下雨夜

Gooloo一個貓在廚房好淒涼，近兩晚都抱佢出來，隔住紙箱坐大髀~~

今晚行雷兼大雨，出奇地gooloo只係望下，無話好驚~~

其他貓都好奇想親近下，但唔得架，gooloo有皮膚病石flu，你哋要暫時遠離啊~~

美美重咗

3星期前睇dr. karen發現我有腎病，三期，瘦到得2.4kg~~
今日，我有2.8kg啦，全因我乖乖吃腎糧，都有吃藥，同埋吃補品~~~
媽媽：但係你打水唔乖呢！
美美：其實我係唔係要打水架，我覺得我無脫水喎~~~

椰子烏雞

尋晚同gooloo沖個靚涼~~唔知邊個話佢似烏雞，睇落又幾似~~

沖涼前同沖涼後差幾遠？

點知今日番到來，額頭又龜裂~~~搽咗一茶匙椰子油，烏雞變成椰子雞，希望明日無咁乾~~

人貓狗團圓

是日中秋，一家貓霸書枱~~

美美仲要〝浪〞個頭上我手~~

大寶乖啦，上呢個位，咪阻住我工作~~

迪奇蘇菲最唔佔位，乖乖在桌下~~

唉，做極都係有六、七隻。中秋人貓狗團圓，無法子~~

漫長醫療路開始

睇完醫生，番到屋企已經係半夜，為Gooloo放好紙箱墊好，今晚安心瞓lu~~

當然係餵完抗生素滴咗眼藥水同耳蝨水啦~~

呢份驗血報告好靚仔啦，只係白血球高咗，皮膚炎中，好正常呀~~
血紅素低少少，唔算咩問題！

其餘肝腎指數正常，ALT高的多亦唔係問題！
好，我哋就努力醫好皮膚病，醫療路可能好漫長，希望兩星期後覆診有進展，否則，就要切一忽皮膚組織去化驗啦~~

真係無毛貓

Gooloo今晚到西沙路獸醫診所見蔡e，初步檢定真係無毛貓，但真係全身嚴重皮膚病，同埋好多耳蝨！
Gooloo係男仔，好細個，得6個月大！邊個賤主咁可惡將你養成咁，仲要將你遺棄？！呢啲賤人真係生仔無JJ呀！
不過Gooloo你好叻，在惶恐中仲識得叫我救你！
放心，幸福的日子就在眼前，e+最緊醫好皮膚病！
我哋一齊加油呀！

捽老泥

唔知邊衰人將無毛貓遺棄在荒野，尋日我只係諗住去接兩隻燒烤場奶bb點知一去到附近喵兩聲就聽到你應我，之後見到好似大老鼠的無毛貓，正唔知點算下竟然搵到捕貓籠，一放好唔夠兩分鐘就入籠，你好乖啊~~

安頓一晚後今冕義工送籠來，乖，我哋趕快同你沖個涼~~

好污糟好污糟，捽咗好多老泥定係皮屑，之後抹身的毛巾都沾滿污糟~~

貓似外星貓的無毛貓，今晚真係安心瞓一覺了~~

外星貓

夜行

雖然己經黑哂，但仲有好多點光，原來釣魚郎在夜釣~~

雖然唔係月圓，但月亮都好光呀~~

但要睇到我哋，都係要開閃光燈~~~
今晚媽媽傍晚先番到，開車送到我哋來堤壩行，行咗一半己黑齊了~~HEA一陣，今日總算偷得浮人一小時行，算係咁了~~

山卡啦B

來自山卡啦的BB今日下午落網，乖呀，我帶你回家安頓再尋家，唔駛再做流浪貓~~

入室當然要先檢疫~~哎呀，有蝨呀！出番門口滴revolution先~~

鋪好籠畀你，乖乖吃糧，今晚安心瞓啦~~

愛紙皮

媽媽：借歪呀唔該~~

迪蘇：媽媽我幫你責住紙皮~~
媽媽：駛乜責，我諗住掉啦~~箱都砌好咯~~

媽媽：小雲你咪阻住啦~~

迪奇：咪阻住！我哋今晚看實紙皮，明早攞去賣.......

免麻醉洗牙？

10歲蘇菲左邊牙齒~~

右邊牙齒~~

洗啦，有助手抱住，菲律賓獸醫用工具撩牙石~~

好快已乾淨咗好多~

到迪奇~~12歲，右邊係好污糟了~~

左邊~~

嘩，挾到好大塊牙石~~

呢邊有好多塊牙石啦~~

見獸醫手勢好純熟~~

話咁快，牙石清哂，而牙齒灰黃是年紀大關係~~

呢邊都清哂牙石了~~
獸醫話，迪奇牙齒情況唔差，因為食嘢慢，食得慢即有咀嚼，所以能潔到齒~~
兩個清完牙石，安心哂~~~

沖涼快啲好

蘇菲；夜媽媽，做乜捉我沖涼？

媽媽：星期二睇完醫生當晚唔記得沖三條毛，今晚先得閒沖嘛！
沖多兩次，快啲好嘛！

小雲受傷

小雲：迪奇哥哥，陪住我.....

小雲：我頸後損咗，痛痛，要你鍚鍚....
媽媽：點解會咁架你，點解會損咗架.......來來來，畀我搽消毒藥水。搽咗兩日，傷口乾啦，快啲好番，唔好抓呀....

奴才大膽冒犯王子

一肚都係

蘇菲：爽呀~~
迪奇：涼呀~~

蘇菲：衣家叫到05，好快到我哋啦~~~
點知>>>>>
等咗好耐.......由3點9等到六點半呀........

蘇菲：攞咗咁多藥食~~

醫我肚肚真菌~~~媽媽上星期二帶貓覆診時查實問KAREN醫生配咗藥，點知我發得好勁，唔睇唔得，今KAREN醫生又放咗，睇咗江醫生！媽媽話，呢度三款藥，有抗真菌有抗生素同抗敏藥，食咗唔駛再痕痕~~
我要快啲好番呀！