同色三分親

我迪奇養病，呢個小朋友成日跟住我~~

唔通係同色三分親？

蘇菲：唔該借歪，我要陪瞓呀~~

Gooloo：逼屎我啦~~

養病

我迪奇養病，好多細佬妹倍~~

今次有四種藥~~

橙色係類固醇，黃色白色係胃藥，上面四分一點白色藥係抗生素~~

食完飯兩小時再食ATOPICA~~
講個好消息大家知！我迪奇上星期六睇完病開始食類固醇後(食咗三日但有一晚嘔番哂啲晚餐連藥，即只吃了兩次類固醇)，尋日驗血，HCT已番上37%，即係正常啦，亦證明係免疫系統亂咗所以影響紅血球呀！
DR. KAREN話，係因為胰臟炎影響咗免疫系統咯！
雖然紅血球升番正常，但類固醇無得話停就停，要慢慢減，我今晚就開始減至四分三鐘，三日後就隔日四分三粒。
而我開始時唔駛食咁多類固醇，係因為有調節免疫系統的ATOPICA。呢粒藥好大粒，要食夠兩星期先！
我迪奇今日胃口好好架，但係攰啲咯！要休息多啲先會好番既！GOOD NIGHT~~

i/d low fat新大陸

我迪奇今朝空肚去照超聲波，照到胰臟發炎，從今天起要食i/d low fat糧！

可能i/d好香，我回程時响車度都好想開黎食！番到屋企貓貓好似發現新大陸~~

好似幾好味咁~~

食快啲先，唔係貓貓會搶食~~

震騰騰

(昨晚)
媽媽：迪奇，做乜開飯都唔落地呀？好啦，我放上梳化你吃啦~~

↓

↓

點知，到咗11點餵埋藥後，藥同晚飯都嘔番哂出來~~

                                                                             

今朝，天氣唔算太冷，點解你冷到騰騰震？
好啦，開一陣暖爐畀你啦~~

好彩今晚胃口好！

聽日朝早去太平立道驗血同超聲波~~

希望唔會搵到啲咩衰嘢！

希望明日驗血，HCT會升番。

迪奇加油呀！

排魚

小寶：媽媽你開工啦，快手啲呀！

楠楠、嘉嘉：我哋今晚唔瞓，守護住你哋啊~~

媽媽：哎呀，排魚仔排到我好攰呀~~

媽媽：喂，唔駛目露兇光追倩咁款，今晚好好瞓一覺，聽朝就收魚啦~~~
goodnight！

紅血球又跌

我迪奇今日見dr. karen，帶埋山山來打針添！

今日諗住驗甲狀腺既，點知，一驗發覺紅血球又跌，加上我瘦咗好多......有好多可能性~~

好彩其他肝腎指數同血糖都無！CREA高咗少少可能緊張啫~~

由於我體重跌咗成公斤，非常小可，約咗下星期二照腹部超聲波。而紅血球低咗可能原因有牛蜱熱、IMHA、;胰臟炎等。其中IMHA都有幾大機會，因為我迪奇幾年前都因為牛蜱熱之後引發的免疫系統紊亂攻擊自己的neutrophil搞到好低好低......所以，啲血送出去做牛蜱PCR test，甲狀腺唔理住。.
而呢段等候時間，karen醫生開左atopica調節免疫系統藥、類固醇抑壓免疫系統，仲有胃藥(以免係胃潰瘍有胃出血).....
夜晚我食咗啦。如果真係免疫系統作怪，食呢幾日藥，下星期二驗血應該會見到HCT升番！
唔......我迪奇會好快好番既！

寒天

好凍呀！估唔到今日真係得12度，迪奇凍到震，番工前惟有開暖爐畀你哋~~

二月時都有如此寒天，當時大寶仍在牀仔中~~
大寶，你在彩虹橋好嗎？
還有美美，你和大寶相遇了嗎？

懷疑甲亢

媽媽：迪奇，媽媽估到你咩病了！\
迪奇：吓，乜病？
媽媽：基於三個病徵，
1. 你瘦咗呀！上次2月前庭炎見DR. KAREN赫然發現你體重得7.4定7.5K；
星期二剪完毛後同你上磅，得番6.9KG，太唔正常啦！
2. 你飲水多咗
3. 你成日匿入房瞓，入面黑麻麻架！
三個病徵，都好似甲亢呀！
迪奇：乜係甲亢？
媽媽：甲缐腺功能亢進咯！病徵仲有心跳快，但媽媽唔知咩叫正常咩叫快，等我再SEARCH下先！

迪奇：咁你搵到先話我知！
媽媽：如果真係甲亢要食藥控制架！
哎呀家陣我好心急想知答案，但下星期二先有得見醫生....或者我星期六山山啦啦打針時，我帶埋你去睇下攝唔攝到期先！

魚柳餐

小寶：好嘢，又有魚柳扇~~
媽媽：你要多謝小克，因為小克幫貓友做傳心練習時，向姐姐表達最喜歡的小吃是燒魚柳，但等好耐先有得食一次....聽落好慘，媽媽好似好孤寒咁，好啦，今晚開魚柳啦~~

剪咗毛啦

我蘇菲同迪奇哥哥今日剪咗毛啦！健哥哥話我好fit，但迪奇哥哥肌肉流失，媽媽即刻同佢上磅，得番6.9k，低過7k，史上最低！弊啦！媽媽擔心腎病呀、糖尿病呀、甲狀腺病呀....
好彩book左下星期二見karen醫生覆診驗下血！

捐樹窿

媽媽：迪奇，你點入去架？
迪奇：捐入去咯？
媽媽：〉.〈

丐幫弟子呀

媽媽：蘇菲你你你你太乞衣了......

媽媽：迪奇你好少少，但都一樣係丐幫弟子.....

媽媽：媽媽知道你哋悶，响屋企無嘢做惟有LAM下手，加上我又無同你哋洗白白.....
哎呀.....要急救，星期二叫咗健哥哥來幫你哋變番正常史納莎先....

貓突襲

好大霧呀~~

非常有春意~

好靚的西貢海傍~~

海上行駛就慘，能見度低，船都回岸~~

咁煙雨迷濛(其實無雨)...........來這裏做乜？

為咗呢個！好嘢，終於貨到~~

即整，雖然造型唔靚，但好好味~~

邊個偷襲？

慘呀，少咗三塊，好啦，益下你哋！
好彩我仲有四塊餅同兩個撻！,

影相

小寶：嘩，好靚呀！

小寶：好想食呀！

三寶：唓，媽媽都係畀我睇下,影下相，我哋無得食架！

蝨帶

楠楠：嘩，咁多既？畀我架？
媽媽：係迪奇哥哥同蘇菲姐姐既防蝨兼牛蜱帶。貓貓唔出街，無蝨，唔駛戴。
今日發現西貢動物診所有得賣，仲有平過西貢BEST FRIEND($400/條)，只係賣$360/條，買夠三條有九拆，咁我哽係買夠四條夠一年用，拆咗每條$324，抵呀！

望乜

媽媽：楠楠豬，你响入面做乜呀？

楠楠：睇嘢咯！

大雄：睇乜，鍾意就上來玩啦！

安安奔向彩虹橋

在西貢新安村被救的小安安來我家不到幾小時，便於28/2凌晨十二點幾離開肉體，奔向彩虹橋。
相信該段日子也真多毛孩往生，所以到排到今天才是火化日。
小安安，姨姨給你準備你鮮花，伴你到另一國度~~

安安本來是美女一名，和大寶一樣有着蝴蠂紋披毛。姨姨曾經想過，如果安安能活下來，應該會成為陳家貓。可惜你的塵緣已盡。
安安，你帶着我的愛離開，希望你在彩虹橋待一會後，快快找個好人家去投胎，要做人家疼惜的孩子啊！

你的骨灰和美美大寶同放在一起~~

和你同在卡地片盒子內的，還有卡卡弟弟和茘景妹妹啊！大家有緣在彩虹橋上遇上，記得互相關照做好朋友啊！