清楚，乖乖說想回家，而這個家，不是住了四年的領養人家，而是兒時生活的家，這裏有很多貓，有黑色咕臣，有戴眼鏡笑起來臉部有紋的林生！
今天，我將你送回來了！
這裏是你的家，是你永久的家！
乖乖，過去數年委屈了！從今天起有幸福日子了！

新頸圈

迪奇因為病到無哂肉，好瘦，同老師講話頸圈好重，今日買咗條好好輕好舒服的新頸圈。紅色，同舊圈一樣。
粉紅色係蘇菲既，硬啲。但因為兩條都係$495，好貴。
既然一樣價錢，都係選埋同一款紅色軟身圈啦！
兩條加埋成千蚊，不過今天不過最好的，還待何時？！
過兩天可以戴新頸圈去街了！

囂張王子

王子：做乜影我？
媽媽：影下你有幾咁囂張咯！
王子：奴才快退下！點解咁耐都未安排好本王子專用貓廁？
媽媽：Um..........

茶辣湯浴

茶辣湯，昨夜煮的~~

給迪奇浸浴~

38度溫水，迪奇唔涼到震騰騰~~
茶辣可殺真菌，一連浸七晚，真菌你快啲死！

熱啊

媽媽：行行，呢個位好啱你喎~~

行行：今晚好熱啊......呢個位都好啱我......

舒服

Sunday最悠閒，新梳化最舒服~~

蘇菲又扮貓

媽媽：蘇菲，呢棵係貓樹，唔係你瞓架，出番來啦~~
蘇菲：..........................

又問我？

今日我去老師度治療，有個頭髮同個身一樣色既姐姐又問我今日有咩唔同喎，佢今日頭髮同個身唔同色咯，好似媽媽咁咯！
真奇怪，係要問我既！
無咁好氣！

鼻涕蟲

樂樂，點解同你做極REIKI，你都係鼻涕蟲？
明天問下陳老師睇下點幫你先！

行行愛VETBED

行行少爺，白天時，聖誕特別版VETBED是你的~~

晚上，英國旗VETBED又是你的！
行行果然最愛VETBED~~

回升呀！

,唔好睇我迪奇甩哂毛，周身癬，好慘咁~~
今日我覆診，成績唔錯呀！

雖然肝脂數又升咗，膽指數又升，但係我既紅血容積hct上番27.6%呀，即係上番未減藥時指數呀！好嘢！
我要繼續努力！
今晚又沖咗一次藥水浴！殺死真菌！一粒不留！

行行玩紙

莫負好陽光

媽媽尋日番工，辜負咗好陽光，今日放假當然要補番數~~三點幾的烏溪沙~~~~未完全退潮~~

蘇菲咪跑咁遠呀！上次你在沙灘亂食嘢搞到嘔咗四次......

媽媽：蘇菲，點解你四隻腳濕哂？
蘇菲：嗄嗄，無呀，我無游水呀，落水玩咗陣咋.......

媽媽：迪奇你曬多啲陽光，幫忙殺菌，曬死啲真菌！

迪奇：曬還曬，一邊曬一邊吃點心得唔得！
媽媽：好啦一邊曬一邊吃脫水三文魚......