新bed

天氣轉涼，英國新鮮運到vetbed~~
迪奇，做乜你唔瞓？

唔係貓瞓架，咪搞住哂啦~~

安仔與樂樂

安仔好乖，基本上都習慣下來...

但係樂樂仍然悶悶不樂....

行行B靚相大放送

行行：做乜成日影我/？ 

媽媽：你靚你咯！影多啲靚相甫上網，睇下有無人唔介紹你跛跛，貪你靚你帶仔番屋企咯....

行行：吓，呢度咪係我屋企咯！

朝早陽光好

朝早陽光好好，我蘇菲一早出廳曬太陽~~

小朋友都同我一樣唔瞓房，一齊出大廳~

瞓到僧傻憨憨~~

安仔出來了

媽媽：安你，你唔好一副愁樣，响度好安全，你全心响度住啦~~

安仔：啲貓成日監視我........
嘉嘉：外來入侵者，你想？

馬花：你係邊個，唔好蝦我哋！
媽媽：乖啦你哋，要好好對安仔呀，佢無奈離開前主人，回歸迪蘇家，佢係你哋前輩，要尊重佢呀！

好消息

式式：咩事？

行行B：又要來診所~~
媽媽：係呀，今日驗血日呀！

媽媽：Yeah，你哋阿媽慈慈兩個月前驗到有白血病，終於自行掃走病毒，今日驗血結果係negative呀！

到你哋四個，撈埋啲血一齊驗，都係negativr呀！
好咯，真係感恩，你哋全部都無白血病，尋家有望啦！

式式：下，但係我哋响度住得好開心喎，真係要尋家？

有毛貓？

媽媽：哇，Gooloo，你出咗好多毛毛呀！
Gooloo：係？ 

媽媽：你睇你兩邊面頰？好多毛呀！

媽媽：下巴同頸頸都好密啊，到底，你係咪有毛貓來架？
Gooloo：我點知jack？

玩嘢

媽媽：你寶你玩嘢呀？
小寶：悶吖嘛，餐餐g/d罐溝水，食咗兩個幾月啦！
媽媽：咁你有病吖嘛！加左吞拿魚罐、三文魚罐就食.........
小寶：畀我轉吓口味啦......
媽媽：...........

無胃口

媽媽：小寶，你今日咩事呀？早晚兩餐都無胃口‧？又唔舒服呀？係唔係你早兩日偷食幼貓糧食到唔舒服呀？
小寶：我我我.........今日真係食唔落.......
媽媽：咁你休息下，瞓下......希望慢慢有番胃口啦...知你係唔舒服啦......

新樹呀！

靜宜：咦，有嘢玩~~
小黑：睇下咩黎先？

媽媽：你哋咪阻住哂呀，未砌好呀！

肥綿：有無搞哂，貓b霸哂靚位，我得一碌柱......

唔貴唔食

媽媽：你呀，又要我駛多啲錢呀！
小寶：咩喎？

你上星期三既驗血成績表呀，白血球又高高咗好多呀，要食多1隻抗生素~~

醫生話藥水平啲，叫我轉藥水畀你！幾十蚊夠食兩個月！但係你..........一食就噴泡......

惟有叫醫生開番藥丸畀你！呢度成592蚊呀！
唔貴唔食！

新玩具

寶寶：咩黎架？
媽媽：新玩具咯，用來叫你哋食飯架！
寶寶：咁食唔食得架？

安心住

落漠的樂樂~

縮埋一舊的乖乖~~

無奈的安仔~~
你哋放心，在我家安心住落，習慣後才嘗試幫你哋家~~
我知短短一個星期內要你哋搬兩次真係好驚，唔會再令你哋受驚住，安心住啦~~

四隻成貓

曾經在我家暫託的安仔同樂樂~~ 

在另一個地方暫託的oreo及乖乖~~

今日好無奈，因為領養人健康問題無力照顧，今日到我家~~
希望能為你哋再搵到好家庭....否則，我就變成三十幾貓了....鳴.....

兩隻手走路

貓月兩團圓

月到中秋份外圓，祝各位貓月兩團圓！

進貢

今日我迪奇太平道覆診，連埋小寶，進貢咗五千八！
我好叻仔，HCT上番28%%，上次得24%，你哋話勁唔勁！

兩隻臭豬

我蘇菲同迪奇哥哥終於咗涼啦！媽媽話迪奇哥哥成日LAM尿，LAM到鬚臭喎.....
媽媽：你夠臭咯，成日瞓 响貓尿上面，你哋兩個都係臭豬！

豹仙人大道理

媽媽：豹大師，請問你今晚冥想，參透咗甚麼貓生大道理呢？ 

豹大師：我有好多領悟，你想我教？得，快啲練好POV，然後同我練AAYT，咁我就教你！

精靈訓練員

式式：我要轉~~

圓圓：我要撩....

媽媽：你哋唔好掃跌我電話呀，佢一路行緊路，孵孵緊蛋架！

媽媽：小心啲呀你哋！

新芒到

肥綿：又買新芒？
媽媽：都係多得你哋將電腦芒當跳板，仆底N次加埋你哋頻頻對住個芒射尿，佢捱到一年先壞，好叻啦！

媽媽：換完新芒，終於可以正常工作了，咦，點解好似細咗咁？
靜宜：好明顯細咗啦，你買時無問清楚？
媽媽：..........................

吳得

媽媽：喂，雖然好番九九十十，等要食哂口啲藥先得架！
Gooloo：唔食得唔得？
媽媽：吳得！

又壞芒

慘啊，又壞芒啊~~

忽然失色，有條線，仲閃下閃吓......慘，又要換芒........