流鼻血呀！

媽媽：行行大少，乜你又搞成咁呀？
行行：我都唔想架，我乞乞吃嚏~~！就噴血咯.....
媽媽：真係畀你嚇死......老師用reiki幫你止血，你乖........
天氣乾燥，你應該係鼻黏膜薄一乞嚏就黏膜撕裂流鼻血咯！
星期六拆線時同dr. paul講下先！

又扭親腳

媽媽：迪奇，你腳唔痛啦！
迪奇：好咗啲啦！
媽媽：係真唔係呀？今朝見你左腳吊吊下唔肯掂地，以為你又扭親，即刻幫你做REIKI，腳仔真係有刺刺麻麻感覺，小腿特別強烈，有拮的感覺添！
你小心啲呀，唔好扭親呀知無？
迪奇：我都唔想架，無力嘛！
媽媽：咁我一陣臨瞓前再幫你做REIKI啦！

仍然凍

星期日白天仍然咁凍，惟有提早開暖爐啦~~

Gooloo霸唔到前座~~

哈，夜冕變陣，出廳瞓咯~~

小風做乜又唔記得收埋條脷呀？

寒冷啊

在凍冰冰室外氣溫得11、12度的夜晚，我哋一家當然一早黐住暖爐瞓啦~~

行行都放監出來歎暖爐，但其實佢個籠有個私家暖風機~~

算啦你鍾意拜呢個暖爐神就尤得你~~

廳梳化有電暖氈，場面亦虛冚呀~~

好暖好暖，唔凍唔凍~~

雪雪，點解你下面對腳黃色既？點解唔係白色......？

乖乖有病

一向驚青的乖乖，除了開飯時間外，其他時間都哩埋。最近日見消瘦，好驚你有腎病，要睇醫生啦！

好彩驗咗全血，肝腎功能正常，只係有啲貧血，白血球高，同埋在顯微鏡下睇便便~~有梨形蟲呀！
好咯，唔係腎病，無fiv！安樂哂！
咁乖乖你乖乖食藥啦！
*今日磅重只得2.2kg，你要加油增重呀！

湊女

小白乖，今日派個任務畀你~~

幫我湊高貴的bubu公主吧！

曳豬行行

行行：我好乖架我好乖架.... 

曳爆行行咬爛自己隻腳後截服後第一次回老師處治療，其實老師只上星期四出事後日日都同你做REIKI呀衰仔！唔係傷口邊好得咁快！
*尋日覆診，Dr. paul話傷口埋得好好呀！

十四歲

今日係迪奇十四歲生日，媽媽我make a wish~~迪奇要健康，血指數回復正常，唔駛食類固醇，增重至7.6kg，體力好，腳力好，頭唔側，.開心和蘇菲一齊呢度去，果度去！
迪奇生日快樂！

一副曳樣

一副曳樣，always naughty，sometimes naive！

FASHION

我行行B示範咩叫fashion～左邊係媽媽今朝出門時幫我穿好；右邊係放工回來時個樣。大家覺得點着有型啲尐？

日泊$320

今日我哋帶頭去玩~~

帶埋大細妹~~

由於時間關係12船回程，車上面有張日泊$320單！
噢，媽媽話無辦法，己經八點半到達黃石碼頭但都泊唔到碼頭位，只能泊路邊，有好多車的，一齊交通部320咯！

呢班係媽媽傳心班同學，我蘇菲因為太靚所以行開以免搶鏡頭呀！

3腳B

行行：我正式由4腳癱瘓B變成3腳B！
早兩晚，姐係星期四凌晨，我覺得左腳好鬼痕，好唔舒服，於是咬佢，止痕一陣又痕過，於是再咬，咬到最後唔痕啦，好嘢！不過隻腳就咁咬爛咗，第二日去到灣仔診所見dr paul，佢睇見我隻爛腳，擰擰頭，話太嚴重啦，無得救，要成隻切！金翅大鑊鳥！
媽媽好傷心，留低我響診所孤伶伶一個貓度過。尋日，畀人迷量咗，醒番後戴咗頭罩，有啲攰，媽媽無來睇我，好唔開針⋯⋯
不過我行行B係打不死戰士好快無事，今日食咗好多罐！傍晚出院番屋企lu，屙咗好多💩⋯⋯
大家唔駛擔心我，4隻腳丶3隻腳對我黎講無分別，我仍然係開心行行B！🐱

三腳行行

行行今日手術截左腳，正式成為三腳貓。醒番啦，唔準探，因為驚佢激動會爆傷口，由周主席偷雞去探！
乖豬啦，希望聽日可以回家啦~~

咬爛腳

行行入院了！
尋晚半夜行行咬爛咗左腳腳掌，咬到見骨，好似無咗一兩隻腳趾........
當時想去睇急症，但去到獸醫大多要截肢.....
當時心存有一絲希望，即清潔消毒包扎，做靈氣。
朝早告知陳老師，即去做靈氣並約獸醫~~
下午，去到灣仔獸醫診所見Dr. Paul,睇下有無得救，定係截少啲......
結果診斷結果係......左腳全截！
老師請行行點解咁做，行行左腳好痕，都痕都一段時間，尋晚半夜勁痕，所以咬佢，咬到最後，唔痕了，就停！
咬到唔痕先停，因為神經線已被咬斷，所以無感覺，唔再痕了......
原本沒有知覺的下肢，在了老陳老師苦心努力做了兩個多月reiki，由沒有感覺到逐漸有感覺，今天一咬，兩個多月的努力化成灰燼.....
除了哭，我還可以有甚麼反應？

臭親鄰居

咩事？排隊去廁所咩？
樓上鄰居投訢你哋臭呀，你哋入浴缸屙啲尿好臭，臭到上上層呀！
入砂盤屙啦你哋！好煩呀！

藍貓小公主

情人節，又來一隻流落民間藍貓小公主~~

monday blue

逢星期一都好攰呀~~~我哋指媽媽，Monday blue，所以我哋都好乖咁休息，唔打擾媽媽~~

全魚早餐

魚呀

終於搵到你哋啦~~~

三斤，排魚排到眼都矇~~

今次係你哋架嘛，唔駛裝！早啲瞓，瞓醒明天有收成！

又拜神

迪奇：今朝係好凍，但你哋唔駛貼到個爐咁近架~~

蘇菲：佢哋傻架嘛，我都係覺得瞓牀暖~~

病B

行行B病到五顏六色，今朝糧都唔食`........... 又脫水~~

夜晚幫你打水，未坐夠暖就要打，打完震騰騰。老師即刻同你做靈氣，做咗餵你飲水又玩反抗呀！
病就乖啲啦！

逃獄

今期氣溫急降，行行B着衫好好休息啦，做乜扮馬騮呀你？！

行行：放我出去呀~~

行行：我要逃獄呀！

行行好臭

今日行行又去做治療，又遇見花花妹妹~~

花花：下面果個好臭呀！

行行B：你估我想架咩？
傷風嘛，啲菌菌落到腸嘛，咁我控制唔到便便嘛！我都唔想臭臭架.....

大細妹有得玩

大妹：今日我哋終於有得坐車車一齊出街啦！
細妹：唔知有無下次呢？

大妹：有呀有呀，下次去塔問吖嘛！
細妹：真係架？

迪蘇大細妹去行山

一年一度熊豬仔生日會

我迪奇好攰呀，不過係好開心咁好攰~~

今日我哋11點半到達北潭涌車場等車位，等咗半個鐘~~

今日我哋帶埋大細妹呀~~

今日行程係先行山，我迪奇都行咗成半個鐘都一小時，都幾攰架！
今日係年年有今日的熊豬仔生日會，雖然仔仔已經上咗彩虹橋，但生日會仍然會年年搞！
今日我口地好乖咁影到大合照，因為我哋都老啦，不再少年輕狂，所以乖咗、定咗！
玩完一日，我迪奇緊係攰啦，好彩約咗老師同我做遙距靈氣，我好舒服咁享受~~
好攰，goodnight了~~