新玩具

今日落街市，發覺pet pet開咗落去，仲有我一路想買的抓柱，仲係$580，減價？之前好似係$780~~
梗係即刻買！

未砌好就爭住玩~~

但原來最受歡迎的，始終係紙皮~~

gooloo妹需要愛護

學做家貓

學下融入家貓生活啦gooloo~~

有貓樣

gooloo開始似番一隻貓了！

面都長番肉！
就黎夠重可以打針了！

去塔門啦

我哋今日終於黎到塔門啦，好耐無星期二去玩啦~~

今日好好天但仍然係熱，點解仲未涼既呢？

我哋响涼亭HEA咗好耐，媽媽同蘇菲都想試下行，但我迪奇決定~~唔行！

係咯蘇菲，番來啦~~

都係休息下聽下海浪聲吹吹海風就夠啦~~

嗄嗄嗄，唔知幾時先夠涼可以行個圈呢？遲多兩三個星期得唔得呢？

妹妹精神了

由於Gooloo妹尋日情況不佳，好榭，好脫水，行路無乜力，幾乎想半夜睇急症吊鹽水，但佢都肯食嘢，

餵到水，暫時都OK。
今朝一起身就去睇gooloo妹，佢好用力屙咗一條屎，然後自己食嘢、飲湯，精神咗，

但夜晚都係睇多次蔡e，檢查後心跳丶呼吸都正常，屙到靚屎，肚脹主要係營養不良所致，

好似非洲飢民咁！

睇完無需加藥，E＋首要係補充營可餵a/d,i/d, bb罐等等。屋企得罐過期a/d食住先啦，明日再買新鮮罐！

Gooloo妹除咗第一晚屙咗落墊外，星期日已識用砂盤，好叻！

阿妹要加油！

照顧咗一個月既gooloo好活潑~~

但係阿妹今日精神就好差，勁脫水，頭先餵完水無幾耐就嘔....阿妹要加油！再唔掂明日可能入院！

gooloo妹

今朝一早入大美篤接gooloo妹出西沙見蔡e。
比gooloo更外星貓的gooloo妹，原來係三色貓，蔡e一眼就睇出，我就睇唔到邊忽有三色。
蔡e判斷，gooloo妹8 星期大，極多耳蝨(佢同gooloo一定係來自地獄繁殖場！)，口腔及脷有潰損，眼好似有少少眼廉不健全即好似豆豉眼咁可能會被眼睫毛拮眼而磨損角膜。
幸好經檢查後無乜大問題，現階段都係補充營養，日日serve自助餐、bb紗巾做body srub加椰子油滋潤+日日滴耳蝨水，養番肥後就可以打預防針。

皮膚龜裂情況比gooloo嚴重，睇黎有排治理。孩子真可憐，無良加胡亂繁殖下的失敗品/犠牲品！

gooloo同胞

好慘呀，餵貓姨姨在發現GOOLOO同一地點，又執到一隻小GOOLOO，又係甩到幾乎無毛，體溫高，叫得好大聲好淒涼......點算呀？

護膚

GOOLOO秋冬護膚step 1: BB紗巾濕水，輕輕擦去死皮～ 

無耐無去彭福了

好熱呀，媽媽今日成十二點幾先帶我哋到彭福，烈日當空了，熱死我蘇菲啦~~

真係趴哂地先降到溫~~

迪奇哥哥又走扮人哋隻狗啦~~

又話秋天到，點解仲咁熱架？

迪奇哥哥話幾時涼啲可以秋郊呢？

啊，你死，又想去同魚魚爭嘢食？
快啲番黎，阿媽鬧呀！

瑩光B

今日好擔心，因為癬B啦啦啲癬愈來愈嚴重，以為頭好番出番毛點知癬己蔓延全身其他地方，肚肚又好脹，好驚好似哥哥咁腸道脹哂吸收唔到營養，下午狂打電話但太平道KAREN同西沙路蔡E都放假唔知點算~~
好彩最後BOOK到西貢阿LAM，啦啦在紫外光燈下成隻塋光色，即係周身癬~~~
我又要求阿LAM聽清楚肺有無事、摸清楚肚咁脹係咩事，結果超咗超聲波好似話全部係脂肪無復水........

癬癬咁大劑今次要食藥先控制到，起碼6星期喎！衣家食住呢啲，兩星期後覆診。
BB要快啲好！你要承接哥哥的力量，健康成長呀！

搞錯呀？！

搞錯呀？！

山山與啦啦

癬b啦啦長期在房隔離，自從同胎兄弟卡卡上星期走咗後，啦啦好似接收咗哥可既能量，健康生活，癬癬都好番哂咁滯~~

不過毛毛仍然未出得齊，距離靚仔兩仔仲有一段距離~~

响房籠內隔離咁耐，今日出來玩一陣，曬下太陽見下世面(其他貓貓)~

山山都係第二次出房，學下同其他貓相處~~

你哋要健康成長，等啦啦好番哂，就同你哋搵家，希望有人可以一對領養你哋~~

王子搽藥呀

日光浴

陽光和煦星期五，有涼風，好舒服呀~~~
媽媽你安心番工啦，我哋會安心午睡啊~~

馬卡龍

媽媽今晚唔理我哋~~

响廚房整呢啲~~

搞咗好耐~~

話明天帶回公司和同事一齊吃喎~~~


↓
↓
結果.....唔記得咗~~哇哈哈

你要快樂

卡卡b今早火化了！從今天起在彩虹橋上當快樂小天使！
你要守護你的兄弟啊，日後我學識傳心術，一定來找你！

小心貓B肺炎

令卡卡喪命的是肺部充滿濃液，是吸入性肺炎，不是細菌或病毒感染。
蔡醫生解釋，BB如進食時不小心有一滴水進入氣管便會造成肺炎，而且病情急促，可以一至兩日內喪命。而腸道腫脹相信是肺炎後造成敗血症，致身體各器官都受影響，因而死亡。
為何BB有肺炎我都不發覺，蔡醫生說，因為貓BB不懂咳這個保護機制，故就算進食時嗆倒或飲水時濁親都不懂咳嗽將其咳出，而當有肺炎致肺部喪失四分三功能都可以無病徴，BB亦不會咳嗽。(BB大約到十四星期大，才初步懂得咳，但未足以咳出肺中的痰液，咳嗽能力，要到六個月大才成熟)
BB幾時濁親，我無法得知，每次放下BB糊仔看見牠們嘩啦嘩啦吃我便行開，沒有看實他們進食。或許，我不應給糊仔.......
對唔住BB，我無睇實你哋食嘢，你濁親我都唔知。希望其他義工睇到時，要小心睇實BB食嘢。同時唔好隔太耐餵食，以免BB吃得急而濁親。
而BB有肺炎時會有咩徵狀？蔡醫生說，BB會呼吸急促，正常BB熟睡時每分鐘呼吸8-12下，當超過15下便是有問題，應盡快帶住求醫，如是細菌性感染可以及時用藥。
請大家引以為鑑。
BB明日火化，之後帶回家。

出毛呀

神奇，gooloo竟然出緊毛！

王子生癬

哎呀，王子生癬呀！小B明明在籠內，我忙住同佢哋搽膏膏無時間摸你架，點解你都會生癬架！
陰功，來，畀我搽膏膏吧！

卡卡小天使

卡卡bb尋晚入院後，姑娘打咗啲mousse糧，卡卡都有主動吃~~~`
估唔到捱到凌晨十二點二十分，卡卡爭扎咗一下，姑娘畀氧氣佢吸咗幾啖後就去了當小天使........
今朝去同bb告別後，蔡e打電話來話上卡雖然係街貓，但都唔應該死得不明不白，為咗街貓福祉及為咗及早知道啦啦的患者風險，建議解剖化驗，而是項化驗無須付款，我即刻答應。
下午解剖後，初步知道卡卡腸道腫脹，令佢無法吸收營養，昨天早上的屎屎好淺色，就係無法吸收營養下的後果，卡卡長時期吸收唔到營養，所以瘦到皮包骨咁，而肺組織亦有唔正常。而腸道無寄生蟲。
卡卡的組織會送出去化驗，大約一星期後有報告。
卡卡bb，你去到彩虹橋做隻快樂天使，守護你哥哥啊！

卡卡病了

卡卡BB尋日開始無乜精神，貓又瘦，摸到皮包骨，原來都約咗今晚見蔡E~~
但今朝7點幾起身畀好味kakato mousse同罐罐佢食，竟然食唔落，一定係係病。
我檢查皮膚彈性後發覺好脫水，即刻同佢打咗少少皮下水，然後抱住佢响心口瞓....,到咗十一點，放番入籠佢有番胃口，主動去吃糧，但身體好凍，出門前畀咗暖包墊住....
夜晚番到來即刻帶出去見繤e，等候期間好軟無哂力，到入去見蔡e時更係軟賴賴，即時驗血糖發現低血糖，就黎休克咁，蔡e即刻餵咗糖水，卡卡先精神番，之後驗血，留院，吊鹽水，聞氧氣~~~
卡卡要力油呀！

小b回來

小b因為弱弱地，驚飲唔夠奶，今晚連同大b一齊接回來。明日再送去同3色妹妹齊由壞人姐姐照顧~~

沖涼啦

今晚終於到你哋啦~~先用BB紗巾幫gooloo沖涼去死皮~~

跟住到癬B卡卡~~

然後到啦啦~~搽咗個幾星期癬膏，你兩隻癬B仍然係光頭仔，唉，睇黎要睇下醫生先得咯~~

有奶媽啦

由尋日到今日，3小B吃咗N咁多餐奶了~~

晚上送到義務餵奶的黑貓媽媽處，玳瑁同禮服B好快搵到奶頭，唯獨三晚妹妹得個瞓字~~

最後決定送番畀之前出手話照顧的壞人姐姐人手餵~~
3小B要畀心機吃奶，快高長大啊！